جرم او انصاف

د پولیسو روزل شوي کمانډو د خیبر پښتونخواه د ساتنې لپاره چمتو دي

د جاويد خان لخوا

کمانډوز د اپریل په ۳ مه د ایلیټ پولیسو لپاره په تربيتي مرکز کې د فراغت په مراسمو کې د ژوند ژغورلو د مهارتونو مظاهره کوي. [جاوید خان]

کمانډوز د اپریل په ۳ مه د ایلیټ پولیسو لپاره په تربيتي مرکز کې د فراغت په مراسمو کې د ژوند ژغورلو د مهارتونو مظاهره کوي. [جاوید خان]

پیښور -- د څلورو مياشتو اوږد ټريننګ ترلاسه کولو نه وروسته، د ۴۳۹ خيبر پښتونخواه کمانډوز د سه شنبې په ورځ ( د اپريل په ۳ مه) د ایلیټ پوليسو د تربيتي مرکز نه فارغ شول.

د خیبرپښتونخواه ګورنر اقبال ظفر جهګړا په دې مراسمو کې ستر میلمه وو او هغه هلته کې په کلاس کې تر ټولو لوړ پوزيشن لرونکو ته سندونو، د نغدو پيسو انعامونه او ټرافیانې ورکړې.

جهګړا په دغه مراسمو کې وویل، "د دې ټريننګ ليول او په تيرو څو کلونو کې د تروریزم او جرمونو په وړاندې عمومي غبرګون د خیبرپښتونخواه پولیس د هیواد د پولیسو او بهر لپاره یو مثال جوړ کړی دی."

هغه زياته کړه، د روزل شوي کمانډو مهارتونه به د ځواک لپاره يوه اثاثه ثابته شي.

کمانډو د اپریل په ۳ مه په نوښار کې د ایلیټ پولیسو په تربيتي مرکز کې د پاسنګ آوټ په مراسمو کې د جمناسټکس مظاهره کوي. [جاوید خان]

کمانډو د اپریل په ۳ مه په نوښار کې د ایلیټ پولیسو په تربيتي مرکز کې د پاسنګ آوټ په مراسمو کې د جمناسټکس مظاهره کوي. [جاوید خان]

هغه وويل، "د خيبرپښتونخواه د پوليسو قربانيو او مهارتونو په صوبه او د هېواد په پاتې برخه کې د سولې په بحاليدو کې مرسته کړې ده."

جرم او ترهګري له منځه وړل

د خیبر پښتونخواه د پولیسو انسپکټر جنرل صلاح الدين خان محسود د دې مراسمو په ترڅ کې وويل، د خیبر پښتونخواه پولیس د ټريننګ ښه کولو ته په ځانګړې توګه توجو ورکوي.

محسود پاکستان فارورډ ته وویل، "د ایلیټ ځواک او د خیبرپښتونخواه ټولو پولیسو ته په تېرو څلورو کلونو کېښه ټريننګ ورکړی شوې او هغوی سمبال شوي دي چې د ترهګرۍ او جرم په وړاندې مبارزه وکړي." هغه زیاته کړه چې په دې وخت کې د خیبرپښتونخواه د پولیسو تربيتي سکولونه د ۲ نه تر ۱۳ پورې زیات شوې دي.

محسود وویل، "د يوې عشرې نه په زياته موده کې، ۲۰۱۷ کال په خیبرپښتونخواه کې تر ټولو سوله ایز کال و، خو د ۲۰۱۸ کال لومړۍ ربع د تیر کال د ربعې په پرتله ډيره ښه شوې ده."

هغه وويل، د ۲۰۱۸ کال په لومړۍ ربع کې د تاوان اخیستو لپاره اغواکاري د تیر کال د ورته مودې په پرتله ۸۲٪ کمه شوې ده. هغه زياته کړه، د تروریزم پیښې ۷۴٪ او د بهتې اخيستلو پيښې ۷۸٪ کمې شوي دي.

هغه وويل، "د مرګ په پيښو کې ۲۶٪، د غلا په پيښو کې ۴۵٪، د بريد په پيښو کې ۱۸٪ او په حکومتي چارواکو باندې په بریدونو کې --- ۶۲٪ کمې راغلی دی."

پراخه تعيناتي

د خیبر پښتونخواه د پولیسو ویاند، وقار احمد، وویل، "د خیبرپښتونخواه پولیس ایلیټ ځواک د ژمنې، زړورتيا او د ښه ټريننګ له کبله په هیواد او سیمه کې په ډيرو ښه پوليسو کې شمارل کيږي."

هغه پاکستان فارورډ ته وویل، ایليټ ځواک د پیښور او نورو ډسټرکټونو په ډیرو پولیسو سټیشنونو کې ځای پر ځای شوي، چیرته چې دا په بریدونو، د لټون او ګوزار او نورو عملیاتو کې د سیمه ایزو پولیسو سره مرسته کوي.

هغه وويل، "په پولیس سټیشنونو کې د ایلیټ ځواک ځای پر ځای کولو په چهاپو وهلو او نورو عملياتو کې د پولیسو کارکردګي ښه کړي ځکه چې دا ځواک ښه روزل شوی چې د پولیسو په پرتله غیر معمولي حالتونه په ښه توګه کنټرول کړي."

آیا دا لیکنه ستاسو خوښه شوه؟

تبصرې 2

د تبصرو تګلاره * ضروري برخې ښيي 1500 / 1500

زه يو ځای کيږم

ځواب

آيا تا زمونږ سره يوځای کيدی شې ... پي پي پي پي

ځواب