اسلام اباد -- ډان خبري اژانس راپور ورکړو چې په اسلام اباد کې د احتساب محکمې د پنجشنبې په ورځ (د اکتوبر په ۱۹ مه) پخوانې وزیر اعظم ميا محمد نواز شریف، د هغه لور مریم نواز او د هغې میړه، کپتان (ريټايرډ) محمد صفدر، د کرپشن په تحقیقاتو کې تورن کړل.
د ملي احتساب اداره تحقيقات کوي چې آيا نواز شريف او د هغه خپلوان په لندن کې د اپارتمانونو ناقانونه ملکیت لرلو. سپريم کورټ نواز شريف د جولای په مياشت کې د پناما پيپرز د تورونو په تړاو له وزيراعظمۍ څخه لیرې کړې وو.
نواز شریف په انګلستان کې دی. د هغه کورنۍ د دغه جرم څخه انکار کړی.
تمه کیږي چې مقدمه به د اکتوبر په ۲۶ مه پیل شي.
