بائیڈن کا پیوٹن کو 'ڈکٹیٹر' ہونے کا طعنہ، جمہوریت، آمریت کے درمیان عالمی جنگ کا انتباہ

واشنگٹن، ڈی سی -- امریکی صدر جو بائیڈن نے منگل (1 مارچ) کے روز اپنے روسی ہم منصب ولادیمیر پیوٹن کو ایک "آمر" قرار دیا جسے پڑوسی ملک یوکرین پر حملہ کرنے کی وجہ سے معاشی اور سفارتی تنہائی کا سامنا ہے، اور خبردار کیا کہ دنیا میں جمہوریت اور آمریت کے درمیان "جنگ" ہو رہی ہے۔

کانگریس کے مشترکہ اجلاس سے اپنا پہلا سٹیٹ آف دی یونین خطاب کرتے ہوئے، یوکرین کی "طاقت کی چٹان" بننے پر تعریف کرتے ہوئے جو روسی حملہ آوروں کے خلاف ڈٹ کر کھڑی ہے، بائیڈن نے پیوٹن پر شدید تنقید کی۔

بائیڈن نے کہا، "ایک روسی آمر، جو کسی غیر ملک پر حملہ آور ہے، اسے پوری دنیا میں قیمت چکانی پڑتی ہے۔"

"جمہوریت اور بادشاہت کے درمیان جنگ میں، جمہوریتیں لمحہ بہ لمحہ عروج پر ہیں، اور دنیا واضح طور پر امن اور سلامتی کی طرف رہنے کا انتخاب کر رہی ہے۔"

واشنگٹن کے سخت نئے اقدامات کی قیادت میں، بین الاقوامی برادری نے روس کے ساتھ ایک شدید اقتصادی جنگ کا آغاز کر دیا ہے، پابندیوں کی ایک لہر شروع کر دی ہے جو روسی معیشت کے گھٹنے ٹیک دینے کا ایک خطرہ ہے۔

روسی امراء اور "بدعنوان رہنماؤں" کو نشانہ بناتے ہوئے جو بائیڈن نے کہا کہ پیوٹن کے دورِ حکومت میں انہوں نے اربوں ڈالر چوری کیے ہیں، امریکی صدر نے سخت انتباہ کیا کہ مغرب "ان کی پرتعیش کشتیوں، ان کے لگژری اپارٹمنٹس، ان کے پرائیویٹ جیٹ طیاروں پر قبضہ کر لے گا"۔

بائیڈن نے تالیاں بجاتے ہوئے کہا، "ہم تمہاری دو نمبر دولت چھیننے لگے ہیں"۔

یوکرین پر حملے کے جواب میں، بائیڈن نے امریکی فضائی حدود سے گزرنے والے تمام روسی طیاروں پر پابندی کا اعلان کرتے ہوئے، کینیڈا اور کئی یورپی ممالک کو بھی ساتھ شامل کیا جنہوں نے روسی طیاروں بشمول ہوائی کمپنیوں کے لیے فضائی حدود بند کر دی ہے۔

انہوں نے کہا کہ پیوٹن نے اس بھرپور ردِعمل کو انتہائی کم سمجھا تھا کہ ان کے حملے سے مغربی ممالک کی طرف سے ردِعمل آئے گا کیونکہ پابندیوں سے روس کی معیشت کو "تکلیف" پہنچے گی۔

انہوں نے کہا کہ "پیوٹن کی جنگ پہلے سے طے شدہ تھی، مکمل طور پر بلا اشتعال"۔

بائیڈن نے کہا، "اس نے سفارتکاری کے لیے بار بار کی جانے والی کوششوں کو مسترد کر دیا۔ اس کا خیال تھا کہ مغرب اور نیٹو جواب نہیں دیں گے۔ اس کا خیال تھا کہ وہ ہمیں ہمارے ہی گھر میں تقسیم کر سکتا ہے۔ اس نے سوچا کہ وہ ہمیں یورپ میں بھی تقسیم کر سکتا ہے۔"

"لیکن پیوٹن غلط تھا۔ ہم تیار ہیں۔ ہم متحد ہیں۔"

یوکرینی دیوار

بائیڈن نے یوکرینیوں کی خاص طور پر تعریف کی جنہوں نے زبردست فوجی حملے کے باوجود روسیوں کے خلاف مقابلہ کیا۔

بائیڈن نے کہا، پیوٹن نے "سوچا کہ وہ یوکرین میں جا سکتا ہے اور دنیا نظرانداز کر دے گی۔ اس کی بجائے، اس کا سامنا طاقت کی ایسی دیوار سے ہوا ہے جس کا اس نے کبھی تصور یا اندازہ بھی نہیں کیا تھا، اس کا واسطہ یوکرینی عوام سے پڑا ہے۔"

واشنگٹن میں ملک کی سفیر اوکسانا مارکاروفا کی طرف متوجہ ہوئے، امریکی قانون سازوں نے یوکرین کو کھڑے ہو کر سلامی پیش کی۔

"آج رات یہاں اس چیمبر میں ہم میں سے ہر ایک یوکرین اور دنیا کے لیے ایک غیر واضح اشارہ بھیجے۔ براہِ کرم اگر آپ قابل ہیں تو اٹھیں، اور دکھائیں کہ ہاں، ہم ریاستہائے متحدہ امریکہ یوکرین کے عوام کے ساتھ کھڑے ہیں۔"

جب قانون سازوں نے مل کر تالیاں بجائیں اور خوشی کا اظہار کیا تو آنکھوں میں آنسو لیے، مارکاروفا کو خود کو سنبھالنے میں کافی مشکل پیش آئی۔