https://pakistan.asia-news.com/ps/articles/cnmi_pf/features/2019/10/18/feature-01
| روغتیا

خیبر پښتونخوا د ریسکیو ۱۱۲۲ لپاره د ایمرجنسی ټریننګ ړومبی اکیډمې جوړوي

د عديل سعيد رپورټ

image

د ريسکيو ۱۱۲۲ کارکنان د اګست په میاشت کې په شیرشاه سوري سړک باندې په يوې حادثه کې ژوندي پاتې شويو کسانو ته ابتدایی طبي مرستې چمتو کوي. [عدیل سعید]

پېښور -- د خیبر پښتونخوا مقامات د ریسکیو ۱۱۲۲ خدمت لپاره په صوبه کې د تربیت ورکولو ړومبی اکيډمي جوړوي چې د ایمرجنسی غبرګونونو لپاره کارکوونکي په ښه توګه تيار کړي.

چارواکي وايي چې دا اکيډمي به په کوهاټ ضلعه کې په ۲۳ جريبه ځمکه باندې د ۱۴۰ ميليونو روپو (۸۹۷،۰۰۰ امريکايي ډالره) په لګښت جوړه شي.

چارواکو تر دې مهاله د پرانيستې لپاره نیټه نه ده ټاکلې خو تمه کيږي چې ساختماني کار به دوه کاله وخت واخلي.

image

د ریسکیو ۱۱۲۲ يو امبولانس د ۲۰۱۸ کال د جولای په میاشت کې په پیښور کې د هغه ځانمرګي چاودنې ځای ته روان دی چې د عوامي نیشنل پارټۍ مشر هارون بشیر بلور په کې وژل شوې وو. [عدیل سعید]

په خیبرپښتونخوا کې د ریسکیو ۱۱۲۲ ډايريکټر جنرل ډاکټر خاطر احمد وویل، "د تربیتی اکيډمۍ د جوړولو فیصله د دغه صوبې مختلفو ضلعو او نويو ضم شويو قبايلي ضلعو ته د ریسکیو ۱۱۲۲ خدماتو غځولو په رڼا کې شوې ده."

په خیبرپختونخوا کې دا نوي اکيډمي به د پولیسو، ټريفک پولیسو او ملکي دفاع په شمول د ژوند د نجات او د افت سره د مبارزې په فعالیتونو کې د ادارو کارکنانو ته تربیت وړاندې کړي.

خاطر وویل، د ريسکيو ۱۱۲۲ ټول کارکنان به په دې نوې مرکز کې د شپږو میاشتو تربیت ترلاسه کړي.

خاطر وویل، ريسکيو ۱۱۲۲ په پېښور ښار کې په ۲۰۱۰ کال کې شروع شوې وو، کله چې په سیمه کې ترهګري خپل اوج ته رسیدلې وه او نږدې هره ورځ به بمي چاودنې ترسره کيدې. دې پیښو د جدي زخمي قربانیانو لپاره د ایمرجنسی نجات او د ژوند د نجات د معالجې پروګرامونو غوښتنه زیاته کړې وه.

په خيبرپښتونخوا کې ريسکيو ۱۱۲۲ پراخه کول

خاطر وويل چې ريسکيو ۱۱۲۲ په خیبر پښتونخوا کې ۱۰ ضلعو ته غځول شوی دی.

هغه زياته کړه چې په اګست ۲۰۱۹ کې له پیل راهیسې، ریسکیو ۱۱۲۲ په ۲۷۷۵۶۴ بيړنو حالاتو کې د غبرګون ښودلو له لارې ۲۸۴۲۲۰ کسانو ژوند ته نجات ورکړی دی. په دې کې ۶۰۷ بمي چاودنې، ۶۳۹۱۶ حادثې او ۹۷۴۳ د اور پیښې شاملې دي.

د خاطر په وینا، دا خدمت به دسمبر پورې ۳۷۰ نوي کارکنان استخدام کړي چې ایمرجنسي خدمات د دې صوبې پاتې ضلعو ته وغزوي.

سيد احمد بلال فيضي، چې د ريسکيو ۱۱۲۲ ترجمان دی، وويل، "په خيبر پښتونخوا کې د ریسکیو ۱۱۲۲ خدمات د پام وړ دي او په اوو منټونو کې ایمرجنسی حالت ته د غبرګون ښودلو نړیوال معیار سره سمون لري."

بلال وویل، ایمرجنسی خدمت په پيښور کې هره ورځ له ۱۰۰ څخه ډیر بيړني رنګونه ترلاسه کوي.

هغه زیاته کړه چې د ریسکیو ۱۱۲۲ امبولانسونه هر ډول ناروغانو ته د ایمرجنسی خدماتو چمتو کولو لپاره ټول ضروری تجهیزات لري، او کارمندان یې روزل شوي طبي کامندان دي.

'د ډیرو ژوند بچوی'

آمين احمد، چې يو د بجلۍ مستري دی او د پيښور په شاوخوا کې د شيخ محمد کلي اوسيدونکی دی، وويل، "د ایمرجنسی رنګونو په وړاندې د ریسکیو ۱۱۲۲ لخوا غبرګون ډیر د ستاینې وړ دی او بیمارانو سره مرسته کوي چې په وخت روغتونونو ته ورسيږي، چې د ډیرو ژوند ته نجات ورکوي."

هغه وویل، د ریسکیو ۱۱۲۲ نه مخکې، د کلیو اوسیدونکو به د خصوصي امبولانس خدماتو ته زياتې پیسې ورکولی، که چيرې دوی به اړتيا لرله چې هسپتال ته ژر لاړ شي.

احمد په خپل کلي کې د اور د پیښې یادونه وکړه او ویې ویل چې د ایمرجنسی ټیلیفون کولو غبرګون ډیر تیز وو.

عاطف حليم، چې په پیښور کې د پیښور ښار د سوداګرو تنظیم نوی مشر دی، وویل، په تیرو وختونو کې په علاقه کې د ترهګرو د تاوتریخوالي کمپاینونه په پام کې نيولو سره، په ښه توګه سمبال شوې د ایمرجنسی غبرګون عملیات خورا مهم دي.

هغه وویل، "زموږ د صوبې د قانون او نظم تاریخ په پام کې نيولو سره، د نجاب مناسب خدمت ضروری دی. دا صوبه په تیره یوه نیمه لسیزه کې د دهشتګردۍ اړوند د تاوتریخوالي په پښو کې پاتې شوې ده."

آیا دا لیکنه ستاسو خوښه شوه؟
2
نه
تبصرې 0
د تبصرو تګلاره
Captcha