راولپنډۍ - رسنيو راپور ورکړ چې پولیسو په پنجاب کې د داعش څلور ګمارونکي ونيول او په کراچۍ کې یې په سورنګ کې دننه پټه شوې د وسلو لويه زېرمه ترلاسه کړه.
سما خبرې اژانس راپور ورکړ چې د ترهګرۍ سره د مبارزې ریاست (CTD) پوليسو د سپتمبر په شلمه نيټه د پنجاب ولايت اټک او ټيکسلا سيمو کې په جلا جلا چاپو کې د داعش ګمارونکي ونيول.
د ترهګرۍ سره د مبارزې ریاست (CTD) وويل، نيول شوي شکمن کسان په افغانستان کې د داعش سيمه ييز مشر سره وکتل. CTD زياته کړه چې چاودېدونکي توکي او مواد، د خونديتوب فیوزونه، کیبلونه او نور مواد هم له هغوی څخه ترلاسه کړی شول.
جيو خبرې اژانس راپور ورکړ چې رينجر وايي، رينجرو د سپتمبر په ۱۹مه د کراچۍ قصبه کالونۍ سيمه کې په يوه سورنګ کې دننه پټه شوې د وسلو لويه زېرمه ترلاسه کړه.
جيو خبرې اژانس د سپتمبر په ۲۰ مه راپور ورکړ چې د تاوتريخوالي په یوه جلا پېښه کې نامالومه وسله والو په کراچۍ کې پرجمشید سړک د CTD يو چارواکی په ډزو ووژلو.