پاکستان د ۸۰٪ کورونا ويروس ناروغۍ تور په ایران لګوي

پېښور -- پاکستاني چارواکي په پاکستان کې د کورونا ويروس د خپریدو پړه په ګاونډي ایران اچوي.

د ډان ورځپاڼې له مخې، پاکستان تر دې دمه د کورونا ویروس ۱،۰۰۰ تصدیق شوې کيسونه او اوه مرګونه ثبت کړي دي.

د وزیر اعظم عمران خان لپاره د روغتیا ځانګړي معاون ډاکټر ظفر میرزا د سه شنبې په ورځ (د مارچ په ۲۴ مه) په اسلام اباد کې یوې خبري غونډې ته وویل، "په پاکستان کې د کورونا ويروس ناروغۍ تایید شوي اتیا سلنه ناروغان له ایران څخه دي، کوم چې د عامې روغتیا نړیوال اضطراري حالت سره د مقابلې کولو توان نه لري."

ایران: د کورونا ويروس ګرم مرکز

ایران، چې له پاکستان او نورو ځایونو څخه د شیعه زيارت کونکو لپاره يو مشهور ځای دی، په هغه هيوادونو کی دی چې د وبا له امله ډير زيات ځپل شوي دي.

ای اېف پي راپور ورکړو چې تهران د چهارشنبې په ورځ (د مارچ په ۲۵ مه) د نوي کورونا ویروس له کبله د ۱۴۳ نويو مرګونو اعلان وکړو، چې د مرګونو رسمي شمیره ۲،۰۷۷ ته لوړه شوه.

په پېښور کې د روغتیا پخواني مدیر ډاکټر محمد سهيل وویل، د ایران نا اهلي د اضطراري حالت په جریان کې څرګنده شوې ده.

هغه وویل، "موږ د هغه کسانو په لټه کې يو چې د کورونا ويروس ناروغۍ تصدیق شوي ناروغانو سره په تماس کې پاتې شوي وو."

هغه وویل، خېبر پښتونخواه، چې ۴۰۲ زيارت کونکي يې قرنطين کړي دي له ایران څخه راغلي وو، د ۷۸ اوسیدونکو، د ۵۵ زيارت کونکو په ګډون، د ویروس مثبت ټسټونه لري. دې د ځینې کسانو ټسټونه وکړل چې د بيرته راتلونکو زيارت کونکو سره یې اړیکې لرلې.

سهیل وویل، د ۳۵ نه زياتو نمونو ټسټونه لا نه دي شوي. تمه کيږي چې په دې کې به د ۸۰٪ نه زيات ټسټونه مثبت وي.

په پېښور کې میشت طبي عالم ډاکټر محمد رفیق وویل، ډیر زيارت کونکي د بې وسۍ په حالت کې وو ځکه چې دوی د ضروري درملو ترلاسه کولو اجازه نه لرله کله چې ايراني چارواکو په ناڅاپي توګه هغوی ته د تلو امر وکړو.

زيارت کونکو، چې اوس په خېبرپښتونخواه کې قرنطين شوي دي، په ایران کې د تاسیساتو د نشتوالي شکایت وکړو. رفیق وویل چې په ایران کې ځایي چارواکو دوی د درملو د اخیستو لپاره بازارونو ته د تلو نه وروسته له هغې منع کړل کله چې وبا پيل شوه او له هغه وخت راهیسې د دې ناروغۍ د خپریدو پړه پر هغوی اچوي.

پاکستان له ایران او افغانستان سره په خپلو سرحدونو کې له یو ملیون څخه ډیرو راتلونکو کسانو سکريننګ ترسره کړی دی، خو د کېسونو د زیاتوالي وروسته یې دغه پولې تړلي دي.

پاکستان د کورونا ویروس په اړه د غلطو معلوماتو مصيبت سره هم مبارزه کوي چې د چین، روس او ایران د حکومتونو لخوا خپریږي.

د ډيرو ناروغانو امکان شتون لري

رفيق وويل، "ډېر هغه کسان چې په تادۍ سره راغلي ول له نورو [پاکستانيو] سره يوځای شوي دي او په نږدې راتلونکي کې به د ناروغۍ شمير زيات شي."

رفیق وویل، "پاکستان د ټولو هغو کسانو د سکرین کولو له ستونزو سره مخامخ دی چې د تایید شویو ناروغانو سره په تماس کې ول."

هغه زياته کړه، هغه زیارت کونکي چې دوه میاشتې مخکې له ایران څخه د سکريننګ نه بغير راستون شوي وو، یو بل مهم ګواښ دی. "ټول بحران د ایران له کبله دی. پاکستانیو وویل چې دوی د ایراني چارواکو د تبعیض سره مخ دي."

جاويد حسين، ۲۴ کلن، چې د هنګو اوسیدونکی دی، وویل چې د کورونا ويروس د ناروغۍ سره د ایران مبارزه ښه نه ده. د دې د چمتووالي کچه ډېره ټیټه وه.

هغه پوښتنه وکړه، "که ایران د خپلو خلکو ساتنه نه شي کولی، نو موږ څنګه تمه کولی شو چې دا به د نورو ساتنه وکړي؟"

د هنګو یو بل اوسیدونکي جمیل حسین، چې د هغه مشر ورور په هغه کسانو کې دی چې په پېښور کې قرنطين شوی دی، وويل چې په لسګونو کلیو کې، په زرګونو اوسیدونکي د زيارت کونکو، چې ايران ته يې سفر کولو، په سمبالولو کې د ايراني چارواکو د بدنظمۍ له کبله په دې ناروغۍ کې د اخته کیدو له خطر سره مخ دي.

هغه وويل، د هغه کورنۍ د ټولو زيارت کونکو د روغتیا په اړه اندیښنه لري.

هغه وویل، "موږ له حکومت څخه مننه کوو چې د ۱۴ ورځو لپاره يې بیرته راستنیدونکي ځان له ساتلي دي."