اسلام اباد -- د ډان د رپورټ تر مخه، پولیسو د چارشنبې په ورځ / د فبرورۍ په ۸ مه/ اعلان وکړو چې پاکستاني مقاماتو د پاکستان تر ولکې لاندې کشمیر او کرمه ایجنسۍ کې په چاپو کې ۷ مشکوک ترهګر کسان ونیول.
د پولیس اډیشنل سوپرانټنډنټ آصف دراني وویل، په مظفراباد کې په ۲۰۰۹ کې د ځانمرګي بمي حملې دا مشکوک اسانتیا جوړوونکي د سه شنبې په ورځ /د فبرورۍ په ۷ مه/ په مظفراباد کې په بیلو بیلو چاپو کې ونیولی شول.
په دغو مشکوکو کسانو باندې شک دی چې د ۲۰۰۹ د ډسمبر د هغې ځانمرګي حملې پلان جوړونکو ته یې ځای او ټرانسپورټ برابر کړی وو چا چې د محرم په مراسمو حمله وکړه او لږ تر لږه ۸ کسان یې ووژل.
ډان د چارشنبې په ورځ /د فبرورۍ په ۸ مه/ راپور ورکړو چې مقاماتو وویل، امنیتي ځواکونو په کرم ایجنسی کې ۴ مشکوک جګړه ماران نیولي دي، او زیاته یې کړه چې دغه مشکوک کسان هغه وخت د اسلحو د بار شوي ګاډي څخه وتښتیدل کله چې مقاماتو په یو چیک پوسټ هغوی ته د ودریدلو حکم وکړو.
