اقتصاد

په انځورونو کې: د املوکانو باغونه یوځل بیا په مهمند ضلعه کې وده کوي

د سوداګرۍ خاوندان وايي چې د املوکانو د سوداګرۍ په شمول سوداګري په سيمه کې بيا بحاليږي.

د عالمګير خان لخوا

2019-12-11

په مهمند ضلعه کې يو کروندګر د دسمبر په ۳مه املوکان شوکوي. [عالمګير خان]

يو ځوان سړی په مهمند ضلعه کې د دسمبر په ۳مه املوکان خرڅوي. [عالمګير خان]

کروندګر په مهمند ضلعه کې د دسمبر په ۳ مه بازار ته د ليږدولو نه مخکې کريټونه د املوکانو نه ډکوي. [عالمګير خان]

کروندګر د دسمبر په ۳ مه په مهمند ضلعه کې په کريټونو کې املوکان اچوي. [عالمګیر خان]

يو کروندګر د دسمبر په ۳مه په مهمند ضلعه کې په يو پېرودونکي باندې د املوکانو کريټونه خرڅوي. [عالمګیر خان]

کروندګر په مهمند ضلعه کې د دسمبر په ۳مه په يو باغ کې کريټونه د املوکانو نه ډکوي. [عالمګير خان]

يو کارکونکی په مهمند ضلعه کې د دسمبر په ۳مه بازار ته د ليږدولو نه مخکې کريټونه په ترتيب سره ږدي. [عالمګير خان]

پيرودونکي په مهمند ضلعه کې د دسمبر په ۳مه املوکان خوري. [عالمګير خان]

په مهمند ضلعه کې د دسمبر په ۳مه د املوکانو يو باغ ليدل کیږي. [عالمګير خان]

غلنۍ -- د امن بیرته راتلو سره، د مهمند قبایلي ضلعو کې د املوکانو کاروبار اوس وده کوي.

د مهمند ضلعې د اکا غوند تحصیل اوسیدونکي نویدالله وویل، "یو وخت داسې و چې کروندګر په دې مجبوره وو چې د اورپکۍ له کبله خپلې ونې ووهي."

"کروندګرو په اکا غوند تحصیل کې په سل ایکړه ځمکه کې د میوو ونې پرې کړې، چې ډیره بې کاري یې رامنځته کړه."

په سیمه کې اورپکۍ د دوکانونو او بازارونو د بنديدو سبب وګرځيدل، چې کروندګر يې د خپلو توکو خرڅولو نه منع کړل. په بدل کې، کروندګرو د ونو پاملرنه کول پريښودل او بالاخر دا ونې وچې شوې او د خشاک لپاره پرې کړل شوې.

يو کروندګر په مهمند ضلعه کې د دسمبر په ۳مه املوکان شوکوي. [عالمګير خان]

هغه وويل، "اوس، کله چې امن بحال شوی، سوداګري بیرته راغلې او موږ خپلې میوې په مناسب قیمت خرڅولی شو."

نثار خان، چې په پېښور کې يو سوداګر دی، به په لرې پرتو سيمو کې میوې اخيستلې کله چې په مهمند ضلعه کې امنیتي حالت خراب وو.

نثار په بازار کې د ميوو بيرته خرڅيدو ته په اشاره وويل، "اوس دوه میاشتې مخکې، موږ په مهمند ضلعه کې د باغ فصل په ۲۵۰،۰۰۰ روپو (۱،۶۰۰ آمريکايي ډالره) واخيستو، او دې مونږ ته د ۵۰۰،۰۰۰ (۳،۲۰۰ آمريکايي ډالرو) ګټه راکړه."