2016-11-01 | ځوانان

پاکستان د ځوانانو لپاره د مثبت فکر پروګرامونو شروع کولو په ذريعه اورپکۍ په شا تمبوي

دانش يوسفزی

حکومتي او غير حکومتي ادارې امن او ترقۍ ته د ودې ورکولو لپاره د تربیتي غونډو، د پوهاوي کمپاینونو، ثقافتی او د لوبو پروګرامونو انتظام کوي.


طالب علمان د خيبر ايجنسۍ په جمرود کې د اکتوبر په ۲۴مه په يو سکول کې د تفريح په دوران کې  والی بال کوي. [دانش یوسفزۍ]
طالب علمان د خيبر ايجنسۍ په جمرود کې د اکتوبر په ۲۴مه په يو سکول کې د تفريح په دوران کې والی بال کوي. [دانش یوسفزۍ]
طالب علمان د خيبر ايجنسۍ په جمرود کې د اکتوبر په ۲۴مه په يو سکول کې د تفريح په دوران کې والی بال کوي. [دانش یوسفزۍ]

حکومتي او غير حکومتي ادارې امن او ترقۍ ته د ودې ورکولو لپاره د تربیتي غونډو، د پوهاوي کمپاینونو، ثقافتی او د لوبو پروګرامونو انتظام کوي.

پېښور-- له هغه وروستو چې د پاکستان پوځي عملیاتو په فاټا کې د امن لپاره لاره هواره کړه، ځايي حکومتي او غیرحکومتي ادارې د سپورټ او ثقافتي فعالیتونو په ذريعه د ځوانانو په بیا جوړونه باندي تمرکز کوي.

په خيبر ايجنسۍ کې د سپورټ د چارو منېجر راهد ګل وویل، فاټا د کلونو تاوتريخوالۍ او ترهګرۍ نه خلاصې تر لاسه کوي، خو د فاټا ځوانانو بيارغونې په لاره کې ډیر چيلنجونه پراته دي. هغه زياته کړه چې د تربیتي غونډو، د خبرتیایي کمپاینونو، ثقافتي جشنونو او د سپورټي پروګرامونو هدف دا دی چې ځوانان په ګټورو فعالیتونو کې بوخت کړي او په دی جریان کې مرسته وکړي.

ګل پاکستان فارورډ ته وويل: «په خيبر ايجنسۍ کې امن د اورپکۍ د یوې لسیزې وروسته بحال شوی دی. [خو اوس هم،] بیرته راتلونکې قبايلي خلک د حالاتو سره مقابله کولو کې ستونزو سره مخامخ دي.»

هغه وويل، په تيرو کلونو کې « ټوله ورځ به [ځوانانو] خبري اتري کولې چې کوم تروریستي ګروپ زيات قوي او مخور دی. دا ډيره د افسوس خبره وه چې مونږ اوس ماشومان وينو چې د بقا یو ښه چانس لپاره په تروریستي ګروپونو کې د شاميليدو په هکله خبرې کوي.»

هغه وويل: «اوس دا سناریو بدل شوی دی. اوس زموږ ماشومان د وسله والو پر ځای د کرکټ، فوټبال او مارشل آرټس د هیروګانو په اړه خبرې کوي.»

هغه وويل، فاټا زيات شمېر قومي او د بین الاقوامي کچې لوبغاړي رامنځته کړي دي کوم چې د ځوانانو لپاره د رول نمونې دي. «دا يو مثبت ګام دی، او موږ اميد لرو چې زموږ نسل به یو ترقي یافته مستقبل ولري.»

هغه وويل: «په قبایلي سیمو کې خلک خاصکر ځوانان هڅولو لپاره او امن ته وده ورکولو لپاره حکومت په مختلف سيمو کې د يو شمير سپورټ او ثقافتي پروګرامونو پلان تيار کړی دی.»

هغه وويل، چارواکو په لنډي کوتل او تیرا دره کې د ستر ټورنامنټونو انتظام کولو سره د ځوانانو ښکیلتیا لپاره ډېر نور فعالیتونه شروع کړي دي لکه ثقافتي جشنونه چې په هغې کې روايتي خوراک او د جیپانو ځغلول شامل دي. د دې موخه دا ده چې د امن یو پیغام ته وده ورکړي.

د سپورټي او ثقافتي فعالیتونو بیا راژوندي کول

امن ته وده ورکولو لپاره د کرکټ ټورنامنټ د اکتوبر په ۲۳مه خيبر ايجنسۍ باړه سب ډويژن اکاخېل سيمه کې شروع شو. په دې ټورنامنټ کې د پيښور او خيبر ايجنسۍ تقريبا ۵۰ ټيمونو ګډون وکړو.

د اکاخیلو ۲۱ کلن اوسېدونکي رشيد خان وويل، هغه او د هغه ملګري د تېرو هفتو راهیسې د کرکټ ميچونو نه خوند اخلي.

هغه پاکستان فارورډ ته وويل: «دا يوه ښه موقع ده. زما ټول ملګري راټول شي، او موږ د کرکټ ميچ نه خوند اخلو. ډيره موده تيره شوي ده چې موږ د ايجنسۍ په ليول داسي يوه ښه او خوندور پروګرام وليدو.»

خان وايي، چې امنيتي قوتونو د دې پروګرام ساتنه وکړه.

د خيبر ايجنسۍ سینیرصحافي اشرف دين پيرزاده وويل، چې په فاټا کې د پاکستاني فوج حملو نه مخکې، لکه په شمالي وزیرستان کې د جون ۲۰۱۴ کال ضرب عضب عمليات، وسله والو په سيمه کې د زيات شمېر سپورټ ميدانونه او د جشن سيمې تباه کړي وې.

هغه په فاټا کې د پاکستاني فوج عملياتو ستاينه وکړه او په امنيتي حالت کې بدلون راوستلو کریډیټ یې فوج ته ورکړو.

هغه پاکستان فارورډ ته وويل: «ما پخوا ډېري ... تروریستي پيښې ليدلې وې. [ترهګرو] د عام خلکو غونډې هدف وګرځولې او کله ناکله يې ځوانانو ته هم ګواښ کړی و.»

هغه وويل: « قبايلي ځوانانو یوازې د ۲۰۰۸ نه د ۲۰۱۴ کال پورې د سپورټ په ميدانونو کې د لوبو خوب ليدلی شو، او زياته یې کړه، چې په دغه موده کې پلرونو زياتره د حفاظت لپاره خپل ماشومان خپلو کورونه ته محدود کړل.»

پيرزاده وويل: «اوس، هر څوک په فاټا کې امن محسوسولی شي او ځوانان د بهر لوبو نه خوند اخلي. حتی چې د واده په جشن کې خلک په ازادانه توګه د لوړ غږ موسيقي غږوي او د پارټو انتظام کوي. دا په څو تیرو لسیزو کې د تروریزم او اورپکۍ د وجې ممکنه نه وه.»

هغه وويل، چې په قبايلي سيمو کې د امن بحالي د حکومت او قبايلو لپاره «یوه لویه کاميابي ده.»

هغه وويل: «که دغه حالت د يو څو کلونو لپاره داسې پاتي شوی وای، نو دا به د ويري يو خوب و ځکه چې ځوانانو د ترورستي ګروپونو سره یوځای کيدلو نه علاوه بله څه چاره نه لرله.»

هغه وويل، چې په فاټا کې د سپورټ او ثقافتي فعاليتونو بیا راژوندي کول یو رحمت دی او د ټولنې د ترقۍ يوه نښه ده.

هغه وويل، افراطي او جرايم پيشه خلک بې کاره ځوانان بهرتي کولې شي. دوی هغوی ته پيسې ورکوي او د هغوی حفاظت کوي.

هغه وويل، حکومت هرچاته کار نشي ورکولی، خو داسې پروګرامونه لکه د سپورټ ټورنامنټونه اوجشنونه ځوانان د دې قابل ګرځوي چې په ښو فعالیتونو کې برخه واخلي.

د ځوانانو لپاره د مثبتو او ښو سرګرمو انتظام کول

د خيبر د ځوانانو فورم، يو مقامي غير انتفاعي سازمان مشر، امير افريدي وويل: «د ځوانانو لپاره د صحت مند او تعمیري تفريحي سرګرمۍ د ټولنې د ترقۍ لپاره ضروري دي، او حکومت ته په کار ده چې داسې فعالیتونو ته وده ورکولو او ملاتړ لپاره کوشش وکړي. داسې اقدامات به په قبائيلي سيمه کې د ځوانانو د پټو صلاحيتونو په ښکاره کولو کې مرسته وکړي.»

هغه وويل، د ترهګرۍ او اورپکۍ نه علاوه، د فاټا ځوانان د يو بل ستر ګواښ سره مخ دي چې هغه په پراخه توګه د نشه يي توکو استعمالول دي.

هغه پاکستان فارورډ ته وويل: «خالي ذهن د شیطانانو یو کور دی. په کار ده چې ځوانان په مثبتو او تعميري فعالیتونو کې بوخت کړای شي.»

افريدي ځوانانو ته وويل چې دوی دې په قبايلي سيمو کې د تل پاتي امن لپاره رول ولوبوي ځکه چې امنيتي قوتونو او قبايلو د وسله والو نه سیمې ترلاسه کولو کې سختې قربانۍ وړاندې کړي دي.

هغه وويل، «زه خوشحال یم چې د فاټا پوليټيکل ايدمنسټريشن او امنیتي قوتونو ځوانان په صحت مندو فعالیتونو کې بوخت کولو کې ډيره دلچسپي اخيستې ده. د سپورټ او ثقافتي پروګرامونو نه علاوه هغوی د ځوانانو مشورې او وکالت لپاره تربيتي او د پوهاوې پروګرامونه هم شروع کړي دي.»

تربيتي پروګرامونه قبايلي ځوانانو ته مختلف مهارتونه او لارې ښيي چې دوی يو وړوکې کاروبار شروع کړي.

آیا دا لیکنه ستاسو خوښه شوه؟

Pf icons no 0

تبصره

* ضروري برخې ښيي
Captcha

د رایو شمېر

تاسو د افغانستان او پاکستان ترمنځ د ښه اړیکو په اړه څه فکر کوئ؟

نتایج وګورئ