http://pakistan.asia-news.com/ps/articles/cnmi_pf/features/2019/06/21/feature-02
| امنیت

په لاس جوړه رسامي د سټیلایټ انځورونو په وړاندې: د امریکا پوځ د ویشتل شوې بې پیلوټه الوتکې د الوت لاره وښودله

سلام ټایمز او ای اېف پي


دا رسامي د متحده ایالاتو د اردو له خوا د غبرګولي د ۳۰ مې په یوه ټویټ کې شامل کړای شوې وه چې د هغې بې پیلوټه الوتکې د الوتنې دقیقه لاره او موقعیت ښیي چې د ایران د یوه میزایل برید په ترڅ کې راچپه کړای شوه. [آرشیف]

دا رسامي د متحده ایالاتو د اردو له خوا د غبرګولي د ۳۰ مې په یوه ټویټ کې شامل کړای شوې وه چې د هغې بې پیلوټه الوتکې د الوتنې دقیقه لاره او موقعیت ښیي چې د ایران د یوه میزایل برید په ترڅ کې راچپه کړای شوه. [آرشیف]

واشنګټن -- د متحده ایالاتو اردو د پنجشنبې په ورځ /د غبرګولي ۳۰ مه/ داسې یو ګرافیک خپور کړ چې د سټیلایټ ټکنالوجۍ څخه په کې استفاده شوې څو د متحده ایالاتو د بې پیلوټه الوتکې د الوت لاره او د هغه وخت موقعیت وښیي چې یوه ایراني توغندي وویشته، په داسې حال کې چې ایرانیانو هڅه کړې چې د بل ډول ثابتولو لپاره یوه په لاس جوړه رسامي وکاروي.

د متحده ایالاتو مرکزي قوماندانۍ (سېنټکام) په یوه اعلامیه کې چې نوی ګرافیک په کې شامل کړای شوی دی، وویل، «دا د متحده ایالاتو په یوه اکتشافي وسیله چې د ایران له هوایي حریم څخه یې هېڅ سرغړونه نه وه کړې یو بې دلیله برید وو.»

په سیمه کې د امریکا د هوایي ځواکونو قوماندان تورن جنرال جوزېف ګواستیلا وویل، بې پیلوټه الوتکه د ایران له تر ټولو نژدې ساحې څخه ۳۴ کیلومتره (۲۱ میله) لیرې وه چې د پنجشنبې په ورځ د یوه ایراني له ځمکې څخه هوا ته توغېدونکي توغندي په وسیله د هورموز تنګي دپاسه وویشتل شوه.


د ایران د بهرنیو چارو وزیر محمد جواد ظریف دا په لاس جوړه رسامي خپل د غبرګولي د ۳۰ مې ټویټ کې د ایران له هوایي حریم څخه د بې پیلوټه الوتکې د سرغړونې د «شواهدو» د یوې برخې په توګه شامله کړې وه. [آرشیف]

د ایران د بهرنیو چارو وزیر محمد جواد ظریف دا په لاس جوړه رسامي خپل د غبرګولي د ۳۰ مې ټویټ کې د ایران له هوایي حریم څخه د بې پیلوټه الوتکې د سرغړونې د «شواهدو» د یوې برخې په توګه شامله کړې وه. [آرشیف]

ګواستیلا وویل، «د ایران دا راپورونه چې دا الوتکه د ایران په سر ویشتل شوې ده کاملاً غلط دي.»

له دې سره په توپیر، د ایران د بهرنیو چارو وزیر محمد جواد ظریف د پنجشنبې په ورځ ادعا وکړه چې بې پیلوټه الوتکې له ویشتل کېدلو څخه مخکې «د ایران له فضایي حدودو څخه سرغړونه کړې وه».‌

بې پیلوټه الوتکه «په ۴:۰۵ بجو په (25°59'43"N 57°02'25"E) کوارډینیټونو له کوه مبارک سره نژدې په نښه کړای شوه. کله چې امریکایي پوځي بې پیلوټه الوتکه زمونږ د قلمرو په اوبو کې را ولوېدله مونږ یې یو څه برخې ترلاسه کړې.»

ظریف د خپلې ادعا د ثبوت لپاره یوه رسامي چې ادعا کوي د بې پیلوټه الوتکې د الوت د مسیر ده شامله کړې ده.‌

د هورموز تنګي دپاسه د الوتنو ځنډول

د برېټېش ایرویز،‌ کانتاس او کی اېل اېم په شمول هوایي کرښو د جمعې په ورځ /د غبرګولي ۳۱ مه/ وویل چې هغوی د متحده ایالاتو د مقاماتو له خوا د بندیز په اساس د هورموز تنګي په سر الوتنې ځنډوي.

دغه ځنډول وروسته له هغه پېښېږي چې د متحده ایالاتو فدرالي هوایي ادارې (اېف ای ای) هوایي کرښو ته یو یادښت (NOTAM) ورکړ او په کې یې «په متحده ایالاتو کې ثبت شوې الوتکې د فارس خلیج او عمان خلیج په سر له الوتنو څخه منع کړې.»

د اېف ای ای په یوه اعلامیه کې راغلي چې دغه نوټام «د پوځي فعالیتونو د سختېدلو او د سیاسي ترینګلتیاوو د زیاتېدلو چې ښایي تجارتي الوتنې له خطر سره مخامخ کړي» په غبرګون کې ورکوي.‌

په ټانکرونو بریدونه

بې پیلوټه الوتکه وروسته له هغه را وغورځول شوه چې امریکایي پوځ د دوشنبې په ورځ /د غبرګولي ۲۷مه/ داسې نوي عکسونه خپاره کړل چې وایي د ایران رژیم د تېرې اونۍ په یوه برید کې ښکېل دی چې له هورموز تنګي سره نژدې په ټانکر بېړیو باندې وشول.

د جاپان کوکوکا کریجیوس د غبرګولي په ۲۳مه د عمان خلیج له لارې په لوړه کچه اور اخیستونکي میتانول لېږدول چې له نارویژي فرنټ الټایر سره یوځای پرې برید وشو. دا په یوه میاشت کې دننه د کشتۍ چلونې په ستراتیژیک مسیر کې دویم برید وو چې وشو.

ویډیو ښیي چې د ایران یوه د ګزمې کشتۍد بېړیو له جملې له یوې څخه «ناچاوده صدفي ماین» لیرې کوي.‌

آیا دا لیکنه ستاسو خوښه شوه؟
30
نه
تبصرې 4
د تبصرو تګلاره
Captcha
| 06-30-2019

که چيرې د امريکې ډرون د ايران په سيمه کې نه وې راغلی، نو د کوم ځای نه د دې ملبه راغله؟ او که چيرې ايران د حدودو څخه تير شوې وي، نو ولې آمريکه ويره لري چې عملي قدم پورته کړي؟ داسې ښکاري چې ډالرو تاسو ړانده کړي یئ.

ځواب
| 06-29-2019

دا دروغ دي

ځواب
| 06-28-2019

که چيرې دا د ايران په سيمه کې نه وې راغلی، نو د کوم ځای نه د آمريکې د ډرون ملبه راغله؟ او که چيرې ايران د حدودو څخه تير شوې وي، نو ولې آمريکه په عملي توګه قدم نه پورته کوي؟ داسې ښکاري چې تاسو د ډالرو ړانده کړي یئ.

ځواب
| 06-26-2019

د امت مسلمه په وړاندې د پروپيګنډې خبري اژانس

ځواب