http://pakistan.asia-news.com/ps/articles/cnmi_pf/features/2017/11/01/feature-02
| امنیت

پاکستان موټر ريلي د هیواد د خپلواکۍ اويايمه کلیزه لمانځوي

د محمد آهل لخوا

د مختلفو فعاليتونو ویډیو کلپونو په ۲۰۱۷ کال کې د اکتوبر په ۲۱ مه د پاکستان موټر کار ريلي پرانيسته وکړه. په سلګونو موټر چلوونکو د اکتوبر په ۳۱ مه د پاکستان د خپلواکۍ د اويايمې کليزې د لمانځلو لپاره په خوندي ډول ریلي پای ته ورسوله او د ۳،۰۰۰ کلوميټرو نه زيات اوږد سفر يې وکړو. [د محمد آهل نه په مننه]

ګلګت -- په سلګونو موټر چلوونکو د پاکستان د خپلواکۍ اويايمې کليزې د لمانځلو لپاره په خوندي توګه د سه شنبې په ورځ (د اکتوبر په ۳۱ مه) پاکستان موټر کار ريلي پای ته رسولې ده، او د ۳،۰۰۰ نه زیات کلوميټره اوږد سفر يې کړې دی.

په ټول هیواد کې د ۲۳ موټر کلبونو د ۳۰۰ نه زيات جيپونو، ۵۰۰ موټرسايکلونو او ۱۵۰ موټرو په دې ريلي کې ګډون وکړو. د پاکستان پوځ د دغه ريلي انتظام کړی و.

موټر چلوونکو د اکتوبر په ۲۱ مه د چين پولې ته څېرمه د خنجراب درې نه ريلي پیل کړه، او د ګلګت، اسلام اباد، جنوبي وزيرستان، کویټې او کراچۍ له لارې تېر شول. د دوی اخري منزل د بلوچستان صوبې ګوادر و. پوځ د موټر چلوونکو ساتنه وکړه او لاره یې خوندي کړه.


پاکستانيان د اکتوبر په ۲۸ مه کویټه ته د رسيدو په وخت په پاکستان موټر ریلي کې د ګډون کوونکو هرکلی کوي. [بنارس خان/ای ايف پي]

پاکستانيان د اکتوبر په ۲۸ مه کویټه ته د رسيدو په وخت په پاکستان موټر ریلي کې د ګډون کوونکو هرکلی کوي. [بنارس خان/ای ايف پي]


پاکستان موټر ریلي د ګلګت بلتستان د مرکزي ښار ګلګت نه د اکتوبر په ۲۱ مه پیل شوه او د بلوچستان په ګوادر کې د اکتوبر په ۳۱ مه پای ته ورسېده. [محمد آهل]

پاکستان موټر ریلي د ګلګت بلتستان د مرکزي ښار ګلګت نه د اکتوبر په ۲۱ مه پیل شوه او د بلوچستان په ګوادر کې د اکتوبر په ۳۱ مه پای ته ورسېده. [محمد آهل]


يو پاکستانی موټرسايکل چلوونکی، چې په پاکستان موټر ریلي کې ګډون کوي، د اکتوبر په ۲۳ مه په اسلام اباد کې د نورو کسانو نه مخکې روان دی. [فاروق نعیم/اې ايف پي]

يو پاکستانی موټرسايکل چلوونکی، چې په پاکستان موټر ریلي کې ګډون کوي، د اکتوبر په ۲۳ مه په اسلام اباد کې د نورو کسانو نه مخکې روان دی. [فاروق نعیم/اې ايف پي]


يو پاکستانی په اسلام اباد کې د اکتوبر په ۲۳ مه په پاکستان موټر کار ریلي کې د موټرو انځورونه اوباسي. [فاروق نعیم/ ای ايف پي]

يو پاکستانی په اسلام اباد کې د اکتوبر په ۲۳ مه په پاکستان موټر کار ریلي کې د موټرو انځورونه اوباسي. [فاروق نعیم/ ای ايف پي]

د پوځ د عامه اړيکو دفتر په يو بيان کې وويل، پاکستان موټرکار ريلي د هیواد په ټوله برخه کې سفر وکړو چې د امید او سولې پیغام ورکړي، سپورټ ته وده ورکړي، د سياحت لپاره امکانات، کلتوري میراث او د سپورټ وړتیا، اقدامات او هغه کم کلبونه په ګوته کړي کوم چې د موټرو سپورټ سره تعلق لري او په پاکستان کې د زړو ګاډو ساتنه وهڅوي.

په دغه بيان کې راغلي، "هغه لارې او سیمې، چې د ریلي لپاره ټاکل شوي وې، نسبتا لږې ښکارې دې. دغه لارې د غیر معمولي هڅو سره جوړي شوي دي او د پاکستان په سوکالۍ کې مهم رول لوبوي."

پاکستان په ۱۹۴۷ کې د اګست په ۱۴ مه د بریتانوي واکمنۍ نه خپلواکي ترلاسه کړه.

د سولې يو پيغام

ډیرو موټر چلوونکو او نورو خلکو دا ریلي د پاکستان لپاره د امید يو پیغام وګرځولو. د ۱،۰۰۰ نه زيات ګډون کوونکو سره، چې د پاکستان په سختو غرونو او هوارو سيمو کې سفر کوي، دې ریلی دا خبره څرګنده کړه چې د هیواد ډیره برخه د کلونو د نا امنۍ او ويرې نه وروسته اوس خوندي ده.

د ګلګت بلتستان وزير اعلی، حافظ حفیظ الرحمان، چې د اکتوبر په ۲۱ مه يې د ريلي په پیل کې ګډون کوونکي رخصت کړل, وويل، "په کاميابۍ سره د دې ريلي اختتام نړیوالې ټولنې ته پيغام ورکوي چې پاکستان سوله خوښونکی هيواد دی."

هغه وويل، دا ریلي "د ټول پاکستان لپاره د امید او خوشحالی پیغام دی او د تروریزم د چاپیریال په وړاندې د جنګ ګټلو نه وروسته د خوشحالۍ په لور روان دی."

ماه جبين، چې يوه ښځینه موټر چلوونکي ده، پاکستان فارورډ ته وویل: "موږ دلته یو چې د ښه پاکستان او د ښه نړۍ لپاره مینه، سوله او د امید رڼا خپره کړو."

کلتوري، اقتصادي فرصتونه

حامد علي خان، چې په لاهور کې د کلاسیکي موسيقۍ سندرغاړی دی، د نورو کسانو سره يوځای شو چې په فاټا کې د وزیرستان نه د بلوچستان صوبې د زوب پورې دا ریلي وګوري.

خان پاکستان فارورډ ته وويل چې هغه وزیرستان ته د راتګ په اړه اندیښمن و، خو دلته ژوند عادي دی او هر اړخ ته سوله موجود ده -- زه ډیر ویاړ کوم او خوشحاله یم چې پاکستاني پوځ د تروریزم پرضد جګړه ګټلې ده."

هغه وويل: "داسې ډول ريلي او داسې لارې، چې نا امنه وې، نن ورځ سوله ايزي دي." هغه زياته کړه، "دا ريلي څرګندوي چې پاکستان اوس د ترهګرۍ لپاره خوندي ځای نه دی."

هغه وويل، پاکستانیان وياړ کوي چې نړۍ ته ووايي چې سوله هیواد ته بیرته راغلې ده او ترهګرۍ ته یې د پوځ او خلکو په ملاتړ ماتی ورکړو.

خان وویل: "دا د نړۍ لپاره يو پیغام دی چې پاکستان د فن، کلتور او موسیقۍ لپاره خوندي ځای دی او د دې نه علاوه نورې خبرې د تير وخت خبرې دي."

سلیم مروت، چې په ریلي کې ېې برخه اخیستې وه، پاکستان فارورډ ته وویل، چې دا ريلي به د پاکستان لپاره یو ستر اميد وي" او دا به "سیمه ایز او بهرني سیلانیان هم راجلب کړي."

توقیر ضیا، چې يو بل ګډون کوونکې دی، په ريلي کې د بهرنیانو د شتون په اړه خبرې وکړې. هغه وويل، چې "دا ښه نښه ده؛ دا به هیواد ته زياته سرمايه کاري او سرمايه کاران راولي."

ضيا وويل: "د دې شاته پاتې شويو سيمو ځوانانو لپاره زيات کارونه او دندې به د تروريزم لپاره يو جدي ګوزار وي، کوم چې د بې روزګاره پاکستاني ځوانانو استحصال کوي."

آیا دا لیکنه ستاسو خوښه شوه؟
9
نه
تبصرې 0
د تبصرو تګلاره
Captcha