مشال قتل مقدمے میں یونیورسٹی کا سیکیورٹی افسر گرفتار

سٹاف رپورٹ

2017-04-24

پشاور -- ڈان نے خبر دی ہے کہ اتوار (23 اپریل) کے روز پولیس نے ضلع مردان میں عبدالولی خان یونیورسٹی کے ایک سیکیورٹی افسر کو طالب علم مشال خان کے قتل میں ملوث ہونے پر گرفتار کر لیا ہے۔

پولیس نے کہا کہ زیرِ حراست ملزم، بلال بخش مقدمے میں مرکزی ملزم ہے۔

13 اپریل کو یہ سننے کے بعد کہ مشال خان توہینِ رسالت کا مرتکب ہوا ہے، ایک مشتعل ہجوم نے اسے مار مار کر موت کے گھاٹ اتار دیا تھا۔ پولیس نے ابھی تک 35 گرفتاریاں کی ہیں۔