دین

سيند فيسټيول مذھبي ھم آهنګۍ ته وده ورکوي

د ضياء الرحمان لخوا

د سېنټ نينو رام فيسټيول ګډونوال دعاګاني غواړي. [ضیاء الرحمان]

د سېنټ نينو رام فيسټيول ګډونوال دعاګاني غواړي. [ضیاء الرحمان]

تهر، سيند -- په زرګونو پيروکار، د هندوانو او مسلمانانو په شمول، د دې میاشتې په پیل کې په سيند صوبه کې د سېنټ نينو رام په مزار کې د درې ورځو په جشن کې ګډون وکړو. سېنټ نينو رام د دواړو عقيدو مريدانو لپاره يو محترم شخصیت دی.

په دې جشن کې، چې د تهر ضلعې په اسلام کوټ کې د ۲۹ سپمتبر او ۱ اکتوبر ترمنځ ترسره شو، د رام د مرګ ۴۵ کلیزه ولمانځل شوه.

رام، چې په ۱۸۹۸ کال کې په اسلام کوټ کې په یوې هندو کورنۍ کې زیږیدلی و، چې کله لوی شو نو هغه د آرام ژوند پريښودو او روحاني سفر يې پیل کړو.

هغه، چې نیمه پیړۍ مخکې يې يو عمومي پخلنځی پیل کړی و، په پای کې خپل ښار ته راستون شو او د مذهب، ذات، رنګ یا نسل پرته یې د هرچا خدمت کولو.

په زرګونو خلک په اسلام کوټ کې د سېنټ نینو رام اشرام په جشن کې ګډون کوي. د عشرو راهيسې په دې مزار کې ټولو ليدونکو ته د هغوی د مذهبونو او نسلونو پرته وړیا خوراک ورکړل کيږي. [ضیاء الرحمان]

په زرګونو خلک په اسلام کوټ کې د سېنټ نینو رام اشرام په جشن کې ګډون کوي. د عشرو راهيسې په دې مزار کې ټولو ليدونکو ته د هغوی د مذهبونو او نسلونو پرته وړیا خوراک ورکړل کيږي. [ضیاء الرحمان]

د سيند ماشومان په اسلام کوټ کې د سېنټ نینو رام د مرګ ۴۵ کلیزه لمانځي. [ضیاء الرحمان]

د سيند ماشومان په اسلام کوټ کې د سېنټ نینو رام د مرګ ۴۵ کلیزه لمانځي. [ضیاء الرحمان]

مسلمانان اکثر په تهر ضلع کې د هندوانو د عقیدې د احترام له کبله د غواګانو د حلالولو نه ډډه کوي. [ضیاء الرحمان]

مسلمانان اکثر په تهر ضلع کې د هندوانو د عقیدې د احترام له کبله د غواګانو د حلالولو نه ډډه کوي. [ضیاء الرحمان]

حاضرین د سېنټ نینو رام، چې د اسلام او هندومت دواړو د پيروکارو لپاره يو محترم شخصيت دی، په مزار کې ګرځي. [ضیاء الرحمان]

حاضرین د سېنټ نینو رام، چې د اسلام او هندومت دواړو د پيروکارو لپاره يو محترم شخصيت دی، په مزار کې ګرځي. [ضیاء الرحمان]

په سيمه کې د هغه پيروکار تر اوسه پورې د هغه پيروي کوي. د مثال په توګه، په تهر کې، مسلمانان اکثر د غواګانو د حلالولو نه ډډه کوي چې خپل هندوان ګاونډیان خفه نه کړي.

ويرجي ملح، چې د دې جشن په منتظمينو کې دی، وويل، په دې جشن کې ډیرو پيروکارانو له زيات عقيدت سره ګډون وکړو او د خوشحالۍ او مرستې لپاره يې دعاګاني وکړې.

هغه پاکستان فارورډ ته وویل، "په دې جشن کې د مذهب، طبقې یا ذات پرته ټولو پيروکارانو ته خوراک او اوبه ورکړل کيږي."

هغه زياته کړه، "په اسلام کوټ کې د ټولو عقيدو سوداګرو او اوسيدونکو د چندو له لارې د دغه خوراک انتظام شوی و."

آیا دا لیکنه ستاسو خوښه شوه؟

تبصرې 0

د تبصرو تګلاره * ضروري برخې ښيي 1500 / 1500