http://pakistan.asia-news.com/ps/articles/cnmi_pf/newsbriefs/2019/06/27/newsbrief-01

ملګري ملتونه د پاکستاني ژورناليسټ د وژلو په کيس کې د انصاف غوښتنه کوي

ای ايف پي

اسلام آباد -- د ملګرو ملتونو یو لوړ پوړي چارواکي د چهارشنبې په ورځ (د جون په ۲۶ مه) د يو آزاد پاکستاني ژورناليسټ په کيس کې د انصاف غوښتنه وکړه چې د دې میاشتې په پیل کې وژل شوی وو، په داسې حال کې چې فعالینو خبرداری ورکړو چې د وینا ازادۍ ته ګواښونه شتون لري.

محمد بلال خان،چې ۲۲ کاله عمر يې لرلو، د ټولنیزو رسنیو فعال او بلاګر وو او په ټویټر، فېسبوک او یوټیوب يې په لسګونو زره ملګري لرل، په اسلام آباد کې د جون په ۱۶ مه ووژل شو.

بلال په پراخه کچه په نتقيد کې بوخت وو او اکثر به يې د ټولنې په مختلفو برخو تنقيد کولو.

ځايي پوليسو وويل، د هغه د مرګ په ورځ، هغه د يو نامعلوم کس نه کال ترلاسه کړو، چې هغه يې نژدې ځنګل ته بوتلو او هغه يې ووژلو.

د يونسکو مشر آدري ازولي په يو بيان کې وويل، "زه د محمد بلال خان وژل غندم." هغه له چارواکو، چې د دې جرم پلټنه کوي، څخه وغوښتل چې د دې جرم مرتکبين محاکمه کړي."

آیا دا لیکنه ستاسو خوښه شوه؟
0
نه
تبصرې 1
د تبصرو تګلاره
Captcha
| 07-27-2019

تاسو په پاليسۍ باندې هم تبصرې وکړئ، مهرباني.

ځواب