اسلام اباد - ميډيا راپور ورکړ چې په پاکستان کې په دې وروستيو وختونو په تاو تریخوالي کې د امن کميټۍ لږ تر لږه پنځه غړي او دوه دهشت ګرد ووژل شول.
د ډان خبري اژانس له مخې، چارواکي وايي چې د خيبر ايجنسۍ بازار په زخه خيل کې د نومبر په ۱۶مه د امن کمیټۍ پنځه غړي په ډزو ووژل شول.
جيو نيوز او دنیا تلويزيون د نومبر په ۱۷مه راپور ورکړ چې پوليسو په کراچۍ کې د نومبر په ۱۶مه دوه ترهګر ووژل او ۱۳ ونيول.
د ډان خبري اژانس له مخې، د ولايت د ترهګرۍ سره د مبارزې ادارې (CTD) د نومبر په ۱۷مه وويل، له بلې خوا، د پنجاب پولیسو په دې وروستيو کې په لاهور کې د داعش اته شکمن کسان ونيول.
د ډان خبري اژانس راپور ورکړ چې په بلوچستان کې دفرنټير کور(FC) او د قانون نافذونکو نورو ادارو د نومبر په ۱۶مه په ټمپ سيمه کې يو بم شنډ کړو.
دنیا تلويزيون د نومبر په ۱۶مه راپور ورکړ، په جلا ډول، ايف سي په دې وروستيو کې د بلوچستان په حب سيمه کې دوه شکمن ترهګر ونيول.
