جاسوسی غبارے کی ناکامی کے بعد، توجہ جاسوسی کے ایک چینی آلے، ہواوے پر مرکوز

چینی جاسوس غبارہ جس نے جو فروری کے اوائل میں ریاستہائے متحدہ امریکہ کے اوپر اڑان بھری تھا، اس نے سفارتی ہنگامہ کھڑا کر دیا اور اس خدشے کی تجدید کی کہ بیجنگ کس طرح خفیہ معلومات جمع کرتا ہے -- بشمول ٹیلی کام کمپنی ہواوے کے ذریعے۔

امریکہ کی قومی سلامتی کونسل کے ترجمان جان کربی نے 14 فروری کو کہا کہ بیجنگ امریکہ اور دیگر ممالک کی جاسوسی کے لیے اونچائی پر، کھوج لگانے میں مشکل غبارے استعمال کرنے کے لیے ایک "خوب سرمائے والا، دانستہ پروگرام" چلا رہا ہے۔

امریکی فوج نے ایک دن پہلے کہا تھا کہ امریکہ نے 4 فروری کو ایک مشتبہ چینی جاسوس غبارے سے اہم سینسر اور الیکٹرانکس کے پرزے برآمد کیے ہیں۔

اس غبارے نے شمالی امریکہ کے اوپر اڑتے ہوئے کئی دن گزارے، جس میں جوہری ہتھیاروں کے خفیہ مقامات کا ایک سلسلہ بھی شامل ہے۔

سی این این کے مطابق، کوانٹیکو، ورجینیا میں امریکی حکومت کی ایک لیب میں، امریکی فیڈرل بیورو آف انویسٹی گیشن (ایف بی آئی) کے انجینئرز برآمد ہونے والے غبارے کی باقیات پر نظر ڈال رہے ہیں، سی این این کے مطابق، غبارے کی تکنیکی صلاحیتوں کے بارے میں زیادہ سے زیادہ سمجھنے کی کوشش کر رہے ہیں۔

ان میں شامل ہے کہ غبارہ کس قسم کا ڈیٹا پکڑ سکتا ہے اور جمع کر سکتا ہے، یہ کن سیارچوں سے منسلک تھا اور کیا اس میں کوئی ایسی کمزوریاں ہیں جن سے امریکہ فائدہ اٹھا سکتا ہے۔

7 فروری کو واشنگٹن پوسٹ نے خبر دی کہ کئی امریکی حکام کے مطابق، کئی برسوں سے چین کے جنوبی ساحل پر واقع صوبہ ہینان سے باہر جزوی طور پر کام کرنے والی جاسوس غبارے کی کوشش نے، چین کے لیے ابھرتے ہوئے تزویراتی دلچسپی والے مممالک اور شعبوں میں فوجی اثاثوں کے بارے میں معلومات جمع کی ہیں۔

امریکی حکام نے بیجنگ کی طرف سے نشانہ بنائے گئے ممالک کے حکام کے ساتھ متعدد تحقیقات کی تفصیلات کا اشتراک کرنا شروع کر دیا ہے۔

پوسٹ کے مطابق، انتظامیہ کے ایک سینئر اہلکار نے نام ظاہر نہ کرنے کی شرط پر بتایا، "ہمارے اتحادیوں اور شراکت داروں کی طرف سے اس میں بہت دلچسپی رہی ہے"۔

عہدیدار نے عوامی جمہوریہ چین کا حوالہ دیتے ہوئے کہا، "ان میں سے بہت سے لوگ تسلیم کرتے ہیں کہ وہ بھی اس کا یا پی آر سی کی دلچسپی کا شکار ہو سکتے ہیں"۔

'ناقابلِ قبول خطرہ'

غبارے کی ناکامی، جس نے سوشل میڈیا پر چینی شہریوں کے جذبات کی حقیقی تقسیم کو بے نقاب کیا اور چینی حکومت کے اندر مزید متعلقہ تقسیم کی قیاس آرائیوں کو جنم دیا، نے چین کی سب سے بڑی ٹیکنالوجی کمپنی، ہواوے پر بھی نئے سرے سے توجہ مرکوز کی ہے۔

ہواوے، جو بظاہر ایک معمولی سا سیل فون اور صارفین کی مصنوعات تیار کرنے والا ادارہ ہے، درحقیقت اسے چینی حکومت کی طرف سے بہت زیادہ حمایت حاصل ہے اور پیپلز لبریشن آرمی سے اس کے گہرے روابط ہیں۔

سنہ 2019 میں، امریکی محکمۂ انصاف نے ہواوے پر امریکی تجارتی راز چرانے اور ایران پر پابندیوں سے بچنے کے ساتھ ساتھ دیگر جرائم کا الزام عائد کیا تھا۔

واشنگٹن نے فرم پر حکومتِ امریکہ کو نظاموں کی فراہمی پر پابندی عائد کر دی ہے اور اس خدشے کے پیش نظر نجی شعبے میں اس کے آلات کے استعمال کی سختی سے حوصلہ شکنی کی ہے کہ وہ چینی حکومت کے ساتھ خفیہ اطلاعات کا اشتراک کرنے کی پابند ہو گی۔

امریکی فیڈرل کمیونیکیشن کمیشن کی چیئر وومن جیشیکا روزن وورسل نے نومبر میں ہواوے اور زیڈ ٹی ای کی جانب سے نئے ٹیلی کمیونیکیشن آلات کی منظوری پر پابندی کے بعد ایک بیان میں کہا، "یہ نئے قوانین امریکی عوام کو ٹیلی کمیونیکیشن سے متعلق قومی سلامتی کے خطرات سے بچانے کے لیے ہمارے جاری اقدامات کا ایک اہم حصہ ہیں"۔

کمپنی نے امریکی حکومت سے جانچ پڑتال کروانا جاری رکھا ہے۔

رائٹرز نے اس معاملے سے واقف ذرائع کا حوالہ دیتے ہوئے خبر دی کہ جنوری میں، بائیڈن انتظامیہ نے امریکی کمپنیوں کو چین کے ہواوے کو زیادہ تر اشیاء برآمد کرنے کے لیے لائسنس کی منظوری روک دی تھی۔

ہواوے کو طویل عرصے سے 5 جی اور دیگر ٹیکنالوجیوں کے لیے اشیاء کے متعلق امریکی برآمدی پابندیوں کا سامنا رہا ہے، لیکن امریکی محکمۂ تجارت کے حکام نے کچھ امریکی فرموں کو کمپنی کو مخصوص اشیاء اور ٹیکنالوجیاں فروخت کرنے کے لیے لائسنس دیے ہیں۔

معاملے سے واقف ایک شخص نے کہا، امریکی حکام اب ہواوے کو اشیاء کی ترسیل سے انکار کی ایک نئی رسمی پالیسی بنا رہے ہیں جس میں 5 جی کی سطح سے نیچے کی اشیاء، بشمول 4 جی، وائی فائی 6 اور 7، مصنوعی ذہانت، اور اعلیٰ کارکردگی والے کمپیوٹنگ اور کلاؤڈ آئٹمز شامل ہوں گی۔

رائٹرز کے حوالے سے ایک اور شخص نے بتایا کہ 4 جی چپس کے لائسنس جو 5 جی کے لیے استعمال نہیں کیے جا سکتے تھے، جن کی منظوری پہلے دی گئی ہو سکتی ہے، ان سے انکار کیا جا رہا ہے۔

دیگر مغربی ممالک نے بھی سیکیورٹی خطرات کا حوالہ دیتے ہوئے ہواوے فونز کو 5 جی موبائل نیٹ ورکس سے بلاک کر دیا ہے.

مثال کے طور پر، لتھوینیا کی سیکیورٹی سروسز نے ہواوے فونز کی تحقیقات کیں اور پتہ چلا کہ بعض ماڈلز میں بڑے پیمانے پر سیکیورٹی خطرات ہیں۔

لتھوینیا کے نائب وزیر دفاع مارگیریس ابوکیویسیئس نے سنہ 2021 میں وائس آف امریکہ (وی او اے) کو بتایا، "ہم جن خطرات کے بارے میں بات کر رہے ہیں وہ حقیقی ہیں۔ خطرے میں کمی کے لیے یہ بہترین اقدام ہے"۔

انہوں نے کہا کہ دیگر ممالک کو تحقیق کا نوٹس لینا چاہیے اور ایسا کرنے پر غور کرنا چاہیے۔

انہوں نے وی او اے کو بتایا، "میرے خیال میں ہماری تحقیق اس بات کی ایک مثال ہے کہ ہمیں مواصلات کے شعبے میں اس بحث سے آگے کیسے جانا چاہیے، کہ ہمیں دوسرے شعبوں کے بارے میں سوچنا چاہیے"۔

رپورٹ میں کہا گیا کہ ہواوے فون نے ایک خطرہ لاحق کر دیا ہے کیونکہ اس نے صارفین کو خودبخود تھرڈ پارٹی ایپ اسٹورز پر بھیج دیا جن وائرس سے متاثرہ ایپس موجود ہو سکتے ہیں۔

عالمی جاسوسی

برسوں سے، دنیا بھر سے بڑھتے ہوئے شواہد نے چینی جاسوسی کی سرگرمیوں میں ہواوے کے مرکزی کردار کی طرف اشارہ کیا ہے۔

سنہ 2021 میں، واشنگٹن پوسٹ نے ہواوے پر ایک اہم تہکہ خیز خبر دی تھی جس میں اس کے صحافیوں نے 100 سے زیادہ ہواوے پاورپوائنٹ پریزنٹیشنز کا جائزہ لیا، جن میں سے کئی کو "خفیہ" نشان زد کیا گیا تھا۔

رپورٹ میں کہا گیا، "یہ مارکیٹنگ پریزنٹیشنز، جسے کمپنی کی جانب سے گزشتہ سال کے آخر میں ہٹانے سے پہلے عوامی سطح پر ہواوے کی ویب سائٹ پر پوسٹ کیا گیا تھا، ہواوے کی اس بات کو ظاہر کرتا ہے کہ کس طرح اس کی ٹیکنالوجیز حکومتی حکام کو آواز کے ذریعے افراد کی شناخت کرنے، دلچسپی والے سیاسی افراد کی نگرانی کرنے، قیدیوں کے لیے نظریاتی دوبارہ تعلیم اور مزدوری کے نظام الاوقات کا انتظام کرنے میں مدد کر سکتی ہیں، اور خوردہ فروشوں کو چہرے کی شناخت کا استعمال کرتے ہوئے خریداروں کا سراغ لگانے میں مدد کرتی ہیں"۔

ہواوے کو چین کے صوبہ سنکیانگ میں چہرے کی شناخت کے پروگرام سے بھی منسلک کیا گیا ہے، جہاں لاکھوں مسلمانوں کو "دوبارہ تعلیم کے کیمپوں" میں مجبور کیا گیا ہے اور انہیں تشدد، عصمت دری اور دیگر زیادتیوں کا نشانہ بنایا گیا ہے.

حالیہ برسوں میں سنکیانگ میں نگرانی کے اخراجات میں تیزی سے اضافہ ہوا ہے، جس میں دہشت گردی کی روک تھام کے نام پر صوبے بھر میں چہرے کی شناخت، آنکھوں کے قرنیہ کے سکینر، ڈی این اے جمع کرنے اور مصنوعی ذہانت کی تنصیب کی گئی ہے۔

سنہ 2020 میں جاسوسی کی صنعت کے جریدے آئی پی وی ایم اور واشنگٹن پوسٹ کی جانب سے کی گئی ایک تحقیق نے یہ نتیجہ اخذ کیا کہ ہواوے نے چینی حکومت سے منسلک متعدد دیگر کمپنیوں کے ساتھ مل کر "یغور الارمز" کی جانچ اور تصدیق کے لیے کام کیا تھا.

واشنگٹن پوسٹ نے تب خبر دی تھی، "اگر نظام نے زیادہ تر مسلم اقلیتی گروہ کے کسی رکن کے چہرے کا پتہ لگایا تو، ٹیسٹ رپورٹ میں کہا گیا ہے، یہ 'یغور الارم' کو فعال کر سکتا ہے - ممکنہ طور پر ان پر چینی پولیس کے لیے نشان لگاتا ہے"۔

ٹیکنالوجی کی بڑی کمپنی علی بابا کی طرف سے وضع کردہ اور ہواوے کی طرف سے تجربہ کردہ چہرے کی شناخت کے سوفٹ ویئر کی خصوصیت میں، یہ دکھایا گیا کہ کس طرح کلائنٹ تصاویر اور ویڈیوز میں یغوروں اور دیگر نسلی اقلیتوں کے چہروں کا پتہ لگا سکتے ہیں۔

ہواوے نے میگوی (Megvii) کے ساتھ بھی کام کیا ہے، جو ملک کے سب سے بڑے چہرے کی شناخت فراہم کرنے والوں میں سے ایک ہے۔

آئی پی وی ایم کو ہواوے کی ایک خفیہ "آلات کی مختلف ماحول میں کام کرنے کی رپورٹ" ملی جس میں بتایا گیا ہے کہ کس طرح دونوں کمپنیوں نے سنہ 2018 میں ایک مصنوعی ذہانت والے کیمرہ سسٹم کی جانچ کرنے کے لیے مل کر کام کیا تھا جو ایک بھیڑ میں چہروں کو سکین کر سکتا ہے اور ہر شخص کی عمر، جنس اور نسل کا اندازہ لگا سکتا ہے۔

ہیومن رائٹس واچ کی چین کی سینئر محقق مایا وینگ نے کہا کہ بیجنگ نے عام لوگوں پر نظر رکھنے اور اقلیتوں، مظاہرین اور دیگر کو ریاست کے لیے خطرہ سمجھنے کے لیے مصنوعی ذہانت کی مدد سے نگرانی کا تیزی سے استعمال کیا ہے۔

وینگ نے سنہ 2020 میں واشنگٹن پوسٹ کو بتایا، "چین کا جاسوسی کا عزم اقلیتوں پر ظلم و ستم سے بہت، بہت، بہت اوپر ہے"۔