لاهور -- چارواکو وويل، چې د پاکستان په لاهور ښار کې د دوشنبې په ورځ (د جولای په ۲۴ مه) په سبزي منډۍ کې په يوې چاودنه کې لږ تر لږه ۲۰ کسان ووژل شول او په لسګونو نور ټپیان شول. د چاودنې وجه په فوري توګه معلومه نه ده.
د ښار کمیشنر عبدالله خان سنبل وویل، "دا چاودنه د يو ځانمرګي برید په شان وه چې پولیس يې په نښه کړل، خو موږ لا د چاودنې نوعيت معلوموو."
هغه ای ايف پي ته وویل، لږ تر لږه ۲۰ کسان مړه شوي او ۳۵ نور ټپیان شوي دي.
د کورنيو چارو وزير چوهدري نثار علي خان وويل، چې په ځپل شوي کسانو کې زياتره د پوليسو افسران او ځيني نندارچيان وو.
