اسلام آباد -- د ايشيا پسیفک ګروپ (ای پي جي) لخوا د یکشنبې په ورځ (د اکتوبر په ۶ مه) يو خپور شوي راپور د پیسو مینځلو او د ترهګرۍ د تمویل په وړاندې مبارزه کې د پاکستان پرمختګ په اړه یوه ګډه تجزيه وړاندې کړه.
ای پي جي د مالي عمل کاري ځواک (اېف ای ټي اېف) يوه سیمه ایزه ډله ده. اېف ټي اېف هغه يوه نړیواله اداره ده چې د ترهګرۍ د تمويل څارنه کوي او په جون کې یې پاکستان په خپل خړ لیسټ کې شامل کړی وو.
د راپور له مخې، پاکستان د ای پي جي په ۴۰ وړاندیزونو کې په څلورو "عمل" نه دی کړې، په ۲۶ وړاندیزونو يې "په جزوي توګه عمل" کړی او په نهو نورو يې "په لویه کچه عمل" کړی دی.
دې هیواد د مالي ادارې د خفيه ساتلو قانون په اړه په یو وړانديز په بشپړه توګه "عمل" کړی دی.
د ای پي جي دا راپور په اکتوبر ۱۳-۱۸ مه په پيرس کې د اېف ای ټي اېف د بیاکتنې غونډې نه یوه هفته وړاندې خپور شو چې دا به وګوري چې ایا پاکستان په خړ لیست کې پاتې شي او که نه.