https://pakistan.asia-news.com/ps/articles/cnmi_pf/features/2019/11/05/feature-02
| ټولنه

په انځورونو کې: په شګه کې وريت شوي جوار یا وږي په ژمي کې خوندوره تودوخه رامنځته کوي

د عديل سعيد لخوا

image

د اکتوبر په ۳۱ مه یو کارکونکی د پېښور په شیخ آباد سیمه کې د نويو راټول شويو جوارو نه په ډکه ګاډۍ کې ګرمه شګه اچوي. [عدیل سعید]

image

د اکتوبر په ۳۱ مه یو کارکونکی په پیښور کې د جوارو نه په ډکه ګاډۍ کې ګرمه شګه اچوي. [عدیل سعید]

image

د سړک غاړې پلورونکي د اکتوبر په ۳۱ مه په پېښور کې ګاډۍ د تازه راټول شويو جوارو نه ډکوي. [عدیل سعید]

image

د سړک غاړې پلورونکي په قطار کې انتظار کوي چې د اکتوبر په ۳۱ مه په پېښور کې په خپلو ګاډو کې ګرمه شګه واچوي. [عدیل سعید]

image

د سړک غاړې پلورونکی د اکتوبر په ۳۱ مه په پېښور کې د ګرمو شګو سره جوار پخوي. [عدیل سعید]

image

د سړک غاړې پلورونکی د اکتوبر په ۳۱ مه په پېښور کې د جوارو نه ډکه خپله ګاډۍ بوځي. [عدیل سعید]

image

د سړک غاړې پلورونکي د اکتوبر په ۳۱ مه په پېښور کې وريت شوي جوار خرڅوي. [عدیل سعید]

پېښور -- جوار، چې په دوديز ډول په ګرمو شګو کې دننه پخيږي، د پاکستانیو په ځانګړي توګه په ژمي کې غوره خوراک دی.

د هر عمر پیرودونکي ليدل کيږي چې د سړک غاړې هغه پلورونکو ته راټول شوي دي چې تازه پخ شوي جوار وړاندې کوي، چې مالګه او سور مرچکې پرې اچول شوی وي.

پلورونکي د جوارو پخولو لپاره د بهټو ګرمه شګه استعمالوي.

image

په پېښور کې د سړک غاړې پلورونکی د اکتوبر په ۳۱ مه خپله ګاډۍ د جوارو د وږو نه ډکوي. [عدیل سعید]

د پېښور په شيخ آباد سيمه کې د يوې بهټۍ مالک مزمل خان وويل، هره ورځ شاوخوا د ۲۰ نه تر ۲۵ پورې لاسي ګاډۍ د هرې بهټۍ نه بهر ولاړې وي.

خان وویل، "موږ د ګرمې شګې لپاره د هرې لاسي ګاډۍ نه ۵۰۰ روپۍ (۳.۲۱ ډالره) اخلو چې دوی ته د جوارو د پخولو لپاره پکار وي."

د پېښور يو پلورونکي محمد حسین وویل، "زما وږي خوښ دي ځکه چې دا نه یوازې لږ قیمت لري بلکې د روغتيا لپاره هم ښه دي."

د حسین په وینا، تازه پخ شوي جوار د ژمي د يخنۍ په کمولو کې مرسته کوي.

هغه وويل، یو وږی، چې په شګو کې پخ شوی وي او یا په اوبو کې خوټيدلې وي، نږدې تقريباََ ۲۰-۳۰ روپۍ (۰.۱۳-۰.۱۹ ډالره) لګښت لري، کوم چې په بازار کې د نورو خوراکي توکو په پرتله نسبتاََ ارزان دی.

محمد ساجد، چې د خېبر پښتونخواه د زراعتو په ډیپارټمنټ کې د بوټو د خونديتوب افسر دی، وويل، "جوار په پاکستان کې د غنمو، پنبې او وريجو نه وروسته څلورم مشهور فصل دی."

په خېبرپښتونخواه کې، "د خپل شهرت او د ډيرو غوښتنو له امله، دا د غنمو وروسته دوهم فصل دی چې په پراخه کچه کرل کيږي."

په پاکستان کې د جوارو د کښت سيمه د يو ملیونه ايکړه نه زياته ده چې د ۳.۵ مليونو پورې کلنی پيدوار لري. ساجد وویل، خېبرپښتونخواه د پاکستان د جوارو په پيداور کې ۵۷٪ برخه لري.

فريد خان، چې د لاسي ګاډۍ مالک دی او په پېښور کې د سکولونو، کالجونو او پارکونو مخې ته جوار خرڅوي، وويل، په سلګونو کسان په شګه کې وريت شويو جوارو خرڅولو کاروبار سره تړاو لري."

هغه وویل چې د جوارو خرڅول د يوې عشرې مودې د اورپکۍ او ترهګرۍ وروسته په دې صوبه کې د سولې په بحاليدو سره زيات شوی دی.

فرید زیاته کړه چې پخوا به خلکو پارکونو او تفریحي ځایونو لکه سینماګانو ته د تلو نه ډډه کوله ځکه چې دوی به د چاودنو ویره لرله.

هغه وويل، اوس، پیرودونکي ورته ځايونو ته مخه کوي او سوداګرۍ ته وده ورکوي.

د خېبر پښتونخواه د ټولې صوبې اقتصاد بيرته راژوندې کولو لپاره، چې زياتره برخه یې د ترهګرۍ او اورپکۍ له امله ویجاړه شوې وه، د شنونکو د وروستۍ غونډې تمرکز وو چې د اکتوبر په مياشت کې يو ځای شوي وو.

آیا دا لیکنه ستاسو خوښه شوه؟
3
نه
تبصرې 0
د تبصرو تګلاره
Captcha