چین په عادي حالت وياړ کوي، په داسې حال کې چې نړۍ په دومداره توګه له وبا سره مخ ده

داسې ښکاري چې د چین دولتي رسنۍ اراده لري چې نړۍ ته دا ښکاره کړي چې دغه هیواد د کورونا ویروس ناروغۍ نه خلاصی ترلاسه کړی دی، خو هغه هیوادونه د دې رسنیو کمپاین ته له غوسې سره ګوري کوم چې د کورونا ويروس ناروغۍ -- چې په چين کې رامينځته شوي وه او خپره شوي وه -- له امله په سخت لاکډاون کې دي.

په چین کې کنټرول شوي رسنۍ، د مثال په توګه، د سه شنبې په ورځ (د سپتمبر په لومړۍ نيټه) د زرګونو زده کونکو تصويرونه خپاره کړل چې په ووهان کې، چې هغه مرکزي چینایي ښار دی چيرته چې تير کال کورونا ويروس راپورته شوی و، په شخصي توګه په ټولګيو کې ګډون کوي.

تقريباََ ۱.۴ ميليونه زده کونکو د می په مياشت کې د هايي سکولونو له بيرته پرانيستلو وروسته په ښار کې په شاوخوا ۲۸۰۰ کنډرګارټنونو، پرايمري او مډل سکولونو کې کلاسونه له سره پيل کړل.

ډیر تصويرونه په هغه زده کونکو تمرکز کوي چې د چین بیرغ پورته کوي.

دا تصويرونه د چین په ټولو صوبو او په اړوندو رسنيو کې خپاره شول، چې يوه ښکاره هڅه ده چې په بهر کې د خلکو په نظر اغيزه وکړي.

په چین کې ژوند یو جشن دی

په ورته ډول د اګست په نیمایي کې، د چین دولتي رسنیو د زرګونو ګډونوالو تصويرونه او ویډیوګانې خپرې کړې، په داسې حال کې چې دوی په ووهان کې د اوبو په پارک کې د اليکټرانيک موسيقۍ د جشن لپاره د لامبو جامې اغوستې وې، خو ماسکونه يې نه لرل. .

د اوبو مخې ته په سټیج ولاړ يو اداکار خلکو ته لاس هسکوي، او نږدې خلک هغه ته هم لاسونه هسکوي، په داسې حال کې چې یو بل لوبغاړي د اوبو په جیټ بورډ سره خپل ليدونکي هغه وخت خوشحاله کړل کله چې هغه د خپلې شا نه پورته شو او د اوبو سره د هغوی د پاسا تير شو.

يو څو ورځې مخکې، د چین چارواکي په دوامداره توګه د کورونا ويروس ناروغۍ پروړاندې مبارزه کې "د پام وړ کارنامو" کيسه وړاندې کوي..

د چین ملي موزیم د یو نوي نمايش "د قوت یووالی" پرانسته وکړه، چې نقاشي، مجسمې او خطاطي نندارې ته وړاندې کوي. دا هغه څه څرګندوي چې رژیم وايي چې دا د بحران پروړاندې په غبرګون ښودولو کې د دې بريا ده.

عکس العمل

د بې پروايۍ دا منظرونه، په شخصي ډول زده کړې، په جشن کې برخه اخيستل او د چين له خوا ځان د اتل په توګه ښودل به په نړۍ کې د هغو کسانو لپاره ښه نه وي کوم چې د هغه عجیبه وبا له امله خورا ځپل شوي چې په ووهان کې رامینځته شوی وه.

د سه شنبې د ورځې (د سپتمبر تر دريمې نيټې) پورې، د کورونا ويروس ناروغۍ د ۲۶ ملیونو نه زيات خلک په ناروغۍ اخته کړی او ۸۶۰۰۰۰ کسان یې وژلي دي، چې د نړۍ په هر هیواد کې يې پراخه سیاسي، اقتصادي، ټولنیز او روغتيايي زیان رامينځته کړی او داسې ښکارې چې هیڅ اختتام نه لري.

په وبا کې د دې اصلي رول او خپل ځان د نړيوال اتل په توګه د ښودلو ترمينځ توپير په پام کې نيولو سره، د بېجينګ د رسنيو هڅې به يوه ځانګړې موضوع وي.

د ۲۰۲۰ کال په لومړيو کې، چینايي چارواکي په دې پوهه شوي وو چې يوه وژونکي وبا خورا نږدې ده، خو تقريباََ د یوې هفتې لپاره یې هیڅ ونه ویل، چې ویروس ته یې په ووهان کې د پښو خښولو توان ورکړو او په ټوله نړۍ کې خپور شو، په داسې حال کې چې دا په قصدي ډول د کورونا ویروس خپرېدو شواهد تباه کوي او يا يې پټ ساتي..

د دې بحران له پيل راهيسې، بيجنګ په فعاله توګه هڅه کوي چې د سازشي نظريو له خپرولو سره په کورونا ویروس وبا کې د خپل رول په اړه انتقاد کم کړي اوليدل شوی چې په خبرونو کې او سوشل ميډيا باندې د ويروس په اړه ښکاره غلط معلومات خپروي..

په عین حال کې، چینايي شرکتونه د ګټې لپاره د دې نه کار اخلي.

د شنونکو له مخې، د مارچ او می ترمینځ، چین د ۵۰ ملیارده نه زيات ماسکونه صادر کړل -- چې په تیر کال کې د ټول تولید په پرتله ۱۰ چنده زیاتوالی دی.

د دې هڅې د یوې برخې په توګه، چینايي چارواکي د سنکیانګ په سیمه کې مسلمان اقلیتونه په دې مجبوروي چې په فيکټريو کې کار وکړي او شخصي حفاظتي آلات (پي پي اي) جوړ کړي، چې زياتره پکې خراب او بې کاره ثابت شوي دي. .