راولپنډۍ -- ډان اخبار راپور ورکړو چې چارواکو په پاکستان کې د سه شنبې په ورځ (د اپريل په ۲۵مه) د تحريک طالبان پاکستان څلور "سخت دريځه" ترهګرو ته پهانسي ورکړه. د پهانسۍ د ځای يا ځايونو په باره کې راپور نه دی ورکړی شوی.
د پوځ د عامه اړيکو دفتر وويل، چې ترهګرو د قانون د پلي کولو پرسونل او ملکي کسانو د وژلو اعتراف وکړو. د پوځ د عامه اړيکو دفتر زياته کړه چې دوی ټولو ته په پوځي عدالتونو کې سزا ورکړی شوه.