کوټه -- د ډان خبري اژانس د راپور له مخې، چې د پنجشنبې په ورځ د فبرورۍ په ۲۳مه خپور شو، د صوبايي حکومت وياند انوار الحق کاکړ وويل، چارواکو په بلوچستان صوبه کې په تيرو دوو کلونو کې۴۷۰ وسله وال وژلي دي او د ۲۰،۰۰۰ نه زیات مشکوک وسله وال یې نیولي دي.
کاکړ وويل، چې زياتره وژل شوي وسله وال د فرقه يې ډلو سره تعلق لرلو.
دغه عملیات د عمل ملي پلان برخه وه. وفاقي حکومت په پیښور کې په دسمبر ۲۰۱۴ کال کې په آرمي پبلک سکول باندې د تروریستي ډله ايز بريد نه ژر وروسته د عمل ملي پلان حکم ورکړو.
کاکړ وويل چې چارواکو په تیرو دوو کلونو کې په بلوچستان کې د وسلوالو طالبانو په وړاندې د ۵،۶۴۰ نه زيات د استخباراتو پر بنسټ عملیات ترسره کړل.
د پوځ د عامه اړیکو دفتر وويل چې چارواکو د چهارشنبې په ورځ (د فبرورۍ په ۲۲مه) د بلوچستان په لورالایي ډسټرکټ کې ۲۳ چاوديدونکي وسيلې ترلاسه کړې.
