http://pakistan.asia-news.com/ps/articles/cnmi_pf/features/2019/08/23/feature-01
| چاپیریال

په انځورونو کې: د باجوړ اوسیدونکي د "پاکستان لپاره ونې نالې کړئ" له لارې د اقلیم د بدلون سره مبارزه کوي

د حنيف الله لخوا


د باجوړ د ځنګلاتو افسر محمد الیاس د اګست په ۱۸مه 'د پاکستان لپاره ونې نالې کړئ' په کمپاين کې يوه ونه نالوي. [حنیف الله]

د باجوړ د ځنګلاتو افسر محمد الیاس د اګست په ۱۸مه 'د پاکستان لپاره ونې نالې کړئ' په کمپاين کې يوه ونه نالوي. [حنیف الله]


د سکول ماشومان د اګست په ۱۸مه 'د پاکستان لپاره ونې نالې کړئ' په کمپاين کې يوه ونه نالوي. [حنیف الله]

د سکول ماشومان د اګست په ۱۸مه 'د پاکستان لپاره ونې نالې کړئ' په کمپاين کې يوه ونه نالوي. [حنیف الله]


په باجوړ ضلع کې یو زده کونکی د اګست په ۱۸مه یوه ونه نالوي. [حنیف الله]

په باجوړ ضلع کې یو زده کونکی د اګست په ۱۸مه یوه ونه نالوي. [حنیف الله]


د باجوړ ډپټي کميشنر عثمان محسود د اګست په ۱۸مه يوې نوي نالې شوي ونې ته اوبه ورکوي. [حنیف الله]

د باجوړ ډپټي کميشنر عثمان محسود د اګست په ۱۸مه يوې نوي نالې شوي ونې ته اوبه ورکوي. [حنیف الله]


د باجوړ اوسیدونکي د اګست په ۱۸مه ونې نالوي. [حنیف الله]

د باجوړ اوسیدونکي د اګست په ۱۸مه ونې نالوي. [حنیف الله]


په باجوړ ضلعه کې د یو پرايويټ سکول زده کونکي او ښوونکي د اګست په ۱۸مه یوه ونه نالوي. [حنیف الله]

په باجوړ ضلعه کې د یو پرايويټ سکول زده کونکي او ښوونکي د اګست په ۱۸مه یوه ونه نالوي. [حنیف الله]

خار -- د باجوړ اوسیدونکو د چهار شنبې په ورځ (د اګست په ۱۸مه) د هیواد له مختلفو وګړو سره يو ځای شول او د "پاکستان لپاره ونې نالې کړئ" په کمپاين کې یې برخه واخیستله. د دې کمپاین موخه د اقليم د بدلون له اغیزو سره مبارزه کول دي.

د باجوړ ډپټی کميشنر عثمان محسود د اګست په ۱۸مه په مراسمو کې، چې د دغه کمپاين پرانيسته په کې وکړې شوه، وويل، زياتې ونې نالول د اقلیم د بدلون د اغیزو د مخنیوي لپاره یوازینۍ لار ده.

هغه وويل، "د ونو د نالولو سره، موږ کولی شو چې خپله ضلعه او هیواد زرغون او خوندي کړو." "موږ به د اوبو له کمي سره مخ نه شو او په راتلونکي کې به ښه ژوند ولرو که چیرې موږ ډیرې ونې نالې کړو."


د باجوړ ډپټي کميشنر عثمان محسود، نور چارواکي، قبايلي مشران، او ځایي خلک د اګست په ۱۸مه 'د پاکستان لپاره ونې نالې کړئ' په اړه د پوهاوي رامنځته کولو لپاره پياده تګ کوي. [حنیف الله]

د باجوړ ډپټي کميشنر عثمان محسود، نور چارواکي، قبايلي مشران، او ځایي خلک د اګست په ۱۸مه 'د پاکستان لپاره ونې نالې کړئ' په اړه د پوهاوي رامنځته کولو لپاره پياده تګ کوي. [حنیف الله]

د پاکستان په باجوړ ضلعه کې د ځنګلاتو ادارې ډويژنل افسر حیات علي وویل، "پاکستان د نړۍ په هغه لسو لومړیو هیوادونو کې دی چې د اقليم د بدلون له امله اغیزمن شوی دی."

هغه زیاته کړه چې د خیبر پښتونخواه د ځنګلاتو اداره به په دې کمپاین کې ۱۵۰،۰۰۰ ونې وويشي او نالې کړي.

د باجوړ یو دیني عالم مفتي نور الحق وویل، اسلام مسلمانان د ډیرو ونو نالولو په هکله هڅوي او د ونې نالول د خیرات یو شکل دی.

د سیمې اوسیدونکي او چارواکي وايي، د چاپیریال دا ډول فعالیتونه یوازې هغه وخت ممکنه شول کله چې اورپکۍ ته ماتې ورکړل شوه او په قبایلي سیمو کې سوله بحال شوه.

آیا دا لیکنه ستاسو خوښه شوه؟
0
نه
تبصرې 0
د تبصرو تګلاره
Captcha