پېښور -- ايکسپريس ټريبيون خبر ورکړو چې په مهمند ايجنسۍ کې د يکشنبې په ورځ (د مارچ په ۵ مه) په يوه جګړه کې لږ تر لږه ۱۰ وسله وال او پنځه پاکستاني سرتيري ووژل شول.
د پوځ د عامه اړیکو دفتر وويل، چې وسله والو په درې پوسټونو باندې بريد وکړو. د پوځ د عامه اړيکو دفتر زياته کړه چې ځواکونو لږ تر لږه ۱۰ بريد کونکي ووژل په داسې حال کې چې پنځه سرتيري یې له لاسه ورکړل.
د پوځ مشر جنرل قمر جاوید باجوه په مړه شوي سرتيرو باندې خفګان څرګند کړو خو د ځواکونو د ځواب ستاينه يې وکړه.
د تحریک طالبان پاکستان اورپکۍ ډلې جماعت الاحرار د دغه بريد مسوليت په غاړه واخيستو.