اسلام آباد -- نړیوال سازمانونه او څارونکي له پاکستان څخه غواړي چې د پیسو مینځلو او ترهګرۍ د مالي تمویل په وړاندې خپلې هڅې پیاوړې کړي، په داسې حال کې چې پاکستاني چارواکي د نوي کيسونو په وړاندې مبارزې ته دوام ورکوي.
د دې میاشتې په لومړيو کې، د پیسو مینځلو په اړه د ايشيا/پیسیفیک ګروپ یو وفد مرکزي ښار اسلام آباد ته سفر وکړو چې د پیسو مینځلو او د تروریزم د تمویل پر ضد د رژیم (ای ايم ايل/سي ايف ټي) د اغیزمنتوب ارزونه وکړي.
پاکستان کار کوي چې د مالي عمل کاري ځواک (ايف ای ټي ايف) د ضرورياتو سره سم عمل وکړي. ايف ای ټي ايف د مالي تمويل د څارنې لپاره يوه نړيواله موسسه ده چې په جون کې يې پاکستان په خپل خړ ليسټ کې شامل کړو. ایشيا پيسفيک ګروپ د ايف ای ټي ايف غړی دی.
د ايشيا پسيفک ګروپ وفد وويل چې دا د پاکستان د پرمختګ نه مطمن نه دی او زیاته یې کړه چې هیواد کمزوري بنيادي تدابیر او ناکافي حقوقي چوکاټ لري چې د تروریزم د تمویل په وړاندې مبارزه وکړي.
د پیسو مینځلو کيسونه را منځته کیږي
د ای پي جي وفد په داسې حالاتو کې سفر وکړو کله چې په پاکستان کې د پیسو مینځلو کيسونو په اړه نوي راپورونه شتون لري، چې په دې کې د پیسو زيات مقدار شامل دی.
ډاکټر اشفاق حسن خان، چې په اسلام آباد کې د ساینس او ټیکنالوژۍ په ملي يونيورسټۍ کې مشر دی، وويل، په تیرو څو هفتو کې ځايي چارواکو د بينکونو ګڼ شمیر اکاونټونه موندلي چې په کراچۍ او حیدرآباد کې د زياتو غیرقانوني پیسو د جعلي لیږدولو لپاره کارول شوي ول.
خان پاکستان فارورډ ته وویل، دا کيسونه په بينکونو کې د "خپل پیرودونکي وپیژنئ" په اړه په پاليسو کې نيمګړتياوې په ګوته کوي. دا پاليسۍ څو کاله مخکې معرفي شوي وې چې په غلطه توګه د مالي نظام د کارولو مخه ونیسي او د پیرودونکو او د هغوی د عايدو د سرچینو څارنې ته وده ورکړي.
ډاکټرشجاعت مبارک، چې د ټي وي شنونکی او په کراچۍ کې په محمد علی جناح يونيورسټۍ کې د سوداګرۍ د مطالعاتو د څانګې مشر دی، وویل، په نورو وروستي کيسونو کې، خلکو زياتره د بې وزلو خلکو د ترک شوي اکاونټونو استعمالولو له لارې د پيسو مينځل ترسره کړل.
مبارک پاکستان فارورډ ته وویل، تر څو چې اکاونټ لرونکي په منظم ډول د ترک شوي اکاونټونو په ساتلو او کارولو کې دلچسپي نه وي اخيستې، د پاکستان سټيټ بينک او سوداګریز بينکونه باید په ټول هیواد کې کمپاین پیل کړي چې دغه اکاونټونه په ګوته کړي او بند یې کړي.
د زيات کار ضرورت دی
مبارک وویل، "حکومت باید د هغه ټیمونو بیاکتنه وکړي چې په پاکستان کې د پیسو مینځلو او د خطر د مالي تمویل په څارنه او تعقیب کې ښکیل دي."
هغه زياته کړه، چيلنج دا دی چې د ايس بي پي چارواکي، د پاکستان سيکيوريټيز او ایکسچینج کمیشن او همدارنګه په سیمه ایز بينکونو کې چارواکي تخنیکي مهارت یا ټريننګ نه لري چې په اغیزمنه توګه د پیسو مینځلو او تروریزم د تمویل په شمول د شکمنو معاملو تعقيب وکړي.
عبدالله خان، چې په اسلام آباد کې د پاکستان د شخړو او امنیتي مطالعاتو د پاکستان انسټیټیوټ منيجنګ ډايريکټر دی، پاکستان فارورډ ته وویل، "د نوي حکومت تر ټولو لوړ لومړیتوب د پیسو د مینځلو، د ترهګرۍ د تمویل او کرپشن مخه نیول دي."
هغه وويل، که څه هم د پیسو مینځلو ضد قانون ۲۰۱۰، چې په ۲۰۱۶ کال کې په کې ترميم شوی و، د پیسو مینځلو او تروریستي تمویل د ټولو اړخونو سره تعلق لري، خو د دې پلي کول اصلي ستونزه ده.
پاکستان د پیسو مینځلو او د وسله والو لپاره د مالي لاسرسۍ د له مینځه وړلو لپاره یو شمیر اقدامات پلي کړي دي. خان ټينګار وکړ چې دا وخت دی چې مونږ په خپل نظام کې کمزورۍ ختم کړو.
زه فکر کوم چې د پاکستان حکومت مساوي دی
ځوابتبصرې 1