https://pakistan.asia-news.com/ps/articles/cnmi_pf/features/2018/05/18/feature-02
| دین

په جکارتا کې د عالمانو کانفرنس د خلکو په سترګو کې د طالبانو ايميج کمزوری کوي

د اشفاق يوسفزۍ لخوا

image

د پاکستان، افغانستان او انډونيشیا نه مذهبي عالمان د می په ۱۱ مه په جکارتا کې د کانفرنس نه وروسته یوه اعلامیه لولي. [د پاکستان اسلامي نظرياتي کونسل]

اسلام آباد -- دیني عالمان او امنیتي شنونکي په دې میاشت کې په انډونيشيا کې د هغه يو کانفرنس د پايلو ستاينه کوي په کوم کې چې د طالبانو د تاوتریخوالي غندنه وشوه او د افغانستان په مشرۍ کې یې د سولې د بهیر سره د ملاتړ ژمنه وکړه.

د پاکستان، افغانستان او انډونيشیا عالمانو د می په ۱۱ مه په جکارتا کې په صدارتي محل کې په يو کانفرنس کې خبرې اترې کوي.

د دې غونډې په پای کې، د دریو هیوادونو څخه ۷۵ عالمانو په اتفاق سره د ۱۲ نکتو يوه اعلامیه لاسلیک کړه چې په هر شکل او صورت کې د تروریزم غندنه کوي.

په دغه اعلاميه کې ويلې شوي: "موږ تصدیق کوو چې تاوتریخوالی او ترهګري د مذهب، قومیت، تمدن یا توکمیز ډلو سره ونه تړل شي، ځکه چې تاوتریخوالی، افراطیت او تروریزم په هر يو شکل او صورت کې، د ملکي وګړو په وړاندې د تاوتريخوالي او ځانمرګي بریدونو په شمول، د اسلام د مقدس اصولو خلاف دي."

په دغه اعلاميه کې راغلي، د افغانستان، پاکستان او انډونيشيا عالمان د افغانستان صدر اشرف غني د سولې پلان سره د مرستې له لارې د سولې په وده کې مهم رول لوبولی شي.

د دغه اعلامیې له مخې، "موږ په افغانستان کې د سولې لپاره په مناسب چاپیریال غور کوو او په ټولو اړخونو غږ کوو چې په مستقيم ډول د سولې په خبرو اترو کې ګډون وکړي."

سیمه ییزه سوله او غیر تاوتریخوالی خپرول

د پاکستان د اسلامي نظرياتي کونسل چيرمين او د پيښور يونيورسټۍ پخواني وايس چانسلر، قبله آياز، وويل، "موږ په تفصيل سره په اسلامي احاطه کې دننه د تروریزم په اړه خبرې وکړې او په افغانستان کې په جنګي ډلو او طالبانو وسله والو باندې مو زور ورکړو چې د تاوتریخوالي څخه ډډه وکړي او په خبرو اترو کې برخه واخلي چې په سیمه کې د سولې لپاره لاره هواره کړي."

ديني عالمانو د "پیغام پاکستان" (د پاکستان پيغام) د فتوې ستاينه وکړه، چې د جنورۍ په مياشت کې پرې له ۱،۸۰۰ څخه زيات ديني عالمانو دستخطونه کړې ول. دا فتوا ځانمرګي بریدونه، وسله وال بغاوتونه او د شريعت په نامه د تروریزم فعالیتونه ردوي.

په پیښور کې یو افغان عالم، عبدالروف، وویل، که څه هم طالبانو د اسلامي عالمانو څخه وغوښتل چې د دې کانفرنس نه بايکاټ وکړي، خو عالمانو وسله وال نظر انداز کړل ځکه چې دوی د خپلو هيوادونو د راتلونکي په اړه ډير زيات اندیښمن دي.

هغه پاکستان فارورډ ته وویل، "څنګه دیني مشران خپل هیواد ترهګرو ته پريښودی شي، چې هغوی د خپلې اجنډې تعقيب ... د قوت له لارې کوي؟"

د طالبانو لپاره ملاتړ کمول

په پېښور کې يو امنیتي شنونکي، خادم حسين، وويل، که څه هم دا اعلامیه به طالبان د تاوتریخوالي نه منع نه کړي، خو دا به د ګروپ په اړه د خلکو په فکر باندې تاثیر ولري.

هغه پاکستان فارورډ ته وویل، "مذهبي مشران په ټولنه کې خورا پلويان لري ځکه چې دا په ټولنیزو مسلو کې د هغوی ملاتړ غواړي." "دا [اعلامیه] به یو پیغام واستوي چې تروريزم د اسلامي قانون خلاف يو عمل دی."

هغه وويل، "هغه وسله وال چې له مخکې نه يوازې دي، نور به هم ملاتړ له لاسه ورکړي."

مولانا حافظ محمد طاهر محمود اشرفي، د پاکستان د عالمانو د کونسل چيرمين،په کانفرنس کې ګډون ونه کړو، خو د اعلامیې ملاتړ يې وکړو.

هغه پاکستان فارورډ ته وویل، "مذهبي مشرانو تل د سولې ملاتړ او د ترهګرۍ مخالفت کړی دی." "هیڅ يو دین د افراطیت ملاتړ نه کوي."

هغه وويل، "وسله وال بايد د اسلامي عالمانو غوښتنې ته پام وکړي او که چيرې دوی په اسلام باندې په ريښتيا سره يقين لري، نو افراطيت دې پريږدي."

آیا دا لیکنه ستاسو خوښه شوه؟
18
نه
تبصرې 2
د تبصرو تګلاره
Captcha

د اسلامي شريعت د نفاذ لپاره جنګ کول جهاد او د هغې مخالفت کول کفر دی. دا د قرآن کریم او سنت نه واضحه ده.

ځواب

هو، بې شکه اسلام د امن مذهب دی. خو په دې تش په نامه کانفرنس کې د دې پوښتنو ځوابونه چیرته دي. په حقيقت کې اورپکۍ څه شې دی؟ او چا دا پيل کړې ده؟؟؟ اصلي تروريستان څوک دي؟؟؟ او په حقيقت کې تروريزم چا پيل کړو؟؟ د ټوپکو هلیکوپټرونو کارولو، د بريد کوونکو کارولو، د ټينکونو کارولو، د مدر بمونو کارولو په اړه څه فتوا شته؟؟؟ او آيا دا کانفرنس په حقيقت کې په ټوله نړۍ کې په مسلمانانو باندې د متحده آيالاتو او اسرايل ظلمونه منل نه دي؟؟؟ آيا دا کانفرنس د فلسطينيانو، کشميريانو او د روهنګيا د خلکو د ژوندونو خلاف نه دی؟؟؟ آيا دا کانفرنس په ټوله نړۍ کې د ځپل شويو مسلمانانو ګټو ته زيان نه رسوي؟؟؟ آيا دوی نه پوهيږي چې نړيوال تروريزم په هر ځای کې د مسلمانانو د ګټو خلاف کارول کيږي؟؟؟ په ټوله نړۍ کې د متحده آيالاتو د تروريزم، په فلسطين کې د اسرايلو د تروريزم او په کشمير کې د معصومانو، ځپل شويو او بې وسه کسانو په وړاندې د هند د تروريزم خلاف د عالمانو فتوا چيرته ده؟؟؟ ټوله مسلم امه د داسې عالمانو له کبله د اړي ګړي او ستونزو سره مخ ده.

ځواب