https://pakistan.asia-news.com/ps/articles/cnmi_pf/features/2020/08/27/feature-01
تجزيه

ولې داعش په پاکستان کې په مرکز جوړولو کې پاتې راغلی

پاکستان فارورډ

image

پاکستاني زده کونکي د ۲۰۱۴ کال د نومبر په ۲۰ مه په اسلام آباد کې د داعش پر ضد احتجاج کوي. د پاکستان متنوع نفوس له اوږدې مودې راهیسې د اسلام په اړه د دې ډلې سخت تعبیرونه رد کړي دي. [فاروق نعیم/ای اېف پي]

کله چې داعش په ۲۰۱۴ کال کې په منځني ختیځ کې خپل لنډمهاله، تش په نامه "خلافت" جوړ کړو او په ټوله اسلامي نړۍ کې یې د خپل نفوذ د پراخولو هڅه وکړه، نو ډیرو کتونکو ویره لرله چې دا تروريستي ډله به په پاکستان کې ښه ځمکه ومومي.

که څه هم، حتی په هيواد کې د افراطي ډلو د پیچلي تاریخ او شبکو سره، دا ویره هیڅکله د ډیرو فاکتورونو له امله نه ده رامینځته شوې.

دا نه وايو چې دې ډلې جدي هڅه نه ده کړې.

د څو کلونو په جریان کې، د داعش سره وابسته یا د دې نه متاثره شويو وسله والو په پاکستان کې یو لړ ناوړه بریدونه ترسره کړل چې اقليتي ډلې، امنیتي ځواکونه او نور يې په کې په نښه کړي ول.

image

یو پاکستانی پولیس د ۲۰۱۷ کال د فبرورۍ په ۱۷مه په پېښور کې د رحمان بابا په زیارت کې وروسته له هغې چمتو ولاړ دی کله چې د سند صوبې په سيهون کې د ۱۳مې پیړۍ صوفي پير لال شهباز قلندر په زیارت کې یو ځانمرګی برید وشو. داعش د دغه برید مسؤلیت په غاړه اخيستې و. [عبد المجید/ای اېف پي]

په دې ظلمونو کې په می ۲۰۱۵ کال کې په صفورا ګوټ کې د ۴۰ نه د زیاتو شیعه ګانو وژل او په اکتوبر ۲۰۱۶ کال کې په کویټه کې د پولیسو په روزنیز مرکز باندې وحشیانه برید شامل وو چې له ۶۰ څخه زیات نوي سرتيري پکې وژل شوي ول.

داعش د ۲۰۱۷ کال د فبرورۍ په مياشت کې د سند صوبې په سيهون کې په یو صوفي زیارت کې د یو ځانمرګي برید مسؤلیت په غاړه واخیستو چې لږ تر لږه ۹۰ کسان پکې وژل شوي ول.

که څه هم دا ډول لوړ پوړي ترهګریز فعالیتونه په سرلیکونو کې راښکاره شول او په پاکستاني نفوس کې یې د څه حده پورې ویره رامینځته کړه، خو دوی د پاکستان د امنيتي ځواکونو لخوا د چټک او سخت غبرګون په راوستلو سره په هیواد کې د داعش پرمختګ کمزوری کړو.

امنیتی عملیات

پاکستاني چارواکي، لکه په اسلامي نړۍ کې د خپلو همکارانو په څیر، د اسلام په اړه د داعش د سخت تعبیر، په ځانګړي توګه د دې تر کنټرول لاندې سيمو کې د ظالمانه مجازاتو او د اعدامونو له امله حیران شول.

د پاکستان لپاره، دا اندیښنې په لومړيو کې نورې هم زياتې شوې، ځکه چې د داعش د خراسان څانګې د مشرتابه او پلویانو ډيره برخه د تحریک طالبان پاکستان (ټي ټي پي) په وسله والو مشتمله وه، چې د داعش مشر ابوبکر البغدادي سره یې د بیعت ژمنه کړې وه.

تحریک طالبان پاکستان، چې د پاکستان حکومت يو سخت دښمن دی، په ټول هیواد کې یو خونړی ترهګریز کمپاین پیل کړی و چې په زرګونو ملکي وګړي او امنیتي منسوبین په کې وژل شوي ول.

دا تصور چې د تحريک طالبان پاکستان برخې په لويه کچه د فعالې او تمویل شوې نړیوالې تروريستي ډلې سره یوځای کيدې شي، د پاکستاني چارواکو لپاره د نه منلو وړ خطر و. که څه هم، دې هیواد تقریباََ د یوې عشرې لپاره سخته جګړه وکړه او پیچلي عملیات يې ترسره کړل چې د طالبانو له خوا پيل شوی قتل عام پای ته ورسوي.

په داسې حال کې چې پاکستاني چارواکو په پیل کې په عامه توګه د داعش له خوا راپورته شوی ګواښ مهم ونه ګڼلو، خو وروسته د رسنیو راپورونو په ګوته کړه چې د هیواد امنیتي نظام د راپورته کيدونکي ګواښ سره د مبارزې لپاره وروسته له هغې په چټکۍ سره په حرکت کې راغې کله چې داعش په ۲۰۱۵ کال کې د خپل "خراسان" صوبې د جوړولو اعلان وکړو.

د پاکستان امنیتي ځواکونو او ادارو په ټول هیواد کې چهاپې ووهلې، چې په پایله کې یې د داعش سره وابسته په درجنونو مشکوک وسله وال ونیول یا ووژل.

د چارواکو له مخې، تر ۲۰۱۶ کال پورې، د داعش سره وابسته د ۳۰۰ نه زيات وسله وال -- د بهرنيانو په ګډون -- د امنیتي ځواکونو لخوا نیول شوي وو.

بیا په ۲۰۱۷ کال کې، د پاکستان پوځ په هغه وخت کې په خېبر ايجنسۍ کې په لویه کچه عملیات پیل کړل چې وسله وال وځپي او له افغانستان سره ګډه پوله خوندي کړي.

له هغه وخته راهیسې، پاکستاني چارواکو د داعش په خراسان څانګې او له دې سره په وابسته ترهګرو ډلو باندې فشار راوړلی دی، چې په هیواد کې يې د دوی حضور او عملیات خورا کم کړی دی.

دې هڅو، د پولې په اوږدو کې د افغان او ایتلافي ځواکونو لخوا د یو لړ بریالي عملیاتو سره په ګډه، په سیمه کې د فعاليت لپاره د داعش د خراسان څانګې وړتیا بې شکه کمزورې کړې ده.

دا پرمختګ د وروستي پرمختګونو لخوا رامینځته شوی چې په دې کې د افغانستان په ننګرهار صوبه کې د داعش د خراسان څانګې پټنځایونه له لاسه ورکول او د افغان ځواکونو لخوا د دې ډلې د مشر اسلم فاروقي نیول شامل دي. .

مدني ټولنه داعش ردوي

په داسې حال کې چې د داعش نظريې په پاکستان کې افراطي عناصر خپل لاس ته راړولې وي، د دې ډلې له خوا د اسلام سخت تعبیر -- په ځانګړي ډول د دې د مجازاتو او اعدامونو ظالمانه شکل -- په هیواد کې په متنوع نفوس کې په پراخه کچه بغاوت رامینځته کړو.

په صوفي زیارتونو او اقليتي ډلو د داعش د خراسان څانګې بریدونو د مذهبي مشرانو او ټولنیزو فعالانو په ګډون د پاکستان په مدني ټولنو کې يو عمومي غبرګون رامينځته کړو.

د داعش د غندلو لپاره د احتجاجونو او دیني فتوو سربیره، دا ردول د هغه امنیتي عملیاتو لپاره پراخه ملاتړ رامينځته کړی چې په پاکستان او افغانستان کې د داعش د خراسان څانګه په نښه کوي.

د پاکستان د متنوع کلتوري، مذهبي او توکمیز وضعيت په رڼا کې، د داعش د سختې نظريې پروړاندې عمومي مخالفت حیرانونکې نه دی. هیواد د ملیونونو پیروانو سره د تصوف بډایه تاریخ او دود لري چې هر کال د زیارتونو او د زيارت لپاره د نورو ځايونو څخه ليدل کوي.

پاکستان د شیعه ګانو مهم نفوس لري چې له خپلواکۍ راهیسې یې په دغه هیواد کې له سني اکثریت سره په سوله ییزه توګه ګډ ژوند کړی دی. کوچنۍ فرقې او ډلې لکه اسماعیلیان، بوهراس او پارسیان په ټول هیواد کې ښه ميشت دي او د دې د ټولنیز جوړښت یوه مهمه برخه جوړوي.

د دې لاملونو او دوامداره امنیتي عملیاتو سره، ، دا امکان نه لري چې د داعش خراسان څانګه یا د هغې اصلي ډله به په پاکستان کې ژورې ریښې جوړې کړي.

آیا دا لیکنه ستاسو خوښه شوه؟

تبصرې 0
د تبصرو تګلاره * ضروري برخې ښيي 1500 توري پاتې دي (تر 1500 پورې)