لاهور -- د سي ټي ډي وياند د چهارشنبې په ورځ (د جولای په ۳ مه) وويل، د پنجاب پولیسو د ترهګرۍ په وړاندې ریاست (سي ټي ډي) د دوشنبې په ورځ (د جولای په لومړۍ نېټه) د حافظ سعید او د منع شوي وسله والې ډلې لشکر طیبه (ايل اي ټي) د نورو مشرانو مشرانو په وړاندې د ترهګرۍ د تمويل کېسونه ثبت کړل.
د لومړي معلوماتو راپور (ایف آی آر) له مخې، پولیسو د سعید، د هغه ورور حافظ مسعود او د لشکر طيبه د نورو مشرانو، د عبدل رحمان مکي، امير حمزه او محمد يحيی عزيز په ګډون، کېسونه درج کړل.
په دې ايف آی آر کې پنځه نور خيراتي سازمانونه -- دعوت ول ارشارد ټرسټ، معاذ بن جبل ټرسټ، الانفال ټرسټ، المدينه فاونډيشن ټرسټ او الحمد ټرسټ -- د ترهګرۍ د تمويل له کبله هم تورن شول.
په دغه ايف آر کې راغلي، "دا سازمانونه د منع شوي تروريستي ډلې لشکر طيبه او د هغوی د مشرانو لپاره پيسې راټولوي."