په انځورونو کې: د خېبر پښتونخواه د معلوماتي ټيکنالوژۍ ځوان متخصصین د انتقادي فکر کولو مهارتونه رامنځته کوي

پېښور -- په خېبر پښتونخواه کې ماشومان د معلوماتي ټیکنالوژۍ (آی ټي) نصاب له لارې د انتقادي فکر کولو مهارتونه زده کوي چې له دوی سره د افراطیت او تاوتریخوالي فعالیتونو نه په ډډه کولو کې مرسته کولی شي.

چارواکي وايي، په پاکستان کې د پرايمرۍ تعلیم نظام اکثر د بنيادي معلوماتو او مخابراتي ټیکنالوژۍ (آی سي ټي) او نورو برخو په ګډون، د ابتکار لپاره کليدي فاکتورونه له پامه غورځوي، کوم چې انتقادي فکر کولو او تخلیقي صلاحيت ته په وده ورکولو کې مرسته کوي.

د خېبرپښتونخواه حکومت په ۲۰۱۷ کال کې "د ګورنمنټ سکولونو د ماشومانو لپاره د کم عمر پروګرام (اي ای پي) او د معلوماتي ټکنالوژۍ ضروريات" پروګرامونه پيل کړل چې د ۶-۸ م جماعتونو زده کونکو لپاره د تخليقي فکر او ابتکار له لارې سولې ته وده ورکړي.

د اي ای پي روژې پروجيکټ منيجر ذيشان مظهر وویل، "د جنوري ۲۰۱۷ نه تر دسمبر ۲۰۱۷ کال پورې، د اي ای پي په لومړي پړاو کې، په ۱۳ ضلعو کې په ۵۷ ګورنمنټ سکولونو کې ۳،۰۰۰ زده کوونکو او د معلوماتي ټيکنالوژۍ ښوونکو ته د اي ای پي نصاب په اړه ټريننګ ورکړل شو."

هغه وويل، د پروجيکټ په دوهم پړاو کې، ۲۰۱۸-۲۰۱۹، دا نوښت د ۱۴ ضلعو ۳۰۰ ګورنمنټ سکولونو ته وغځول شو، چیرې چې د متعلقه سکولونو ۱۷،۰۰۰ زده کونکو او د معلوماتي ټیکنالوژۍ ښوونکو د اي ای پي نصاب په اړه روزنه ترلاسه کړه.

د ځوانانو لپاره پرمختللي مهارتونه

مظهر وویل، "د پراخه افراطیت د ختمولو او د پاکستان په شان په پرمختللي هیواد کې د سولې د ساتلو لپاره، ځوان نسل اړتیا لري چې دوی ته د بازار په مهمو پرمختللي او په لويه کچه غوښتل شويو مهارتونو لکه د کمپیوټر پروګرامونو کې روزنه ورکړل شي."

د اي ای پي پروجيکټ کوآرډينېټر محمد یوسف وویل، د اي ای پي نصاب د معلوماتي ټیکنالوژۍ متخصصینو او تعليمي ماهرينو په مشورې سره جوړ شوی وو.

پرمختللي نصاب زده کونکو ته توان ورکړی چې د موبايل فونونو ايپليکشنونه، انيمېشن او ګيمونه جوړ کړي.

يوسف وويل، "د اي ای پي زده کونکو يو تاريخي کار ترسره کړو کله چې دوی په ټول پاکستان کې د کمپیوټر پروجيکټ نمايش او مقابله (کومپيک) ۲۰۱۹، چې يوه کلنۍ پيښه ده او په اسلام آباد کې د کمپیوټر انجینرۍ نسټ [د ټیکنالوژۍ د علومو ملي يونيورسټي] څانګه يې کوربه توب کوي، کې د کم عمر پروګرام کټګورۍ کې لومړي درې ځايونه ترلاسه کړل.

هغه وویل، د اي ای پي زده کونکو هم په P@SHA [آی ټي او آی ټي اي ايس لپاره د پاکستان سافټ ویر مرکزونو اتحاديې] په آی سي ټي انعامونو ۲۰۱۹ کې د کوچنيو زده کوونکو په کټګورۍ کې لومړی او دوهم ځایونه وګټل، کوم چې د آی سي ټي غوره لوبغاړي ټاکي.