https://pakistan.asia-news.com/ps/articles/cnmi_pf/features/2020/02/10/feature-03
امنیت |

ایران د توغندیو د پرمختګ شکمن ادعاګاني کوي، په داسې حال کې چې د سپوږمکۍ توغول یې ناکامه شول

پاکستان فارورډ او ای اېف پي

image

دا د هغه راکټ تصوير دی چې د فبرورۍ په ۹ مه د ایران يوه سپوږمکۍ وړي. دا راکټ مدار ته په رسيدو کې ناکامه شو. [د ایران د دفاع وزارت]

تهران -- د ايران رژيم د يکشنبې په ورځ (د فبرورۍ په ۹مه) د توغندیو په خپلې ټیکنالوژۍ کې د پرمختګ یو شمیر ناتاييد شوي ادعاګانې وکړې، خو یوازې لږ وروسته د سپوږمکۍ توغول په ډراماتیکې توګه ناکامه شول.

د دفاع وزارت وويل، ایراني ځواکونو د یکشنبې په ورځ، ماښام په ۷:۱۵ بجې ظفر سپوږمکۍ وتوغوله، خو دا مدار ته په رسیدو کې ناکامه شوه.

د دې وزارت ویاند په پیل کې وویل چې سپوږمکۍ په "بریالیتوب" سره پیل شوه او "۹۰٪ په خپله لاره روانه وه" او د ۵۴۰ کیلو متره لوړوالي ته ورسیدله.

image

یو کارټون د ایران مشرتابه ښیي چې د نوي او قیمتي راکټ ټیکنالوژۍ ستاينه کوي، په داسې حال کې چې عام ایرانیان په بې وزلۍ کې ژوند کوي. [سلام ټایمز]

هغه په دولتي تلویزیون کې وویل، "له بده مرغه، په وروستي شیبو کې سپوږمکۍ وړونکي مطلوبه سرعت ته ونه رسیده" چې دا يې مدار ته دننه کړې وې.

د مخابراتو وزیر محمد جواد ازاري جهرومي د انګلیسي ژبې په یو ټویټ کې د پيل د "ناکامه" کیدو ژر وروسته ومنله.

"خو هيڅ به زمونږ مخه ونه نيسي! موږ ډیر راتلونکي لويې ایراني سپوږمکۍ لرو!" جهرمي وویل،

د پيل ناکامي د تهران د خلايي پروګرام لپاره یو مهم ګوزار دی چې د نړیوالې ټولنې غړي ورته د توغندیو د پراختیا لپاره د پوښښ په توګه ګوري.

په جنوري ۲۰۱۹ کال کې، تهران اعلان وکړو چې پيام -- په فارسۍ ژبه کې "پیغام" -- سپوږمکۍ مدار ته په رسیدو کې ناکامه شوې، وروسته له هغې چې چارواکو وویل چې دوی دا په ایران کې د چاپیریال په اړه د معلوماتو راټولولو لپاره پیل کړې وه.

متحده ایالاتو وويل، د راکټ وړونکي پيل د ۲۰۱۵ کال د ملګرو ملتونو د امنیت شورا له پریکړې سرغړونه کړې چې د تهران د اټومي پروګرام د بندولو په اړه د نړیوالې موافقې ملاتړ کوي.

۲۲۳۱ پرېکړه لیک پر تهران غږ وکړو چې د هر هغه ډول فعاليت نه ډډه وکړي چې د بالیستیک توغندیو سره تړاو لري او د اټومي وسلو د وړولو توان لري.

د انجنونو 'نوی نسل'

د پیل ناکامي یوازې څو ساعته وروسته له هغې رامنځته شوه کله چې د ایران پوځ د توغندي ټیکنالوژۍ د پرمختګ ګڼ شمیر شکمنې ادعاګانې وکړې.

د اسلامي انقلاب ساتونکو قول (آی آر جي سي)، چې د تیر اپریل په میاشت کې د تروریستي سازمان په توګه نومول شوی و، د یکشنبې په ورځ د لنډې فاصلې د بالیستیک توغندي هم څرګندونه وکړه او ويې ويل چې دا د انجنونو د "نوي نسل" لخوا توغول کيدی شي چې په مدار کې د سپوږمکیو د ځای پر ځای کيدو لپاره جوړ شوي دي.

آی آر جي سي وویل چې د رعد-۵۰۰ توغندی د نوي ظوهیر انجنونو سره سمبال شوی و او له هغه موادو څخه جوړ شوی چې د پخوانیو سټیل ماډلونو نه ډیر سپک دی.

دې سلمان انجنونه هم وښودل، چې د ورته موادو نه جوړ شوی دی، خو خلا ته د سپوږمکیو ليږدولو لپاره "متحرک نوزل" لري.

د آی آر جي سي کمانډر ميجر جنرل حسین سلامي د آی آر جي سي د فضا مشر بريګيډير جنرل امير علي حاجي زداه ترڅنګ توغندي او انجنونه وښودل.

سلامي وویل، په نوې انجن کې متحرک نوزل "د فضا نه هاخوا د حرکت کولو" توان ورکړو او د "توغندیو په عصري ټیکنالوژۍ کې د لوی پرمختګ" لامل وګرځيدو.

ایرانیان نور راکټونه نه غواړي

دا نوي پرمختګونه د ایراني رژیم لپاره تر ستونزمنې دور وروسته رامنځته شول چې په کې د حکومت پر وړاندې بې ساري احتجاجونه په ټول هیواد کې پیل شول.

د خورا بې اطمينانه نفوس او کمزوري اقتصاد سره، ایراني مشران د کنټرول ساتلو لپاره هڅې کوي، په داسې حال کې چې په ورته وخت کې دا ښيي چې ځان د لويديځ په وړاندې سخت ښکاره کړي.

د ایران د دوامداره اقتصادي بحران په اړه د غوسې احساس شتون لري، او د کمزوري اقتصاد د ښه کولو پر ځای د آی آر جي سي لخوا د توغندیو په ټیکنالوژۍ باندې د پراخه پيسو لګولو په اړه خبرونه به بې شکه د ایراني مشرتابه په وړاندې د خلکو احساساتو ته زيان رسوي.

د ميجر جنرل قاسم سليماني د وژلو نه وروسته، دا اقتصادي بحرانونه او د دې لخوا رامنځته شوي داخلي ناکراري کولی شي چې په وروستي ډګر کې د لویدیځ سره د مقابلې لپاره د ایراني رژیم په ليوالتيا کې بدلون راولي.

سلیماني د جنورۍ په ۳ مه په بغداد کې د امریکې د بې پیلوټه الوتکې په برید کې وژل شوی و.

آیا دا لیکنه ستاسو خوښه شوه؟
11
تبصرې 0
د تبصرو تګلاره