https://pakistan.asia-news.com/ps/articles/cnmi_pf/features/2019/02/26/feature-01
ديپلوماسي

په پاکستان کې د هند لخوا د هوایي برید وروسته د صبر غوښتنه

ای ايف پي

image

د هند او پاکستان سرتيري د جنوری په ۲۶ مه د هند او پاکستان په وهاګه پوله باندې، د آمرتسر نه شاوخوا ۳۵ کلوميټره لرې، د جمهوريت د ورځې په جشنونو کې د ډرم وهلو په مراسمو کې برخه اخلي. [ناریندر نانو/ ای ايف پي]

اسلام آباد -- نړیوالې ټولنې په نوي ډیلي او اسلام آباد غږ وکړو چې د صبر نه کار واخلي، وروسته له هغې چې د هند جنګي الوتکو په پاکستان کې د وسله والو په يو کيمپ باندې برید وکړو.

د اروپایي اتحادیې ویاند، مایا کودسیانچچ، خبريالانو ته وویل، "موږ د دواړو هېوادونو سره په رابطه کې يو او موږ باور لرو چې دا اړینه ده چې ټول به د زیات صبر نه کار واخلي او د نور تاوتریخوالي مخه ونيسي."

هند د سه شنبې په ورځ (د فبرورۍ په ۲۶ مه) وویل چې د دې جنګي الوتکو د وسله والو په یو کيمپ بريد وکړو چې په دغه کيمپ کې د پاکستان پلوه وسله والو د دې په ښارونو کې د ځان وژونکي حملو تياری کولو، او د جیش محمد (جی اي ايم) ډلې ګڼ شمير وسله وال يې ووژل.

د پاکستان چارواکو تاييد وکړو چې د هند الوتکو د هغوی هوايي حدود مات کړل او د خیبر پښتونخواه په بالاکوټ کې یې توغندي غوزار کړو او د دې ناڅاپي جارحيت بريد يې غندنه وکړه، خو ټینګار يې وکړو چې هیڅ ډول زیان یا مرګ ژوبله نه ده رامنځته شوی.

image

د پاکستان د بهرنیو چارو وزیر شاه محمود قريشي (په منځ کې) د فبرورۍ په ۲۶ مه په اسلام آباد کې د بهرنيو چارو په وزارت کې وروسته له هغې د دفاع وزارت وزیر پرویز خټک (ګس اړخ ته) او د مالیې وزیر اسد عمر تر نژدې خبرې کوي کله چې د هند هوایې ځواک په بالاکوټ کې د جیش محمد (جی اي ايم) يو کيمپ په نښه کړو. پاکستان د هند دا ادعا رد کړه چې په دغه هوايي بريد کې يې ډیر وسله وال وژلي دي، او دا بريد يې داسې وګڼلو چې دا "يوه خطرناکه ، جعلي او د خپل ځان" لپاره يو بريد و. [عامر قريشي/ای ايف پي]

دا جارحيت د فبرورۍ په ۱۴ مه د ځانمرګی برید وروسته پیل شو چی جيش محمد يې ادعا کړي وه او د هند تر کنټرول لاندې کشمير کې يې ۴۰ پوځیان وژلې ول، چې په نتيجه کې يې د دواړو ګاونډیانو تر منځ د ګواښونو او د خبردارو يوه لړۍ پيل کړه.

د هند د بهرنیو چارو وزیر وجې ګوکهيل رسنیو ته په بريفنګ کې وويل، د هند حکومت په بالاکوټ کې د جيش محمد په کيمپ باندې د بريد کولو امر ورکړو ځکه چې دا په دې باور وو چې په هند کې به ځان وژونکي بریدونه ژر ترسره شي.

هغه وويل، "د جيش محمد ګڼ شمير ترهګر، روزونکي، سينير کمانډران او جهادي ډلې، چې د ځان وژونکي بريدونو لپاره ورته ټريننګ ورکړل کيدو، له منځه یوړل شول."

پاکستان د هند اعلان رد کړو.

د بهرنیو چارو وزیر شاه محمود قريشي په اسلام آباد کې په پريس کانفرنس کې وویل، "د ملي امنيت شورا د هند لخوا بالاکوټ ته نژدې د ترهګرو د يو کيمپ د نښه کولو او د زياتې مرګ ژوبلې ادعا په کلکه رد کړې ده.

پاکستان ویلي دي چې د دې الوتکو د هند الوتکې بیرته په تلو مجبوره کړې او دوی د تښتېدلو په ترڅ کې توغندي وغورځول.

پولې ته نږدې يو ډرون راو غورځول شو

په عین وخت کې، د هند هوايي ځواک د سه شنبې په ورځ د پاکستان سره پولې ته نژدې يو ډرون راوغورځولو.

د پولیسو سرچینو ای ايف پي ته وویل، کلیوالو په لويديځ ګجرات کې د پاکستان پولې نه لږ لرې د يو بې پیلوټه هوايي ګاډي (يو ای وي) ټوټې وموندلې.

يو سينير پولیس افسر د نوم نه ښودلو په شرط وویل، "یو ای وي د وسله والو ځواکونو لخوا ويشتل شوی دی. موږ د دې پلټنه کوو."

هغه زياته کړه، څېړونکي به دا وڅيړي چې آيا دا بې پيلوټه الوتکه له پاکستان څخه راغلې وه.

د پولیسو افسر وویل چې په کوچ ضلع کې -- په يوه لرې دښته سيمه -- کليوالو د سه شنبې په لومړیو ساعتونو کې يو "غټ آواز" واوریدلو.

هغه د امنيتي انيښنو له کبله د ډرون د ويشتلو يا د دې د سرچينې په اړه نور وضاحت ونه کړو.

آیا دا لیکنه ستاسو خوښه شوه؟

تبصرې 0
د تبصرو تګلاره * ضروري برخې ښيي 1500 توري پاتې دي (تر 1500 پورې)