|

ديپلوماسي

پاکستان په خپله خاوره کې د ایران د جاسوسۍ په وړاندې ډير زيات محتاط دی

د راپورونو له مخې، ایران په تیرو شپږو میاشتو کې په سوریه کې د دې په مليشو کې د جګړې لپاره د ۱۶۰۰ نه زيات پاکستانيان استخدام کړي او د نفوذ ترلاسه کولو کمپاينونه ترسره کوي چې په پاکستان کې د خلکو په نظرونو کې بدلون راولي.

د عبدل غني کاکړ لخوا

کله چې په پاکستان کې د ایران د استخدام د روانو فعالیتونو په اړه پوښتنه وشوه، نو په پاکستان کې د ایران سفیر مهدي هوناردوست په کويټه کې د اکتوبر په ۴ مه په يو نيوز کانفرنس کې په مستقیمه توګه د ځواب ورکولو نه انکار وکړو. هغه ادعا وکړه چې "هیڅوک نه شي مجبوره کیدی چې په داسې فعاليتونو کې برخه واخلي، چې دا په ښکاره توګه د هغه لخوا اعتراف دی چې پاکستانیان په سوريه کې د ايراني ځواکونو سره جګړه کوي. [عبدل غني کاکړ]

کويټه -- د ایران د سیمه ییزو لاسوهنې د خطر سره، پاکستاني چارواکي او څارونکي په پاکستان کې د ایران د استخباراتي فعالیتونو له کبله د مخ پر زیاتيدونکي ګواښ په اړه اندیښنې لري.

په تیرو دوو کلونو کې، د ایران ګڼ شمير استخباراتي چارواکي، چې په پاکستان کې د ایران په سفارت خانه او قونصل خانو کې تعينات شوي، په ډيرو شکمنو فعالیتونو کې، زياتره په ایراني مليشو کې د پاکستانيانو په استخدام کې، ښکيل دي.

په ایران کې د ایران سفیر مهدي هوناردوست په کويټه کې په يو اوسني نيوز کانفرنس کې ومنله چې د هغه هيواد په دې ډول فعالیتونو کې رول لري.

هوناردوست د اکتوبر په ۴ مه په کويټه کې په پاکستان کې د ایران د استخدام د روانو فعالیتونو په اړه په غیر مستقیم ډول يوې پوښتنې ته ځواب ورکړو او ويې وویل چې پاکستاني شيعه ګان د ایران له لارې سوریې ته ځي او "په خپله خوښه" جنګ کوي.

کله چې په هغه فشار واچول شو، نو هغه په مستقیم ډول د ځواب ورکولو نه انکار وکړو او ادعا یې وکړه چې "هیڅوک نه شي مجبوره کیدی چې په داسې فعالیتونو کې برخه واخلي، چې دا په روښانه توګه د هغه لخوا اعتراف دی چې پاکستانیان په سوریه کې د ايراني ځواکونو سره جګړه کوي.

د سفیر د تبصرو د ویډیو د لیدلو لپاره دلته کلیک کړئ.

د دې وضعیت په اړه د هغه بيان د هغه شواهدو پر ضد دی چې د ایران اسلامي انقلاب ساتونکي قول (آی آر جي سي) په پاکستان کې يو جارحانه کمپاین ترسره کوي چې په زينبيون بريګيډ کې شیعه ګان استخدام کړي.

راپورونه وړاندیز کوي چې آی آر جي سي په تیرو شپږو میاشتو کې له پاکستان څخه ۱۶۰۰ نوي جنګيالي استخدام کړي او مختلف تاکتیکونه کاروي چې ځوانان د دې په لیکو کې شامل کړي.

ژورې اندیښنې

په راولپنډۍ کې د پاکستان د دفاع يو سينير چارواکي، احسن حبیب، پاکستان فارورډ ته وویل، "دا د پاکستان لپاره يوه لويه اندیښنه ده چې ایران نه یوازې د ترهګرۍ ملاتړ کوي بلکې په سوریه کې د سولې ضد رول په ښکاره توګه توجیه کوي."

هغه وويل، "ايران په اصل کې په سيمه کې يو شکمن رول لوبوي، او د هغې بدنامه آی آر جي سي د خپلو پوځي اهدافو لپاره مذهب کاروي. زموږ متعلقه چارواکي کافي شواهد لري چې په پاکستان کې په شيعه ټولنه کې د ايران زياتيدونکی نفوذ ثابت کړي."

حبيب وضاحت وکړو چې د کورنيو چارو وزارت د ايران او عراق څخه د راستنيدونکو شيعه حاجيانو په کلکه څارنه کوي څو دا يقيني کړي چېايران يې د خپلو موخو لپاره نه کاروي.

هغه وویل، "ایران هڅه کوي چې په پاکستان کې د ستراتیژیکي موخو لپاره د سیاسي وضعیت نه ګټه پورته کړي." "دا نوره پټه خبره نه ده چې ایران څنګه زموږ د شخړو نه ګټه پورته کوي او زمونږ په هیواد کې د هغه عناصرو مرسته کوي چې دلته کې اړې ګړې رامنځته کړي."

میجر (ريټايرډ) عمر فاروق، چې په پیښور کې د دفاعي چارو شنونکی دی، پاکستان فارورډ ته وویل، پاکستان د پولې د خوندي کولو پرته په خپله خاوره کې د ایران نفوذ نه شي کنټرولولی.

هغه وويل، چارواکي بايد د ايران او پاکستان ترمنځ په پوله باندې د غير قانوني تګ راتګ د کنټرولولو لپاره د امنيت يو سخت او مناسب ميکانيزم پلي کړي.

هغه وويل، "دا دومره آسانه خبره نه ده لکه څنګه چې موجوده حکومت وايي." "زما په خيال، دا وخت دی چې مونږ په پاکستان او سیمه کې د ایران د مخ پر زیاتیدونکي ګواښ د مخنيوي لپاره د پاليسۍ بيا کتنه وکړو."

فاروق وویل، "موږ دا تورونه نه شو برداشت کولی چې د پاکستان وسله وال په بهر کې د سولې او ثبات په خرابولو کې لاس لري."

هغه وویل چې د پاکستان وګړي، چې د آی آر جي سي تر کمانډ لاندې جنګیږي، د پاکستان د ملي امنیت پالیسۍ په اړه خورا منفي انځور وړاندې کوي.

فاروق وويل، "موږ بايد د هرو ممکنو لارو په واسطه د پاکستاني شيعه جنګياليو استخدامولو مخه ونيسو."

هغه وويل، "د هغه شکمنو کورنيو، چې زموږ خلک وو او په سوريه کې وژل شوي ول، په مساوي توګه د دې وضعيت مسؤوليت لري." "چارواکي باید د دوی رول وڅیړي او د دوی احتساب وکړي."

د ډله ايز تاوتریخوالي ملاتړ

په اسلام آباد کې يو امنیتي چارواکي د نوم نه ښودلو په شرط وویل، د دې روانو مسلو په حل کولو سره، پاکستان د سفارتي چینلونو له لارې د ایران سره خبرې اترې کړي دي.

هغه پاکستان فارورډ ته وویل، "زه دا تاییدوم چې زموږ چارواکي چمتو دي چې په پاکستان کې دننه د بهرنیو استخباراتو سره مقابله وکړي او په هيواد کې د ایران د فعاليتونو په کلکه څارنه کوي."

دغه چارواکي وويل، "بلوچستان د پاکستان په مهمو ستراتیژیکي او حساسو برخو کې دی، ځکه چې دا د ایران او افغانستان سره یوه کمزوري پوله لري." "ایران د دې نه انکار نه شي کولی چې دې په تیرو وختونو کې د سولې ضد هغه ډلو او عناصرو سره مرسته کړې وه چې په پراخه توګه په تروریزم او په پاکستان کې د دولت ضد په فعالیتونو کې ښکیل ول."

د ایران استخباراتو په لیاري کې په ډله ايزو جګړو کې ځینې کلیدي شکمن کسان، د رحمان ډاکو، بابا لاډله او نورو کسانو په شمول، پټ وساتل او هغوی ته یې خوندي لاره برابر کړه.

لياري د کراچۍ يو نيبرهوډ دی چې د جنګ جګړو او نورو جرمونو له کبله مشهور دی.

هغه وويل، "په وروستي تحقیقاتو کې، موږ دا ثابته کړه چې په لیاري کې د ډله ايز جنګ شکمن غفار زکي، چې د اکتوبر په ۴ مه په کراچۍ کې د پولیسو سره په ډزو کې وژل شوی و، پخوا په ایران کې و او څو هفتې مخکې پاکستان ته راستون شو."

د ځینې راپورونو له مخې، "ایران په پراخه توګه د پراکسي عناصرو سره مالي مرسته کوي چې د خلکو خيالات په خپل حق کې بدل کړي."

هغه زياته کړه،ایران په قوي توګه کار کوي چې د آمريکې د اقتصادي پابندو له کبله په پاکستان کې د خپلو راتلونکو فعاليتونو لپاره یو ښه انځور ترلاسه کړي -- ځکه چې دا د پاکستان د مرستې نه بغير د خپل اقتصاد چيلنجونه نه شي ختمولی."

آیا دا لیکنه ستاسو خوښه شوه؟

Pf icons no 10

6 تبصرې

* ضروري برخې ښيي
Captcha
Comment bubble | 11-12-2018

دا د تعصب نه ډکه مقاله ده او د دې حقيقت نه سترګي پټوي چې سعودي عرب مخکې هم او اوس هم د ۱۲۰۰ مدرسو سره مالي مرسته کوي چې په پاکستان او زموږ په ګاونډ کې د ترهګرۍ سرچینه ده. الله دې زموږ په ټول چاپیره ګاونډ کې سوله راولي.

ځواب
Comment bubble | 11-11-2018

د بحرين په ځانګړي ځواکونو کې له ۵۰۰۰ نه زیات پاکستانیان خدمت کوي. په تیرو کې، په سلګونو جنګيالي په افغانستان کې جنګيدلي ول. زه فکر کوم چې دا مقاله د تعصب نه ډکه ده او د حقيقت څخه لرې ده. موږ به په پاکستان کې فرقه ايزو مسلو ته هوا ورکول ونه منو. پاکستان زنده آباد.

ځواب
Comment bubble | 11-05-2018

وزيراعظم له پکار ده چې خپل وزيران کنټرول کړي چې هغه خبرې نه کوي کومې چې د پاکستان خلاف وي او دوی له پکار ده چې ټوله توجو کاري پرمختګ او عمل له ورکړي

ځواب
Comment bubble | 10-20-2018

په پاکستان کې د سعودي تمویل شوي فتنې په اړه هیڅ خبر نه لیدل کیږي، چې زمونږ سرتیري او ماشومان يې وژلي دي. دا ويب پاڼه د ريال اخيستونکو لخوا جوړه شوې ده.

ځواب
Comment bubble | 10-15-2018

ایران ھمیشہ دمسلمانو مخالفت کڑی اواوس ھم پکی کار کوی ۔زمونگہ حکومت خہ پوھیگی ۔۔۔مونگہ سہ کولای شو

ځواب
Reply comment | 10-17-2018

هو سعودیان د تیرو دوو پیړیو راهيسې امت ته زيان رسوي او بیا هم ایران یوازينی دښمن دی چې مونږ يې پيژندلی شو. څومره حيرانونکي خبره ده؟ لیکوال خورا تعصب لري او په روښانه توګه زياتره ښکاره حقیقتونه بدلوي.

ځواب

د رایو شمېر

- آیا تاسو باور لرئ چې د کارتارپور کوريډور پرانيستل به د پاکستان او هند اړیکو ته وده ورکړي؟

نتایج وګورئ