2017-10-10

په کویټه کې په يو بريد کې ۵ کسان ووژل شول چې هدف يې د هزارې شيعه ګان ول

پاکستان فارورډ

کویټه -- پوليسو وويل، په موټر سایکل سپاره دوو وسله والو د دوشنبې په ورځ (د اکتوبر په ۹ مه) د شیعه سبزي پلورونکو په ګاډي هغه وخت بريد وکړو کله چې دا د کویټې نه راوتلو. په دې برید کې پنځه کسان ووژل شول.

د کویټې د پوليسو ډپټي انسپکټر جنرال عبدالرزاق چیما ای ايف پي ته وویل: "سیمه ایز پولیس د شیعه سبزي پلورونکو سره هره ورځ ځي... خو نن یو ګاډی وروسته له هغې د سنايپر د ډزو ښکار شو کله چې د پوليسو نه جدا شو."

هغه وويل، وسله والو د هزارې شيعه اقليتي ټولنې درې غړي او همداراز د ګاډې ډريور او يو لاروي ووژلو.

یو سبزي پلورونکي د يو شمير ډزو له کبله ټپي شو خو ژوندی پاتې شو.

ايکسپريس ټريبيون راپور ورکړو چې د بلوچستان وزير اعلی نواب ثناء الله زهري د فرقه ييز بريد غندنه وکړه او د پوليسو صوبايي مشر ته يې وويل چې د دې پېښې په اړه يو راپور وړاندې کړي.

د کورنیو چارو وزیر میر سرفراز بګټي د قربانیانو او د هغوی د کورنیو سره د خفګان څرګندونه وکړه.

هغه وويل، "زه غواړم چې تاسو ته ډاډ درکړم چې ولايتي حکومت به تر هغه وخته پورې د ترهګرو په وړاندې مبارزه وکړي تر څو چې مونږ خپله سوله ایزه خاوره د دوی نه نه وي پاکه کړي."

هېڅ يوې ډلې د دې بريد ادعا نه ده کړي، خو طالبانو په تیرو وختونو کې شیعه هزاره ګان په نښه کړي دي.

آیا دا لیکنه ستاسو خوښه شوه؟

Pf icons no 0

تبصره

* ضروري برخې ښيي
Captcha

د رایو شمېر

د پاکستان او افغانستان د پولې په اوږدو کې باړ لګول به په راتلونکي کې د وسله والو د تګ راتګ په کنټرولولو کې څومره اغیزمن وي؟

نتایج وګورئ