پاکستان ایرانی سیلاب زدگان کی مدد کر رہا ہے جبکہ تہران بیرونِ ملک دہشت گردی کی سرمایہ کاری کو جاری رکھے ہوئے

اسلام آباد -- پاکستان نے سیلاب زدہ ایران کی مدد کرنے کے لیے انسانی ہمدردی کی بنیاد پر امداد بھیجی ہے، جس نے ایرانی حکومت کے اس فیصلے کے منفی نتائج آشکار ہوئے ہیں کہ وہ اپنے ہی ملک کے بنیادی ڈھانچے میں سرمایہ کاری کرنے کی بجائے علاقے میں عسکریت پسندی کو امداد دینا جاری رکھے گا۔

پاکستان کے دفترِ حارجہ نے بدھ (10 اپریل) کو کہا کہ آفات کے انتظامات کی ملکی اتھارٹی (این ڈی ایم اے) نے وزیراعظم عمران خان کی ہدایت پر انسانی ہمدردی کی بنیاد پر 23 ٹن سے زیادہ امداد ایران بھیجی ہے۔

بیان کے مطابق، یہ کھیپ جو کہ دو حصوں پر مشتمل ہے میں 500 ٹینٹ، 3,300 کمبل اور ہنگامی طبی امدد کی کٹس شامل ہیں۔

پہلی شپمنٹ بدھ کی صبح اہواز، ایران کو روانہ کر دی گئی۔

خان نے اتوار (7 اپریل) کو ایران کے شہریوں کے ساتھ اظہارِ ہمدردی کیا اور کہا کہ ان کی حکومت انسانی ہمدردی کی بنیاد پر ہر قسم کی امداد فراہم کرنے کو تیار ہے۔

ڈان نے خبر دی ہے کہ پاکستان کے وزیرِ خارجہ شاہ محمود قریشی نے اپنے ایرانی ہم منصب جاوید ظریف کو پیغام دیا کہ پاکستان دو جہاز بھر کر امدادی سامان بھیجے گا۔

ایران کی ہنگامی حالات کی تیاری

سیلاب اور طوفانی بارشیں جنہوں نے حالیہ ہفتوں میں ایران کے بڑے حصے کو نشانہ بنایا، نے بڑے پیمانے پر تباہی مچائی ہے اور کافی جانی نقصان ہوا ہے۔ ایران کے 31 میں سے 11 صوبوں میں سیلاب سے متعلقہ اموات کی اطلاع ملی ہے اور مارچ سے شروع ہونے والے طوفان کے نتیجہ میں تقریبا 62 افراد ہلاک ہو چکے ہیں۔

اس سیلاب سے ایران کی حکومت کی کمزوریاں بھی آشکار ہو گئی ہیں اور جیسا کہ بہت سے مشاہدین کا کہنا ہے کہ حکومت نے بنیادی ڈھانچے کی تعمیر اور قدرتی آفات کی تیاری کی بجائے، اپنے بیرونی سیاسی ایجنڈا پر توجہ مرکوز کر رکھی ہے۔

مصر میں علاقائی اور اسٹریجک اسٹڈیز کے الشارق سینٹر کے ایک محقق فتح السید نے کہا کہ ایرانی حکام نے "قومی خزانے کو سپاہ پاسداران انقلاب اسلامی (آئی آر جی ایس) کے بیرونِ ملک منصوبوں کو سرمایہ فراہم کرنے سے ایسا کیا ہے"۔

انہوں نے کہا کہ ایرانی حکومت نے "ایسے ہنگامی حالات کا مقابلہ کرنے کے لیے درکار ضروری منصوبوں کو تیار کرنے کی بجائے" اپنے مسلح ملحقہ اداروں کو سرمایہ فراہم کرنے کا انتخاب کیا ہے"۔

پیر کو، امریکہ نے آئی آر جی سی کی طرف سے دنیا بھر میں کئی دہائیوں سے ضرر رساں کاموں کو جاری رکھے جانے کے بعد، اسے دہشت گرد تنظیم قرار دیا۔

آئی آر جی ایس کا گزشتہ کئی دیہائیوں سے تعلق مشرقِ وسطی اور اس سے آگے ہونے والے بہت سے دہشت گردانہ واقعات سے جوڑا گیا ہے، اس نے علاقے بھر میں دہشت گردانہ سرگرمیوں کی حمایت کی ہے اور ملک کے اندر اس نے بھرپور سیاسی اور معاشی اثر و رسوخ حاصل کیا ہے اور کچھ تخمینوں کے مطابق وہ ایران کی تقریبا آدھی معیشت کو کنٹرول کرتے ہیں۔

مصر کے ابنِ ال ولید اسٹڈیز اینڈ فیلڈ ریسرچ سینٹر کے نیو میڈیا ڈپارٹمنٹ کے ڈائریکٹر میزن ذکی نے کہا کہ "جب سے سیلاب کے نتائج کا پتہ چلا ہے، ایران میں عوام کا غصہ بڑھتا جا رہا ہے"۔

انہوں نے اس بات کا ذکر کرتے ہوئے کہ ایرانی شہری پہلے ہی معیشت کے تباہ ہو جانے اور بڑے پیمانے پر پھیلی ہوئی بے روزگاری کے نتائج بھگت رہے ہیں کہا کہ سوشل میڈیا ایسے تبصروں اور تصاویر سے بھر گیا جو عوام کے غصے کی وسعت کو ظاہر کرتے ہیں۔

ذکی نے کہا کہ تبصرے "بے گھر ہو جانے والے شہریوں کے لیے اصل امداد کی موجودگی، متاثرہ علاقوں میں حکومتی اداروں کی غیر موجودگی اور اتنے بڑے پیمانے پر تباہی کے باجود حکومتی اداروں کا ان کی مدد کرنے میں ناکام ہو جانا" ظاہر کرتے ہیں۔

الزام دوسروں پر لگانے کی کوشش

جیسے جیسے تباہی کی وسعت واضح ہوتی جا رہی ہے، وزیرِ خارجہ ظریف نے ذمہ داری سے بچنے کی کوشش کی اور سوشل میڈیا کی ایک پوسٹ میں امریکی پابندیوں کو امدادی ہیلی کاپٹروں کی غیر موجودگی کا ذمہ دار قرار دیا۔

مگر امریکہ کے سیکٹری آف اسٹیٹ مائیک پومپیو نے اس الزام کو لینے سے انگار کیا اور واضح کیا کہ یہ پابندیاں تباہی کی حقیقی امداد میں کسی قسم کی رکاوٹ نہیں ہو سکتی ہیں۔

پومپیو نے ایک بیان میں کہا کہ "سیلاب نے ایک بار پھر شہری منصوبہ بندی اور آفات کی تیاری کے سلسلے میں ایرانی حکومت کی بد انتظامی کی سطح کو ظاہر کر دیا ہے"۔

پومپیو نے کہا کہ "حکومت بیرونی اداروں کو ذمہ دار قرار دیتی ہے جبکہ درحقیقت یہ ان کی بدانتظامی ہے جس کا نتیجہ اس تباہی کی صورت میں نکلا ہے"۔

انہوں نے کہا کہ "امریکہ ہلالِ احمر اور ریڈ کراس کی بین الاقوامی تنظیموں کی مدد کرنے اور سرمایہ فراہم کرنے کے لیے تیار ہے جو کہ پھر امداد کے لیے ایران کی ہلالِ احمر کو دیا جائے گا"۔