په سوات ضلعه کې وسله والو هغه ژورنالیست ووژلو چې خپلوان یې د تحريک طالبان پاکستان خلاف وو

سوات -- پولیسو د چهارشنبې په ورځ (د فبرورۍ په ۲۶ مه) تایید کړه چې یو ژورنالیست، چې خپلوان یې د تحریک طالبان پاکستان پر ضد ډلې غړي وو، په ډزو وژل شوی دی.

جاوید الله خان، چې ۳۶ کاله عمر يې لرلو، د سه شنبې په ورځ (د فبرورۍ په ۲۵ مه) د سوات ضلعې په مټه کې په ډزو ووژل شو. مټه پخوا د وسله والو يو مهم مرکز و، چې د سوات د وادۍ نه شمال لویدیز اړخ ته ۴۰ کلو ميټره لرې پرته ده.

هغه د اردو ژبې ورځپاڼې اوصاف کې بیورو چیف و.

د پوليسو يو لوړ پوړي چارواکي محمد اعجاز خان ای اېف پي ته وويل، "جاوید د پولیسو له ساتونکي سره په سفر روان و کله چې دوو وسله والو د هغه په ګاډي باندې ډزې وکړې." هغه په ځای مړ شو.

د پوليسو يو سيمه بيز چارواکي علي محمد د دغه پيښې تاييد وکړو.

محمد زیاته کړه چې "دا یو هدفي برید و."

دغه ژورنالیست ډیر خپلوان د ترهګرۍ له کبله له لاسه ورکړې ول.

محمد زياته کړه چې د هغه ډیر خپلوان، د هغه د ورور، ترونو او تره زامنو پشمول، له دې کبله ووژل شول چې دوی د طالبانو پر ضد په امن کمیټو کې ښکيل وو.

د کلونو راهیسې، قبایلي پاسبان ځواکونو، چې په سیمه ایز ډول د سولې کمیټۍ یا لشکر په نوم پیژندل کیږي، د وسله والو په وړاندې د خپلو کليو دفاع کړې ده.

ډیرو د هیواد په امنیت کې د پام وړ پرمختګ وروسته دغه ډله پريښودې ده.

په داسې حال کې چې په تیرو کلونو کې د وسله والو شبکې سختې ګډوډي شوي، بلواګر لاهم د برید کولو وړتیا لري.

د بخښنې نړیوال سازمان وویل، خان یو "ډير زړه ور ژورنالیست" و. دغه سازمان د یوې خپلواکې پلټنې غوښتنه وکړه.

هیڅ يوې ډلې سمدلاسې مسؤلیت نه دی منلی، خو وسله والو په تیرو وختونو کې حکومت پلوه قبايلي مشران په نښه کړي دي.