سوداګري

پاکستان د ښکار او ښکاري وسلو جوړولو ته وده ورکوي

د عديل سعيد لخوا

د وسلو يو کاريګر د تیر نومبر په ۱۵ مه په پېښور کې د ځايي جوړې شوي تومانچې جوړول پای ته رسوي. [عدیل سعید]

د وسلو يو کاريګر د تیر نومبر په ۱۵ مه په پېښور کې د ځايي جوړې شوي تومانچې جوړول پای ته رسوي. [عدیل سعید]

د وسلو يو کاريګر د خیبر پښتونخواه په پیښور کې د ۲۰۱۸ کال د نومبر په ۱۵ مه د وسلو جوړولو په يوې کارخانه کې په تومانچې باندې کار کوي. [عدیل سعید]

د وسلو يو کاريګر د خیبر پښتونخواه په پیښور کې د ۲۰۱۸ کال د نومبر په ۱۵ مه د وسلو جوړولو په يوې کارخانه کې په تومانچې باندې کار کوي. [عدیل سعید]

د وسلو يو کاريګر د نومبر په ۱۵ مه په پېښور کې په یوه هټۍ کې ځايي جوړه شوي تومانچه ښيي. [عدیل سعید]

د وسلو يو کاريګر د نومبر په ۱۵ مه په پېښور کې په یوه هټۍ کې ځايي جوړه شوي تومانچه ښيي. [عدیل سعید]

د وسلو يو کاريګر د تیر نومبر په ۱۵ مه په پېښور کې ۹ ايم ايم تومانچې جوړوي. [عدیل سعید]

د وسلو يو کاريګر د تیر نومبر په ۱۵ مه په پېښور کې ۹ ايم ايم تومانچې جوړوي. [عدیل سعید]

يو نامعلومه بهرنې ليدونکی د نښې او بهر د ډزو کولو په نمایش کې د يو سټال د مالک سره د تصوير لپاره فوز جوړوي. دا نمایش د تير سپتمبر په ۲۸-۳۰ مه په اسلام ‌آباد کې ترسره شوی و. [د پاکستان د ښکار او ښکاري وسلو د پرمختيا کمپني]

يو نامعلومه بهرنې ليدونکی د نښې او بهر د ډزو کولو په نمایش کې د يو سټال د مالک سره د تصوير لپاره فوز جوړوي. دا نمایش د تير سپتمبر په ۲۸-۳۰ مه په اسلام ‌آباد کې ترسره شوی و. [د پاکستان د ښکار او ښکاري وسلو د پرمختيا کمپني]

پیښور -- پاکستاني چارواکي د ښکار او ښکاري وسلو بډايه میراث ته وده ورکوي، په داسې حال کې چې دوی قوانين پیاوړي کوي او نړیوالو بازارونو ته دا صنعت غځوي.

د دې صنعت د پراختیا او تر قانون لاندې راوستلو لپاره يوه لاره دا ده چې د وسلو کاريګران په کوچني ګروپونو کې يو ځای شي، چې په اسلام آباد کې د پاکستان د ښکار او ښکاري وسلو د پراختيا لپاره کمپني ( پي ايچ ايس ای ډي سي) غواړي چې دوی یوځای کړي.

د پاکستان د ښکار او ښکاري وسلو د پراختيا کمپنۍ مشر، زاهد الله شینواري، وویل، د دې ادارې موخه داده چې په پاکستان کې ښکار او ښکاري وسلو او آلاتو جوړولو او سيالۍ ته وده ورکړي او د ځايي تولیداتو کیفیت ښه کړي چې نړیوال معیارونه پوره کړي.

هغه پاکستان فارورډ ته وویل، "په نړيوال بازار کې د ښکار او ښکاري وسلو د قانوني سوداګرۍ د چټک پرمختګ لپاره ستر امکانات شتون لري."

په پیښور کې په يوې فيکټرۍ کې يو تجربه کار اسلحه جوړونکی د تير نومبر په ۱۵ مه ۹ ايم ايم تومانچه جوړوي. [عدیل سعید]

په پیښور کې په يوې فيکټرۍ کې يو تجربه کار اسلحه جوړونکی د تير نومبر په ۱۵ مه ۹ ايم ايم تومانچه جوړوي. [عدیل سعید]

شینواری وویل، "د ځايي وسلو د کیفیت د ښه کولو لپاره د پي ایچ ايس ای ډي سي د مداخلت له کبله، د وسلو جوړونکو د نړیوالو پیرودونکو نه د صادراتو امرونه ترلاسه کول پيل کړې دي."

هغه وویل چې په پاکستان کې جوړ شوي تولیداتو د متحده ایالاتو تصدیق ترلاسه کړی، چې له دې کبله دوی توان لري چې متحده ایالاتو ته توليدات صادر کړي.

د سوداګرۍ پراختیا او روزګار رامنځته کول

د چارواکو په وینا، پي ايچ ايس ای ډي سي، چې د وسلو صنعت تر قانون لاندې راوستلو او هغې ته د ودې ورکولو لپاره د ګروپونو جوړولو کومه طريقه استعمال کړې ده ، هغه کاميابۍ رامنځته کوي.

د پي ايچ ايس ای ډي سي ستر مشر، طاهر خان، وویل، "په پېښور کې د وسلو جوړونکو ګروپونه په ۶۶ کوچنیو او منځنیو رجسټر شويو کمپنو مشتمل دي، چې زياتره په کوهاټ روډ باندې موقعيت لري."

هغه وويل، "په دې يونټونه کې په مستقيم ډول نږدې ۵،۰۰۰ کارګران کار کوي."

هغه زياته کړه، "په دره آدم خېل کې، د آبادۍ ۸۰٪ خلک په وسلو جوړولو کې بوخت دي."

هغه وويل چې په دغو ګروپونو کې د ښکار کومې وسلې جوړې شوي دي، په هغې کې تومانچې، ۱۲ بور ټوپکونه، پمپ واله ټوپکونه، ټوپکونه او زړې وسلې شاملې دي.

خان زياته کړه چې پي ايچ ايس ای ډي سي د فاټا د پرمختيايې ادارې سره هم کار کوي چې يوه خاص صنعتي سيمه جوړه کړي او د وسلو ټول کاريګران په کې يو ځای کړي او په ښه توګه دغه سوداګري تر قانون لاندې راولي.

که څه هم پخوانۍ فاټا اوس د خیبر پښتونخوا برخه ده، د فاټا پرمختیایي ادارې خپل نوم ساتلی دی.

خان وويل، صنعتي سيمه، چې د پيښور په مضافاتي سيمو کې په رحيم آباد کې جوړه شوې ده، به په ۲۰۲۰ کال کې بشپړه شي.

حامد خان، چې په پيښور کې د وسلو جوړولو د فيکټرۍ خاوند دی، وويل، "د ځايي فيکټرو ټوپکونه په بېلا بېلو هېوادونو کې لوړ ډيمانډ لري، خو د ښه پاليسۍ د نشتوالي له امله، د وسلو سوداګر له ستونزو سره مخ دي."

هغه پاکستان فارورډ ته وويل، "پاکستان هر کال د کوچنيو وسلو واردولو لپاره زياتې پيسې خرچ کوي، او مونږ له حکومت څخه غواړو چې هغه ځايي جوړې شوي وسلې غوره کړي کومې چې ارزانې دي."

هغه زياته کړه، په ځايي وسلو کې سرمايه کاري به نه يوازې د دې وسلو په جوړولو کې مرسته وکړي، بلکې د وسلو د قاچاق مخه به هم ونيسي.

آیا دا لیکنه ستاسو خوښه شوه؟

تبصرې 1

د تبصرو تګلاره * ضروري برخې ښيي 1500 / 1500

غوره مهارتونه

ځواب