|

مظاهرې

د تحريک لبيک پاکستان په وړاندې د مبارزې له کبله ګڼ شمير غړو دغه غورځنګ پريښودو

د تحريک لبيک پاکستان مشران د سپريم کورټ لخوا د يوې عيسايڼې، چې په توهين رسالت کې تورن وه، د خوشي کولو وروسته په احتجاجونو کې د بغاوت او ترهګرۍ او د تاوتریخوالي رامنځته کولو له کبله تورن دي.

د عبدل ناصر خان لخوا


د تحریک لبيک پاکستان (ټي ايل پي)، چې يوه سخت دريځه مذهبي پارټي ده، ملاتړو د نومبر په ۲ مه په کراچۍ کې وروسته له هغې راټول شول او سړک يې بلاک کړو کله چې سپريم کورټ د يوې عیسايڼې میرمن آسیه بي بي، چې په توهين رسالت کې تورن وه، د خوشې کيدو پريکړه وکړه. [آصف حسن / ای ايف پي]

د تحریک لبيک پاکستان (ټي ايل پي)، چې يوه سخت دريځه مذهبي پارټي ده، ملاتړو د نومبر په ۲ مه په کراچۍ کې وروسته له هغې راټول شول او سړک يې بلاک کړو کله چې سپريم کورټ د يوې عیسايڼې میرمن آسیه بي بي، چې په توهين رسالت کې تورن وه، د خوشې کيدو پريکړه وکړه. [آصف حسن / ای ايف پي]

لاهور -- پاکستاني چارواکو په دې هفته کې د تحریک لبيک پاکستان (ټي ايل پي) په غړو باندې د ‌بغاوت او ترهګرۍ تورونه ولګول. تحريک لبيک پاکستان يوه سخت دریځه مذهبي سياسي پارټي ده چې د توهين رسالت د مسلو په اړه د تاوتريخوالي له کلبه مشهوره ده.

فواد چوهدري، چې د اطلاعاتو او نشرياتو وزير دی، د يکشنبې په ورځ (د دسمبر په لومړۍ نيټه) په اسلام آباد کې وويل، چارواکو په تخريبي فعاليتونو کې د ښکيلتيا او د تاوتريخوالي لپاره د خلکو د راپارولو له کبله د خادم حسین رضوي او د تحريک لبيک پاکستان نورو مشرانو په وړاندې رپوټونه درج کړي دي.

رضوي او د هغه پارټۍ وروسته له هغې احتجاجونه وکړل کله چې سپريم کورټ د اکتوبر په میاشت کې د آسیه بي بي، چې یوه عیسايڼه ميرمن ده، سزا ختمه کړه او هغه يې د توهين رسالت د تور نه بري کړه.

په لاهور کې د اکتوبر په ۳۱ مه په يو نيوز کانفرنس کې، رضوي او د ټي ايل پي يو بل مشر افضل قادري د سپريم کورټ د دريو ججانو، چې آسيه بي بي يې خوشې کړې وه، د وژلو غوښتنه وکړه او د پوځ د افسرانو څخه یې وغوښتل چې د پوځ ستر مشر قمر جاوید باجوه له خپلې څوکۍ څخه لرې کړي.

احتجاج کوونکي د احتجاجونو په ترڅ کې لوی سړکونه بند کړل، ګاډو او بسونو ته يې اور ولګولو او د هیواد زياتې برخې يې پر ځای ودرولې او د بي بي د اعدام غوښتنه يې وکړه.

د ټي ايل پي په وړاندې عمليات

رضوي د نومبر په ۲۴ مه وروسته له هغې ونيول شو کله چې پوليسو په پنجاب صوبه او په کراچۍ ښار کې د هغه سلګونو ملګرو په وړاندې مبارزه وکړه.

پولیسو وروسته د نومبر په تیره هفته کې په ټول هیواد کې د عملياتو په ترڅ کې د ټي ايل پي د ۳،۰۰۰ نه زيات غړي او د هغوی مشران ونیول.

چوهدري وويل، "قانون پلي کونکو ادارو په پنجاب کې د مختلفو ضلعو نه د ټي ايل پي ۲،۸۹۹ کارکنان، د سيند نه ۱۳۹ او په مرکزي ښار اسلام آباد کې ۱۲۶ کارکنان ونيول."

رضوي د بغاوت او ترهګرۍ په تور تورن شو، په داسې حال کې چې قادري په ګجرات کې د تاوتریخوالي په تور تورن شو. عنايت الحق شاه او حافظ فاروق الحسن په راولپنډۍ کې د ورته تورونو سره مخامخ دي.

هغه وویل، "د ټي ايل پي مشرانو د نومبر په لومړۍ هفته کې په ټول هيواد کې د احتجاجونو په ترڅ کې د قانون او آيين سرغړونه وکړه." "دوی د دولتي ملکیتونو په ویجاړولو کې ښکیل وو -- چې د ۵۰ میلیونه روپو [۳۶۰،۰۰۰ آمريکايي ډالره] زيان يې رامنځته کړو."

قذافي بټ، چې يو سينير ژورناليسټ دی او په لاهور کې د مذهبي سياسي پارټو په اړه راپور ورکوي، پاکستان فارورډ ته وويل، ټي ايل پي هغه وخت مشهوره شوه کله چې دې په فبروري ۲۰۱۶ کال کې د ممتاز قادري د وژلو په وړاندې احتجاجونه وکړل. ممتاز قادري د سلمان تاثیر قاتل دی. سلمان تاثير د پنجاب ګورنر و او د بي بي سره يې مرسته کوله.

دې ډلې تیر کال د نومبر په میاشت کې د راولپنډۍ په فيض آباد کې په آيين کې د ترميماتو په وړاندې احتجاجونه ترسره کړل. دغه ترميماتو په حلف کې هغه ځینې الفاظ بدل کړې ول چې اميدواران په کې دا حلف اخلي چې پیغمبر محمد (ص) آخرنی رسول دی. حکومت دغه ترميمات منسوخ کړل او د قانون او انصاف وزیر زاهد حامد له فشار څخه استعفی ورکړه.

د ټي ايل پي اړيکي ختمول

بټ وویل، د ټي ايل پي په وړاندې عملياتو د دې غړي مجبوره کړې چې ځان پټ وساتي، په داسې حال کې چې ځينو کسانو دا ډله پریښودې ده.

هغه وويل، "ټي ايل پي د نورو پارټو په څير يوه منظمه پارټي نه ده، دا یوازې د خلکو د مذهبي احساساتو سره لوبې کوي، او تر اوسه پورې دا د دغه خلکو په راجلب کولو کې، په ځانګړي توګه د توهين رسالت په مسله کې، بریالي شوي ده."

عاصم نصير، چې په لاهور کې يو سينير ژورناليسټ او شنونکی دی، پاکستان فارورډ ته وویل، "ټي ايل پي په خلکو کې زياته مشهوره نه ده -- له همدې کبله کله چې د دې په وړاندې عمليات پيل شول، نو د دې ملګرو نورې ډلې غوره کړې."

نصير وويل، د ټي ايل پي ګڼ شمېر کارکوونکو په ورځپاڼو کې د اشتهارونو له لارې اعلان کړې چې دوی د ټي ټي پي سره اړيکې پرې کوي.

تنوير، چې په لاهور کې يو اوسيدونکی دی، پاکستان فارورډ ته وويل، "زما دوه وروڼه د ټي ايل پي سره تړاو لرلو، خو اوس دوی دا ډله پریښې ده." "موږ پولیسو ته ډاډ ورکړی چې موږ د ټي ايل پي سره هیڅ تړاو نه لرو."

تنویر وویل، د هغه وروڼو له پکار ده چې "په مختلفو ورځپاڼو کې اشتهارات خپاره کړي او د ټي ايل پي سره د تړاو نه لرلو اعلان وکړي."

ډاکټر اشرف جلالي، چې د ټي ايل پي باني دی، په هغو کسانو کې دی چې د دې ډلې او رضوي نه جدا شوي دي. هغه خپله يوه ډله جوړه کړې ده.

جليل بيګ، چې د جلالي وياند دی، پاکستان فارورډ ته وويل، "موږ په سوله ايز او جمهوري احتجاج باور لرو، او دا زمونږ د رضوي، چې تل د تاوتريخوالي غوښتنه کوي، سره اصلي اختلاف دی."

بيګ زياته کړه، "موږ د پوځ او ججانو په وړاندې د خادم رضوي او افضل قادري بيانونه رد کړي او مونږ ويلي دي چې موږ د ټي ټي پي د مشرانو له خوا د داسې بيانونو ملاتړ نه کوو."

آیا دا لیکنه ستاسو خوښه شوه؟

Pf icons no 174

21 تبصرې

* ضروري برخې ښيي
Captcha
Comment bubble | 12-11-2018

لعنت دې وي په هغه کسانو چې د اسیې ملاتړي دي

ځواب
Comment bubble | 12-11-2018

تاسو ميډيا واله څه غيرت نه لرئ. تاسو هم د هغه کسانو په شان يئ چې د پيسو لپاره خپله مور خرڅوي. تاسو به وګورئ چې د خادم حسين رضوي نوم به تل پاتې شي او باطل به ذليل او رسوا شي. وخت به تاسو ته ثابته کړي. الله ډير زيات کارساز دی او په خپلو بنديګانو ډير مهربانه دی.

ځواب
Comment bubble | 12-11-2018

۱. دا مقاله ټول دروغ دي. دا ټوله لیکنه د دروغو ښه مثال دی. ډاکټر اشرف آصف جلالي له مخکې نه په جلا توګه کار کوي او د فیض آباد دهرنا هم جدا وه. ۲. ناصر خان: تاسو د دې تحريک په اړه هیڅ معلومات او خبر نه لرئ. زه د "افراطیانو" د لفظ استعمالولو غندنه کوم. تحريک لبيک پاکستان د مسلمانانو په زړونو کې ژوند کوي. ۳. لبيک يا رسول الله

ځواب
Comment bubble | 12-11-2018

ټي ايل پي په حقيقت کې د ټي ټي پي دويم شکل دی، نو د پاکستان حکومت له پکار ده چې د خلکو او د خلکو د مال د خونديتوب لپاره دې بدمعاش او د هغه ټولې پارټې ته سبق وښایي.

ځواب
Comment bubble | 12-10-2018

زه د لبيک يو اخلاصمند کارکن يم. هيڅ يو کس هم لبيک نه دی پريښودی. تاسو دا مقاله غلطه ليکلي ده او دا ټول دروغ دي.

ځواب
Comment bubble | 12-10-2018

د پاکستان ايشيا نه خپل نوم پاکستان آسيه ته بدل کړئ. تاسو ميډيا والو څه غيرت هم نه لرئ. تاسو هم د هغه کسانو په شان يئ چې د پيسو لپاره خپله مور خرڅوي. خو ياد وساتئ تاسو به وګورئ چې د خادم حسين رضوي نوم به تل پاتې شي او باطل به ذليل او رسوا شي. وخت به تاسو ته ثابته کړي او تاسو به يې ژر وګورئ. الله ډير زيات کارساز دی او په خپلو بنديګانو ډير مهربانه دی.

ځواب
Comment bubble | 12-09-2018

تاسو يو فضول سوچ لرئ خو تاسو له څه شرم نه درځي

ځواب
Comment bubble | 12-09-2018

ټي ايل پي يوه افراطي پارټي وه. دا ډول پارټي ختمول د حکومت دنده ده.

ځواب
Comment bubble | 12-08-2018

انتهايي فضول او دا دروغ ليکل دي. ټي ايل پي نوره هم منظم شوې ده. د الله په فضل سره، د پيغمبر محمد صلی الله عليه وسلم نظام به په پاکستان کې پلي شي او مونږ به د قادياني او يهودي حکمرانانو نه خلاصی ترلاسه کړو.

ځواب
Comment bubble | 12-08-2018

ډير زيات د دروغو نه کار اخيستل شوی دی. دا ټول ليکل دروغ دي. ډاکټر اشرف آصف جلالي له مخکې نه په جلا توګه کار کوي. د هغه د فیض آباد دهرنا هم جدا وه... زه نه پوهيږم چې ولې د ميډيا خلک دروغ وايي... شرم وکړئ

ځواب
Comment bubble | 12-08-2018

د جاهلانو جاهل عمران طلاقي په مشرۍ او په داسې حکومت دې لعنت لعنت لعنت لعنت وي.

ځواب
Comment bubble | 12-08-2018

په اسلامي تاریخ کې ستر مشر حضرت علامه مولانا خادم حسین رضوي

ځواب
Comment bubble | 12-08-2018

دا ټول دروغ دي چې يوازي خلک ګمراه کوي، خو وګورئ چې د پيغمبر صلی الله عليه وسلم غلامان راپاڅيدلي دي او هغوی ته تاسو دهوکه نه شئ ورکولی.

ځواب
Comment bubble | 12-08-2018

زه فکر کوم چې دا ميډيا د قاديانانو ده.

ځواب
Comment bubble | 12-07-2018

تاسو د دې تحريک په اړه هيڅ معلومات او خبرونه نه لرۍ، لومړۍ دا چې زه د دې غندنه کوم چې تاسو هغوی ته افراطيان وويل، دويمه دا چې تاسو وويل چې دوی په خلکو کې شهرت نه لري، تاسو غلط معلومات لرئ، تحريک لبيک پاکستان يوه سوله ايزه پارتي ده، تر ټولو پياوړي دليل دا دی، که چيرې مونږ دا وګڼو چې د حکومت حقايق او شمير ريښتيا دي، نو بيا هم، که چيرې د هغه پارټې ټول مشران چې ۲.۶ ميليونه ووټونه يې ترلاسه کړې ول ونيول شول او آيين يې ريښې ريښې کړو او د هغوی بنيادي حقونه يې ختم کړل او بيا هم څه مزاحمت نشته، او د درې کسانو د وژلو سر بيره، خلکو سړکونه نه و بند کړي او نه يې څه بيان ورکړې و، بيا هم پاکستان زمونږ هيواد دی او مونږ به د دې ساتنه وکړو، او اسلام زمونږ دين دی او حتی چې زمونږ ژوند د دې لپاره کافي نه دی مونږ به په دغه دواړو باندې روغه جوړه ونه کړو. لبيک يا رسول الله

ځواب
Comment bubble | 12-07-2018

دا د جمهوري حکومت سره ښه نه ښکاري چې د احتجاج له کبله ګرفتاري وکړي او د هغه پارټۍ مشر ونيسي چې ۲،۵۰۰،۰۰۰ ووټونه يې ترلاسه کړل. په فرانس کې احتجاجونه وشول، آيا فرانس په هغوی د بغاوت تور ولګولو؟ منظور پشتون اچکزۍ ونيسئ، خو د ملانو سره داسې چلند سم نه دی. دا به هيڅ ګټه رامنځته نه کړي او نفرت به رامنځته کړي. دا ياد وساتئ چې زه د تحريک انصاف ملاتړی يم، خو خپله پارټي د غلط کار نه منع کول زما دنده ده. ما د خپلې پارټۍ لپاره کار کړی او دا اوس ما خفه کوي کله چې زه د خپلې پارټۍ لخوا داسې کارونه وينم. په داسې حالت کې، مونږ به په راتلونکو ټاکنو کې د مذهبي خلکو ووټونه له لاسه ورکړو لکه څنګه چې د نواز شريف سره وشوه او د مذهبي خلکو ووټ تل اهم وي. د الله لپاره، زما د خان نه مشرف مه جوړوئ.

ځواب
Comment bubble | 12-06-2018

دا يوه هڅه وه چې دا تحريک په ناوړه توګه بدنام کړي، خو ياد ساتئ چې د پروپيګندې سره، دا تحريک به نور هم پياوړی شي. د دې ټاکل شوي حکومت ورځې د شمير دي، چې عالمان يې ونيول او د ملعونې سره يې مرسته وکړه. بريا به د ريښتيا وي. الله دې باباجي خوندي وساتي. آمين.

ځواب
Comment bubble | 12-05-2018

افسوس! تاسو هم ورته ليکل کوئ چې تش په نامه ميډيا يې د قاديانيانو د مرستې په اړه خبرې کوي. کيدی شي چې تاسو د عمران د حکومت بيرته راګرځيدل هير کړې وي چې خپلې وعدې يې ماتې کړې.

ځواب
Comment bubble | 12-05-2018

دا ټول فضول خبرې دي. زه د پي ايم ايل-اين ملاتړی يم او دا يوه ډله ده چې په غلطه ده. که چيرې تاسو په ريښتيا سره د اسلام ملاتړي يئ، نو خپل ايمان تازه کړئ. ای ظالمانو! د الله نه ويريږئ، د پيغبر صلي الله عليه وسلم سره يو ځای شئ او يا په خپله د داسې ملعونې په اړه فيصله وکړئ.

ځواب
Reply comment | 12-09-2018

که زمونږ تعلق د ټي ايل پي سره وي او يا پي ټي آی، نون ليګ، پي پي پي يا د بلې سياسي پارټۍ سره وي، خو مونږ په هر حال کې د مذهب سره چيړچاړ نه خوښوو او نه مونږ د حضرت محمد صلی الله عليه وسلم په شان کې ګستاخي براداشت کولی شو او نه به يې براداشت کړو. که زمونږ عدالتونه او حکمرانان د بهرني هيوادونو د مرضۍ مطابق داسي فضول او د بې انصافۍ فيصلې ولې ونه کړي خو مونږ غلط ته د غلط ويلو حوصله لرو او که چيرې زمونږ ژوند په کې هم قرباني شي، مونږ به د داسې غلطو فيصلو پر وړاندې له خولې او لاس سره احتجاج وکړو. مونږ به دا وګڼو که الله زمونږ نه په ژوند کې يو ښه کار ترسره کړو، نو هغه به زمونږ د آقا په شان کې د ګستاخۍ کولو په وړاندې زمونږ ردعمل وي.

ځواب
Reply comment | 12-10-2018

حاضر يم! حاضر يم! يا رسول! حاضر يم! د يهودي اولاد داسې دروغ خبرونه ليکي

ځواب

د رایو شمېر

- آیا تاسو باور لرئ چې د کارتارپور کوريډور پرانيستل به د پاکستان او هند اړیکو ته وده ورکړي؟

نتایج وګورئ