https://pakistan.asia-news.com/ps/articles/cnmi_pf/newsbriefs/2019/06/25/newsbrief-03

پنجاب پوليسو د تحريک طالبان ۳ شکمن کسان ونيول

د عبدل ناصر خان لخوا

لاهور -- چارواکو وويل، د پنجاب پوليسو د تروریزم ضد ریاست (سی ټي ډي) د سه شنبې په ورځ (د جون په ۲۵ مه) په ګوجرانواله ضلع کې په استخباراتي عملیاتو کې د تحریک طالبان پاکستان (ټي ټي پي) درې شکمن غړي ونیول.

چارواکو باوري معلومات ترلاسه کړل چې درې تنه کسان د ګوجرانواله په سیمه کې موجود دي او پلان لري چې د حساسې ایجنسۍ په پرسونلو برید وکړي.

د سي ټي ډي د وياند له مخې، د معلوماتو پر بنسټ، د قانون پلي کونکو پرسونلو یوه چهاپه ترسره کړه او درې ترهګر یې ونيول چې د شمس الزمان، محمد اشرف او حاجي نعیم (چې تخلص يې صاحب جان دی) په نامه وپيژندل شول.

دغه ویاند وویل، په نيول شويو کسانو کې یو کس د زيات مطلوب ترهګرو په "سور کتاب" کې شامل وو.

هغه زياته کړه، پرسونلو چاودېدونکي توکي، درې ډیټونېټرې، د نفرت مواد او پيسې ترلاسه کړې.

دغه ویاند وویل، نیول شويو کسانو د تحريک طالبان پاکستان ځينې پلانونه په ګوته کړل چې هدف يې دغه سيمه وه. هغه زياته کړه چې چارواکي د هغوی د ملګرو د نیولو لپاره چهاپې ترسره کوي.

آیا دا لیکنه ستاسو خوښه شوه؟
0
نه
تبصرې 0
د تبصرو تګلاره
Captcha