د خېبرپښتونخوا د پوليسو ستر مشر دراني د کاميابۍ مثالونه پريښودل

پېښور -- د خیبر پښتونخوا پوليسو ستر مشر د ترهګرۍ په وړاندې د عملياتو يو ميراث پريښودلو سره خپل سروس پای ته ورسوو.

ناصر خان دراني، د خېبرپښتونخوا د پوليسو انسپکټر جنرل، د ريټايرمنټ ميعاد پوره کولو نه وروسته، د مارچ په ۱۶مه خپله ډيوټي پريښوده. هغه په سپتمبر ۲۰۱۳ کال کې د خېبرپښتونخوا د پوليسو انسپکټر جنرل جوړ شو او د ۲۰۱۴ کال په لومړيو کې یې په ټوله صوبه کې د ترهګرۍ ضد ستراتيژي معرفي کړه.

دغه ستراتیژي، چې د سي او پي (ځواک ښه کولو، د وسله والو مخنيوی کولو او د خلکو باور ته وده ورکولو) په نامه ياديږي، په خېبرپښتونخوا کې په ترهګرۍ کې د کمي راوستلو له کبله ستاينه کيږي.

ضرب عضب عملياتو چې په جون ۲۰۱۴ کال کې شروع شول او رد الفساد عملياتو چې د فبرورۍ په مياشت کې پيل شول په ټول هيواد کې يو شمير وسله وال ووژل او یا یې په زرګونو وشړل؛ خو په خیبر پښتونخوا کې صوبايي پوليسو د دراني په مشرۍ کې د وسله والو په وړاندې کاميابۍ تر لاسه کولی.

نظم او قانون بحالول

د ۲۰۱۴ کال راهیسې، په خیبر پښتونخوا کې د خلکو په تحفظ کې پرمختګ کړی شوی دی، او په پيښور کې په دسمبر ۲۱۰۴ کال کې په آرمې پبلک سکول کې قتل عام د تېر وخت يوه خبره پاتې شوې ده.

د تحریک طالبان پاکستان وسله والو په دغه ورځ په سکول کې نږدې ۱۵۰ماشومان او استاذان ووژل.

دراني سلام ټايمز ته وويل، نږدې د درې کلونو راهیسې، کله نه چې د خیبر پښتونخوا د ترهګرۍ ضد ستراتيژي نافذ کړی شوي ده، د خیبر پښتونخوا د پولیسو د ترهګرۍ سره د مبارزې ادارې د ۱،۲۰۰ نه زيات وسله وال نيولي دي. په دې کسانو کې هغه ۱۲۱ کسان هم شامل دي د کومو په سر چې د پيسو اعلان کړی شوی وو.

هغه زياته کړه، چې هغوی په دغه وخت کې د ترهګرۍ ۷۸۶ کيسونه عدالتونه ته وسپارل."

پولیسو په تسليم شوي وسله والو کار وکړو چې دوی په ټولنه کې شامل کړي. په تېرو درې کلونو کې، دوی د هغه ۲۲،۵۳۵ د ځمکې خاوندانو خلاف کيسونه درج کړل شول کوم چې د خپلو کرايه دارانو په اړه په معلومات نه ورکولو کې ښکيل وو. دغه کسانو د قانوني شرط او قاعدې سرغړونه کړې وه.

سهيب اشرف، د خیبر پښتونخوا د پولیسو سپرنټنډنټ، پاکستان فارورد ته وويل، د ملي امنيتي ځواکونو او د خېبرپښتونخوا د پولیسو په مشترکه فشار په نتیجه کې، په خېبرپښتونخوا کې د ترهګريز پېښو شمېره د ۲۰۱۴ کال په پرتله په ۲۰۱۵ کې ٪۵۶ راټيټه شوه." "دغه شمېره په ۲۰۱۶ کې ٪۵۹ کمه شوه."

دراني د خېبرپښتونخوا د پولیسو ستاينه ځکه وکړه چې هغه دوی ته څه امر کړی هغوی پای ته رسولی وو.

هغه وويل: "زه فکر کوم چې د صوبې پوليس تر ټولو زړور پوليس دي." "که څه هم دوی د ترهګرو په نښه وو، خو دوی هميشه ستره زړورتيا وښودله."

دراني وويل، چې د پوليسو د زړورتيا نه علاوه، دغه ستراتیژۍ د یو شمېر وجوهاتو له کبله کار وکړو. "موږ د پوليسو ظرفيت لوړ کړو او له دې سره سره مو د نوي قوانينو جوړولو له لارې د وسله والو مخه ونيوله."

هغه وويل، د دې نه علاوه، په پولیسو باندې د عام خلکو باور ته وده ورکړی شوه، خلکو ته د سينير افسرانو سره په مستقيمه توګه د ميلاويدو اجازه ورکړی شوه او کرپټ افسرانو ته سزا ورکړی شوه.

د دراني او د هغه د ستراتیژۍ ستاینه

د خیبر پښتونخوا چارواکو د مارچ په ۱۶مه په پېښور کې په ملک سعد پوليس لاين کې د هغه په ویاړ کې په يوه غونډه کې د هغه ستاينه وکړه.

د خېبرپښتونخوا وزير اعلی پروېز خټک په دغه غونډه کې وويل، د دراني په مشرۍ کې، "پوليسو نه يوازې په سوله بحالولو کې مرسته وکړه بلکې د عامو خلکو باور يې هم ترلاسه کړو."

د خېبرپښتونخوا ګورنر اقبال ظفر جهګړا په دغه غونډه کې وويل، "د اصلاحاتو کريډت [دراني] او د خيبر پښتونخوا وزير اعلی خټک، چې ځواک ته يې واک ورکړو، ورکولی شي."

دراني چې په لومړيو کې کوم ځواک لرلو د هغې په پرتله هغه ډیر مظبوط ځواک په ميراث کې پريښودو.

مبارک زيب، د ترهګرۍ سره د مبارزې ادارۍ ډپټي آی جي پي، پاکستان فارورډ ته وويل: "د درې کالو په ترڅ کې، په خيبر پښتونخوا کې د پوليسو يو شمير ځانګړي ځواکونه جوړ کړی شول." هغه سپيشل کومبيټ يونټ، ريپيډ ريسپانس فورس، ويمن کمانډوز او نورو ځواکونو ته اشاره وکړه.

هغه زياته کړه، د خېبرپښتونخوا پوليس د پخوا په پرتله زيات ښه روزل شوي دي او اوس زيات توان لري.

اشرف وويل، د دراني په نورو کاميابو کې د خاص مهارتونو لکه چاودېدونکي توکې سمبالول، شپږ سکولونه جوړول، د جرمونو او د اورپکۍ په اړه استخباراتي معلومات راټولولو لپاره د عامه معلوماتو نيټ ورک جوړول، په پوليسو کې کرپشن ختمول، او د پوليسو او سول ترمنځ پارټنرشپ لکه د شخړو د حل شوراګانې او د موډل رپورټنګ رومز ( داسې دوستانه ځایونه دي چې عام خلک په کې پوليسو ته خپل شکايتونه وړاندې کوي) جوړول شامل دي.

عام خلک هم د دراني د کاميابو ستاينه کوي.

"ځواک د سياست د منګولو نه ازاد کړی شوی دی." د پېښور يونيورسټۍ يو طالب علم رضا علي د تروریزم ضد ستراتیژۍ په اړه پاکستان فارورډ ته وويل، "د دغه ستراتيژۍ له کبله، د هغه ۶،۰۰۰ افسرانو خلاف ګامونه پورته کړی شول کوم چې په کرپشن کې ښکيل ول."

هغه زياته کړه، چې په خیبر پښتونخوا کې په ترهګرۍ کې د ډېر کموالي نه علاوه، پوليسو د ملکي وګړو سره رويه ډيره ښه کړي ده.