کويټه -- ډان خبري اژانس راپور ورکړو چې د پاکستان امنیتي ځواکونو د چهارشنبې په ورځ (د دسمبر په ۲۰ مه) د بلوچستان صوبې په ګورنر محمد خان اچکزۍ باندې د تروريستي بريد هڅه ناکامه کړه.
د بلوچستان د کورنیو چارو وزیر میر سرفراز بګټي په کويټه کې په يو پريس کانفرنس کې وويل، چارواکو دوه شکمن کسان نیولي دي چې د حامد بشیر او منور په نامه پیژندل شوي دي.
هغوی ځان وژونکي جاکټونه، ۱۶ راکټونه، ۸۰ مځکي ماینونه او نورې وسلې د هغوی نه ترلاسه کړې.
هغه وويل، شکمنو کسانو په قلعه عبدالله ډسټرکټ کې د اچکزۍ د وژلو پلان لرلو.
د بګټي له مخې، دوی د لشکر جهنګوي سره تړاو لرلو.