ډان خبري اژانس د يکشنبې په ورځ (د مې په۲۱ مه) راپور ورکړو چې په خیبر پښتونخوا صوبه کې د چارسدې په شبقدر تحصیل کې د بمي چاودنو په یوه لړۍ کې لږ تر لږه ۱۴ پاکستانیان ژوبل شول.
پوليسو وويل، دغه بريدونه د جمعې په شپه (د می په ۱۹مه) رامنځته شول.
دغه بمونو چې د څلورو کورونو بهر وچاوديدل لږ تر لږه ۱۱ کسان ژوبل کړل. شر پسندو په دوو کورونو کې لاسي بمونه وغورځول، چې یو کس په کې ژوبل شو. پولیسو وويل، چې د يو سکول بهر ښخ شوی بم یو چوکيدار او یو هلک ژوبل کړو.
