پاکستان وروسته له دې ژمنه کوي چې د پوليو واکسين ورکولو ته دوام ورکړي کله چې جعلي ويډيګانو ويره رامنځته کړه

پیښور - پاکستاني پولیسو یو سړی نیولی دی چې ادعا یې کوله چې قصداََ يې غلط معلومات خپاره کړل او يوه ناکامه هڅه يې وکړه چې د ملت د پوليو وکسينو ورکولو کمپاين ته زيان ورسوي.

جيو ټي وي راپور ورکړو چې د خیبر پښتونخواه حکومت (کی پي) د دوشنبې په ورځ (د اپریل په ۲۲ مه) د درې ورځو د پوليو ضد پولیو کمپاین پیل کړو. پاکستان هدف لري چې د پځو کالو نه کم تقريباََ ۳۹.۴ میلیونه ماشومانو ته واکسين ورکړي، چې په دې کې ۶.۸ میلیونه ماشومان په خیبرپښتونخواه کې دي.

د تحریک طالبان پاکستان (ټي ټي پي) یاغیان د کلونو راهیسې د پوليو واکسینو په وړاندې د غلطو معلوماتو او ناپوهۍ د کمپاین یوه برخه پاتې شوې ده.

همدغه ورځ د پوليو ضد کمپاین پیل شو، مختلفو جعلي ویډیوګانو او پیغامونو ادعا وکړه چې د پوليو واکسین ماشومان په ناروغۍ اخته کوي. دې په خلکو کې ويره رامنځته کړه او په زرګونو ماشومان د خيبر پښتونخواه هسپتالونو ته راوړل شول.

ډاکټرانو وویل چې د قي او د ګيډې دردونه د هیسټریا د وجې رامنځته شول، نه چې د پولیو واکسین له کبله. د پوليسو واکسين خوندي دي.

د بابر بن عطا، چې د پوليو د له منځه وړلو په برخه کې د وزيراعظم عمران خان فوکل پرسن دی، له مخې، نظر محمد، چې د بډهابيرې يو کليوال دی، په دې تور ونيول شو چې هغه يوه ويډيو خپره کړې وه چې ادعا يې کوله چې د پوليو څاڅکو نه وروسته ماشومان بې هوشه شول.

په ټولنیزو رسنیو باندې په خپور شوي ویډیوګانو کې، محمد ليدل کيدی شي چې له ماشومانو څخه غوښتنه کوي چې د واکسین ترلاسه کولو نه وروسته د ناروغه کيدو بهانه وکړي.

عطا پاکستان فارورډ ته وویل، "موږ ټول هغه کسان په ګوته کړي کوم چې په دې پروپيګنډه کې ښکيل دي او اوس مونږ پریکړه کړې چې د واکسین ورکولو کمپاین به په ټول هېواد کې د مقرره شيډول مطابق دوام ومومي."

هغه وويل، په هيڅ يو ځای کې کمپاين د دې افواهګانو له کبله ونه ودرول شو.

عطا وويل، دا ويره د ماشوخيل په يو سکول کې پيل شوه چې د کلونو راهيسې يې د پوليو څاڅکو نه انکار کړې وو، خو سږ کال يې واکسين ورکول پيل کړل.

هغه وويل، "له يو سکول څخه، دغه افواه د ماشوخيلو کلي ته خپره شوه، چېرته چې اوسيدونکي سړکونو ته راوتل او يوې بنيادي روغتيايي يونټ ته يې اور ولګولو او د پوليو په کارکوونکو کې يې هم بريد وکړ." هغه زياته کړه، هغه ماشومان چې روغتون ته راوړل شوي، د هغوی په اړه دا ادعا ثابته نه شوه چې د واکسینو له کبله ناروغه شوي دي.

عطا وويل، "موږ د ۱۲ کسانو په وړاندې کيسونه درج کړي او د پروپيګنډې تر شا يو مهم سړی مو نيولی دی، او د نورو کسانو د نيولو لپاره چهاپې ترسره کيږي."

د غلطو معلوماتو پر وړاندې مبارزه کول

پاکستانيان د افواه ګانو په وړاندې مبارزه کوي او تاييدوي چې د پوليو واکسين خوندي دي.

په يو نيوز کانفرنس کې، عطا د خيبر پښتونخواه د روغتيا وزارت وزير انعام الله خان ته د پوليو قطرې ورکړې څو دا ثابته کړي چې دا خوندي دي.

دغه وزیر په يو ویډیو پیغام کې وویل چې واکسین خوندي دي او هغه خپلو ماشومانو ته د واکسين ورکولو سره دا کمپاین پیل کړو.

د بشري حقونو لپاره وفاقي وزیره ډاکټر شیریں مزاري په ټویټر کې وویل، "د پوليو واکسین په وړاندې خطرناک جعلي کمپاین -- د يوې تخريبي او ناوړه ايجنډې لپاره ماشومان کارول او د روغتیا مرکز تباه کول زموږ د ماشومانو د ژوند سره لوبې کول دي."

هغې تاييد وکړو چې يو کس نيول شوی دی او زياته يې کړه چې پاکستانيان بايد په دې ډول جالونو کې د اخته کيدو نه مخکې فکر وکړي.

سفير احمد، ۴۸ کلن، چې د پیښور ښار اوسيدونکی دی، پاکستان فارورډ ته وويل، "ما هم خپل ماشومان روغتون ته ورسول، او هر ځای افواه وه چې ځينې ماشومان د پوليو څاڅکو له امله مړه شول."

هغه د هغو کسانو په وړاندې د اقداماتو غوښتنه وکړه کوم چې د دې افواه په خپرولو کې ښکیل وو.

احمد وويل، "حکومت بايد هغه ټول خلک ښکاره کړي ځکه چې دا پروپيګنډه د پوليو راتلونکي کمپاينونو ته زيان رسولی شي."

ډاکټر ګوهر آمين، چې په پيښور کې د ماشومانو يو سينير ډاکټر دی، پاکستان فارورډ ته وويل، "واکسين خوندي دي او د څاڅکو په ورکولو کې څه مسله نشته." هغه زياته کړه، په تېرو څو ورځو کې د موسم د بدليدو سره په ماشومانو کې اولټۍ او نس ناستې زيات شوی دی.

امین وویل، "ټول والدين باید د واکسینو لپاره لاړ شي او دا پروپيګنډه رد کړي."