په انځورونو کې: ګڼ شمير سيلانيان د کيهوړا د مالګي ماين څخه ليدنه کوي

جهلم، پنجاب -- ګڼ شمير ځايي او بهرني سيلانيان د پنجاب صوبې په جهلم ضلعه کې د بې ساري کيهوړا د مالګې ماین څخه لیدنه کوي.

د پاکستان د معدنياتو پراختیایي ادارې (پي ايم ډي سي) له مخې، دا ماين د ګلابي همالاين مالګې د پيدا کولو لپاره مشهور دی او هر کال نږدې ۲۷۰،۰۰۰ سيلانيان د دې څخه ليدنه کوي.

دا پخواني ماينونه په ۱۹۴۷ کال کې د پاکستان تر کنټرول لاندې راغلل، او پي ايم ډي سي په ۱۹۷۴ کې جوړه شوه.

د پي ايم ډي سي په وینا، دا ماين سپینه، ګلابي او سره مالګه پيدا کوي چې ٪۹۸ پاکوالی لري. دې په ۲۰۱۸ کال کې ۳۸۹۱۳۴ ټنه مالګه پيدا کړې وه.

دا ماین د بجلې يو ريل لري چې سيلانيان اوچتوي او په چاندني چوک (مون سکوير) کې يې کوزوي. دننه، سیلانیان د بادشاهي جومات او منار پاکستان د مالګې نه جوړ شوي نقلونه او نور ځایونه ليدلې شي.

په پاکستان کې د سولې راتلو سره، سیلانیان د ترهګرۍ له ويرې پرته د زياتو ځایونو څخه ليدنه کوي.

محمد قيوم خان، چې د مالګې په ماين کې د رېل چلوونکی دی، وويل، هغه هلته کې له ۱۹۷۹ کال راهيسې کار کوي.

هغه وویل، "د ټول هیواد او بهر نه لیدونکي هره ورځ د دې ماينونو د لیدلو لپاره راځي." "په دې ورځو کې د سيلانيانو شمير زیات شوی دی."

يو ليدونکي، ۱۵ کلن، قاسم وويل، "موږ د فيصل آباد نه راغلي يو، او کيهوړا ته دا زموږ لومړی سفر دی."

هغه وويل، "د منار پاکستان ماډل او د ماين يخوالې زمونږ په حقيقت کې خوښ شول. له ليدلو وروسته، موږ د ماين نه بهر په اوښ باندې سفر وکړو او ډېر خوند مو ترې واخيستو."