کویټه - ډان ورځپاڼې راپور ورکړو چې امنیتي ځواکونو د چهار شنبې په ورځ (د سپتمبر په ۴مه) د کویټې په ختیځ بايي پاس سیمه کې د استخباراتو په اساس په عملیاتو کې د داعش لږ تر لږه ۶ وسله وال ووژل.
د بلوچستان د پولیسو انسپکټر جنرل محسن حسن بټ وویل، په وسله والو کې یوه ښځه هم شامله وه.
هغه وویل چې په دغه عملیاتو کې د بلوچستان د کانسټبلرۍ یو افسر ووژل شو او د صوبې د تروریزم ضد ځواکونو اته تنه غړي ژوبل شول.
دا جګړه تقريباََ د شپږو ګهنټو پورې جاري وه.
یو بل چارواکي ډان ورځپاڼې ته وویل، وسله وال په بلوچستان کې په ګڼ شمير هدفي وژنو او بمي چاودنو کې ښکيل ول.