د ایران رژیم د واک په پلي کولو کې پاتې راغلی ځکه چې میرمنې په زیاتیدونکې توګه حجابونه لري کوي

د ایران امنیتي ځواکونو تېره هفته اعلان وکړو چې دوی په ټول هېواد کې یو مال او څو سوداګرۍ د دې لپاره تړلي چې هغه میرمنو ته اجازه ورکړي چې د ننوتلو، سودا کولو يا خوراک خوړلو لپاره د دولت د اجباري سر پټولو اصول نه مني.

ایراني میرمنو په بې ساري پیمانه د سر د پټولو د حکم له امله د رژیم په وړاندې غوسه څرګندوي چې د اسلامي جمهوریت له تاسیس راهیسې پلي شوی دی.

که څه هم، په ایران کې د ۱۹۷۹ له اسلامي انقلاب راهیسې تر ټولو لوی او پراخه احتجاجونه په وروستیو میاشتو کې کم شوي دي، خو د ښځو د جامو په لازمي اصولو باندې یې قوي او دوامداره اغیز کړی دی.

د ښځو تر رهبرۍ لاندې او د ښځو په شخصي آزادیو باندې له تمرکز سره، احتجاجونه د سپتمبر په میاشت کې د "اخلاقي پولیسو" په توقیف کې د ۲۲ کلنې ماهسا امیني د مرګ وروسته د "مناسب نقاب" په اغوستلو کې د هغې د پاتې راتلو له امله راپورته شول.

په ټول هېواد کې په زرګونو میرمنو په هغه پاڅون کې برخه واخېسته چې له میاشتو راهیسې روانه ده. په سرغړونکو کړنو کې، میرمنو د خپلو سرونو حجابونه لرې کړل او ویښتان یې د کېمرې مخې ته پرې کړل، انځورونه او ویډیو ګانې یې په ټولنیزو رسنیو خپاره کړل.

نامتو شخصیتونو په عام محضر کې، د عامه مراسمو په ګډون، د حجابونو نه بغېر ګډون کړی دی.

که څه هم ځینې یې په عام محضر کې بې عزته شوي او د ګټې وټې له لاسه ورکولو ګواښ ورته شوی، خو نه دي نیول شوي، چې ډیرو عامو وګړو ته يې دا حوصله ورکړې چې دغه کار تعقیب کړي.

ځینې ​​وايي، د ښځو لپاره اجباري سر پټول د اسلامي جمهوریت اصلي تاکتیک دی چې ښځې تر فشار لاندې راولي او د هغوی ټولنیز شتون محدود کړي.

د ښځو سرغړونې

د ایران ځوان نسل چې حتی د اسلامي انقلاب په وخت کې هم نه دي زیږیدلي، د خپلو میندو په پرتله زړور او باهمته ثابت شوي دي.

دوی د جامو له اصولو څخه سرغړونه کړې، کوم چې د خورا سخت دریځه صدر ابراهیم رییسي لاندې نور هم سخت شوي.

د هغو ښځو ویډیوګانې چې بېرته جګړه کوي په ټولنیزو رسنیو کې خپرې شوې کله چې دوی ته امر وشو چې خپل سکارف مخې ته راښکته کړي یا چیغې وهي او مقاومت کوي، پداسې حال کې چې ښځینه اخلاقي پولیس يې د "خبرو کولو" له کبله د پولیسو ګاډو ته ورننباسي.

د رژیم اخلاقي پولیسو د ښځو د حجاب"سمولو" او د دولت د جامو اصولو د پلي کولو لپاره ناکامه هڅه وکړه خو اوسمهال يې د ښځو د جامو د بدلولو هڅه پریښودې ده.

څو ښځو المشارق ته وويل چې له څو میاشتو راهیسې یې د رژیم له حکمه سرغړونه کوي او له کوره د وتلو پر مهال خپل ویښتان نه پټوي.

یوې ۴۵ کلنې نرسې وویل چې هغه عادي شوې چې د خپل سر پټولو نه بغير له کوره وځي، تر دې حده چې اوس هغې حتی په خپل لاسي بکس کې "د اړتيا په وخت کې" د سکارف اخيستل هيروي.

ډېرې خصوصي ادارې د میرمنو لپاره د ویښتو لازمي حجاب نه پلي کوي.

یوې ۳۳ کلنې اکاونټنټې چې نور خپل ویښتان په عام محضر کې نه پټوي وویل چې هغه د "آزادۍ" احساس کوي. هغې زیاته کړه چې "په دې ورځو کې زه د حیرانتیا احساس کوم کله چې زه یوه ښځه وينم چې حجاب يې اغوستی وي".

هغې المشارق ته وویل، "د ښځو محدودول د رژیم یو له ستنو څخه دی، او زموږ بریا دا ستنه ماته کړې ده."

رژیم له ستونزو سره مخ دی

د ښځو ګڼ شمېر چې د ویښتو له پټولو څخه يې په دوامداره توګه انکار کړی، دغه رژیم یې له ستونزو سره مخ کړی، او د رژیم چارواکو ټولو اعتراف کړی چې دوی په یو کړکیچ کې دي.

ډېرو ټینګار کړی چې د سر پټول د "ځمکې د قانون" برخه ده او له پامه غورځول کېدی نشي، خو د هېواد په کوڅو کې د ځواک ننداره شتون نلري.

هرکال د ګرم موسم په رارسیدو سره، اخلاقي پولیس په دودیز ډول پر ښځو فشار راوړي چې خپل سرونه پټ کړي او "قانون تعقیب کړي". سږکال هم داسې اوازې شته چې ګرمې ورځې د سخت تطبیق معنی لري.

د غاښونو يوې معالجې، چې ۲۶ کاله عمر لري، وویل چې هغه له دې اوازو څخه نه ويريږي.

هغې المشارق ته وویل، "رژیم غواړي چې موږ وېروي." "مونږ د میاشتو راهیسې خپلې وېرې ته تسلیم شوي نه یو؛ او موږ به پېل ونه کړو."

د احتجاجونو له پېل راهیسې په څو تقريرونو کې، د ایران مشر علي خامنه ای ټینګار کړی چې د سر پټول لازمي دي، که څه هم د هغه غږ هغومره قوي نه و لکه څنګه چې ډېرو څارونکو تمه لرله.

د اپرېل په ۱۹مه، د ایران د پارلمان (مجلس) سپيکر محمد باغر غلباف وویل چې چارواکي باید د سرغړونې سره د مبارزې لپاره "یو پلان جوړ کړي".

'د حجاب پرته خدمت نشته'

حکومت له یو لړ ناکامو هڅو وروسته ګواښونو ته مخه کړې چې د هغه څه مخه ونيسي چې دا يې د ښځو د بې اطاعتۍ او بې قانونۍ په توګه بيانوي.

د اتباعو د ځپلو لپاره د اسلامي جمهوریت اصلي تاکتيک د قانون پلي کونکي ځواکونه (اېل اي اېف) دي، چې عموماً د سپاه پاسداران (آر آر جي سي) یا د سپاه پاسداران سره وابسته د باسیج پخواني یا اوسني افسران يې مشري کوي.

د تهران د پولیسو د مشر په توګه د خپلې دندې پر مهال، د باسیج پخواني چارواکی بريګېډير جنرل احمد رضا رادان تر نيوکو لاندې راغی کله چې هغه د ښځو د سرونو د پوښلو او نارینه ډاکټرانو ته امر وکړو چې د ټايۍ له اغوستلو، لکه څنګه چې په ايراني هسپتالونو کې يو رواج دی، څخه ډډه وکړي.

رادان په ۲۰۱۴ کال کې له خپلې دندې لرې شو. خو د جنورۍ په میاشت کې، خامنه اي د قانون پلي کونکي ځواکونو عمومي قوماندان حسین اشتاري له واکه لرې کړو او د هغه پر ځای یې رادان په یو داسې اقدام کې وټاکلو چې د ياد حکم د بېرته پلي کولو لپاره یوه ناکامه هڅه ګڼل کيږي.

تر دې دمه، د رادان ډېر کار د هغه سوداګرۍ د بندولو امر ورکول دي چې د امر اطاعت نه کوي.

د اپرېل په ۲۵مه، د قانون پلي کولو ځواک د څو سوداګریو او د تهران د یو لوی مال د بندولو اعلان وکړو. په دغه سوداګريو کې هغه سټورونه شامل دي چې د مشهورو شخصيتونو ملکيت دی.

ښځې جرات کوي

یوې ۷۴ کلنې ښځې، چې ويې ويل چې په ۱۹۷۹ کال کې یې د ایران د پاچاهۍ پر ضد پاڅون کې برخه اخیستې وه او له هغ وخت راهیسې پښیمانه ده، وویل چې هغه د ځوانې ښځو لخوا هڅول شوي چې په زړورتیا سره خپل حجابونه لري کوي.

هغې المشارق ته وویل، "په ریښتیا سره، زه تقریباً د شرم احساس کوم کله چې ما خپل حجاب اغوستی وي."

په تېرو څو میاشتو کې، د قانون پلي کونکو ځواکونو په مکرر ډول اعلان کړی چې د سر د پټولو د امر په تعقیبولو کې پاتې راتلل به په دولتي دفترونو او عامه ځایونو لکه فرعي سړکونو کې د "خدمتونو" د ګډوډولو معنا ولري.

خو د تهران میټرو ستر مشر مسعود دورستي د اپرېل په ۹مه وویل چې هغه د ښځو د سر پټولو یا د "مناسب حجابونو" نه بغېر سب وی ته د ننوتلو اجازه نه ورکولو په اړه څه نوټس یا یادداشت نه دی ترلاسه کړی.

ډېر کسان وايي، ښځې ممکن په دولتي دفترونو کې د جامو د اجباري قواننيو پابند وي، خو دوی خپل حجابونه لري کوي کله چې دوی د ودانۍ څخه بهر وځي.

یو ۵۳ کلن فیشن ډیزاینرې وویل، "موږ باید خپل سکارف بېرته واغوندو خو یوازې د يو څو لنډو دقیقو لپاره چې موږ پکې مجبوره یو."

هغې المشارق ته وویل، "دا ممکن یوه وړه بریا وي، خو له حجاب پرته له کوره وتل ما ته هره ورځ خوشحالي راکوي." "موږ به اوس بېرته راونه ګرځو."