https://pakistan.asia-news.com/ps/articles/cnmi_pf/features/2019/07/29/feature-02
امنیت

پاکستان په بلوچستان او شمالي وزيرستان کې "بزدلانه بريدونه" غندي

د عبدل ناصر خان لخوا

image

پاکستاني خپلوان او اوسيدونکي د جولای په ۲۸ مه په ایبټ آباد کې د یو سرتیري تابوت وړي، چې یوه ورځ مخکې د افغانستان سره پولې ته نژدې د ملګرو سره وژل شوې وو. [عاطف حسین/ای اېف پي]

لاهور -- پاکستان د شنبې په ورځ (د جولای په ۲۷ مه) په خپلو وسله والو ځواکونو باندې د دوو مختلفو بريدونو غندنه وکړه او د ترهګرۍ سره يې د جګړې لپاره په خپلې ژمنې ټينګار وکړ.

په قبايلي ضلعې شمالي وزیرستان او بلوچستان صوبه کې په بریدونو کې ۱۰ پوځیان ووژل شول.

د پاکستان پوځ د عامه اړيکو دفتر (آی ايس پي آر) په يو بيان کې وويل، "وسله والو د پولې هاخوا نه" په پاکستاني پوځيانو باندې بريد وکړ او شپږ سرتيري يې ووژل. دغه پوځيانو د پاکستان پولې ته نژدې د شمالي وزیرستان په ګربز سیمه کې ګشت کولو.

آی ايس پي آر په يو بل بيان کې وويل، په بلوچستان کې د وسله والو پر ضد په عملياتو کې نور څلور عسکر وژل شوي دي.

image

لس امنيتي کسان، چې په دې انځور کې ښودل شوي، د شنبې په ورځ په بريدونو کې ووژل شول. [آی ايس پي آر]

د تحریک طالبان پاکستان (ټي ټي پي) وياند محمد خراساني په شمالي وزیرستان کې د برید مسوولیت په غاړه اخيستې دی.

د پاکستان وزير اعظم عمران خان د وژل شويو کسانو د کورنيو سره د خواخوږۍ څرګندونه وکړه او ټويټ يې وکړو، "زه خپلو وسله والو ځواکونو عسکرو ته سلامي وړاندې کوم چې د خپل قوم خوندي ساتلو لپاره په دوامداره توګه د ترهګرو سره په جګړه کې د خپل ژوند قرباني ورکوي."

د پاکستان تحریک انصاف مشر جهانګیر ترين هم دا بریدونه وغندل.

هغه ټويټ وکړو، "دا يو پلان شوي هڅه ده چې د سولې لپاره د پاکستان هڅې کمزورې کړي، خو دښمن باید پوه شي چې دا بزدلانه حملې مونږ خپلې موخې ته د رسیدلو څخه نه شي منع کولې."

بريګيډير (ريټايرډ) محمود شاه، چې په پېښور کې د امنیت شنونکی دی، وویل، "پاکستاني پوځیانو د [شمالي وزیرستان] د پاکولو لپاره ډیر عملیات ترسره کړي دي، او دوی تل د وسله والو لخوا وژل شوي دي."

هغه وويل، امنيتي ځواکونه په دغه سيمه کې پرمختګ کوي او او ډېر ژر به کنټرول ترلاسه کړي.

آیا دا لیکنه ستاسو خوښه شوه؟

تبصرې 0
د تبصرو تګلاره * ضروري برخې ښيي 1500 توري پاتې دي (تر 1500 پورې)