http://pakistan.asia-news.com/ps/articles/cnmi_pf/features/2019/07/22/feature-02
| تروريزم

ښځینه ځانمرګي برید کونکي په ډيره اسماعیل خان کې په يو هسپتال باندې برید وکړو

ای ايف پي

د پاکستان د ژغورنې کارکوونکي د جولای په ۲۱ مه په ډیره اسماعيل خان کې په ځان وژونکي بريد کې بچ پاتې شوي کسان وړي. [عادل مغل/ای ايف پي]

چارواکو وويل، يوې ښځينه ځانمرګي بريد کوونکي د يکشنبې په ورځ (د جولای په ۲۱ مه) د پاکستان په شمال لویدیځ کې په يو بريد کې، چې طالبانو يې ادعا کړې ده، د دوو پوليسو په ګډون شپږ کسان ووژل.

دا چاودنه د ډيره اسماعیل خان په شاوخوا کې په کوټلان سیدان کلي کې د يو هسپتال په دروازه کې رامنځته شوه.

د ضلعې د پوليسو مشر سلیم ریاض ای ايف پي ته وويل، ځانمرګي برید کوونکي دا بريد هغه وخت ترسره کړو کله چې پولیسو د خپلو دوو همکارانو -- چې د يکشنبې په ورځ (د جولای په ۲۰ مه) د وسله والو لخوا په ډزو وويشتل شوي ول -- د لاشونو په وړلو کې مرسته کوله.

د پاکستان امنیتي کارکوونکي د جولای په ۲۱ مه په ډیره اسماعيل خان کې په يو هسپتال کې د ځان وژونکي برید د ځای معاينه کوي. [عادل مغل/ای ايف پي]

د خیبر پښتونخواه د پولیسو انسپکټر جنرل محمد نعیم خان په پیښور کې د جولای په ۲۱ مه د هغه پولیس افسر تابوت وړي کوم چې په دغه ورځ په ډیره اسماعیل خان کې په يوې چاودنه کې وژل شوی وو. [شهباز بټ]

بريد کونکي د هسپتال پورې راغله

هغه وويل، "ښځينه بريد کونکي، چې تقريباََ ۲۸ کاله عمر يې لرلو، پيدل راغله او ځان ته یې چاودنه ورکړه، چې دوه پوليس او څلور ملکيان یې ووژل او ۱۳ نور یې ټپیان کړل."

په ژوبل شوي کسانو کې اته پولیس او پنځه ملکيان شامل ول.

هغه وويل، د ځايي پوليسو يو بل چارواکي ملک حبيب د دې بريد او د ټپيانو د شمېر تاييد وکړو. افسرانو وروسته د بريد کونکي پرې شوی سر وموندلو.

د تحریک طالبان پاکستان ویاند محمد خراساني ځايي رسنیو ته په لیږل شوي بیان کې د دې بريد مسؤولیت په غاړه واخيستو.

آیا دا لیکنه ستاسو خوښه شوه؟
1
نه
تبصرې 0
د تبصرو تګلاره
Captcha