|

امنیت

د ایران زینبیون بريګيډ په پاکستان کې د استخدام ګامونه پورته کوي

د ايرن اسلامي انقلاب ګارډ قول په تيرو شپږ مياشتو کې د زينبيون بريګيډ لپاره د ۱،۶۰۰ نه زيات پاکستاني شيعه ګان استخدام کړي چې د ايران د ګټې لپاره په سوريه کې جګړه وکړي.

د عبدل غني کاکړ لخوا


دا هغه تصوير دی چې ایران په زینبیون بريګيډ کې د پاکستانيانو د استخدام لپاره په خپل پروپيګنډه فلم "مينه وال مري" کې استعمال کړو. [فايل]

دا هغه تصوير دی چې ایران په زینبیون بريګيډ کې د پاکستانيانو د استخدام لپاره په خپل پروپيګنډه فلم "مينه وال مري" کې استعمال کړو. [فايل]

کويټه -- د پاکستان د استخباراتي چارواکو له مخې، د ایران د اسلامي انقلاب ګارډ قول (آی آر جي سي) په دوام داره توګه پاکستاني شيعه ګان استخداموي چې په سوريه کې د ایران د پوځي ګټو لپاره د عسکرو په توګه جګړه وکړي.

په اسلام آباد کې يو استخباراتي چارواکي د نوم نه ښودلو په شرط پاکستان فارورډ ته وویل، د آی آر جی سي زینبیون بريګيډ په تیرو شپږو میاشتو کې له پاکستان څخه د ۱،۶۰۰ نه زيات نوي جنګيالي [چې زياتره شيعه عسکر دي] استخدام کړي دي.

دغه چارواکي وويل، "د پاکستان امنیتي ادارې ته په وړاندې شوي يو وروستي امنيتي راپور کې، د ترهګرۍ پر ضد سينير چارواکو څرګنده کړه چې کيدی شي په تیرو شپږو میاشتو کې د زینببیون بريګيډ لخوا د استخدام شويو کسانو شمیر د موجوده ارقامو نه زيات وي."

هغه وويل، "دا راپور په ګوته کوي چې د زینبیون ډیر نوي استخدام شوي جنګیالي له پاکستان څخه په هغه لارو منتقل شول کومې چې ډيرې نه استعماليږي او غير قانوني دي." په عین حال کې، ګڼ شمیر جنګیالي د حج په بهانه ایران ته لاړل."

په سپتمبر ۲۰۱۷ کال کې د پاکستان د استخباراتي راپور له مخې، د نومبر ۲۰۱۶ او جون ۲۰۱۷ کال ترمنځ، نږدې ۴،۰۰۰ شیعه حاجيان د پاکستان نه ایران ته لاړل او هیڅکله بیرته راستانه نه شول.

د عمل پلان

دغه چارواکي وويل، "چې وفاقي حکومت ته وړاندې شوې وروستي راپور وړانديز وکړو چې پاکستان ته د فوري اقداماتو ضرورت دی چې د زينبيون بريګيډ د اورپکۍ او د سولې پر ضد کړنو سره مبارزه وکړي."

هغه وويل، "موږ شواهد لرو چې ایران د خپلو پراکسي ډلو له لارې خپل نفوذ زیاتوي، خو تاسو دا ډاډ ولرئ چې دا به هیڅکلهپه خپلو ناوړه پلانونو کې بریالي نه شي."

هغه وويل، "ایران وايي چې د زینبیون بريګيډ پاکستاني جنګیالي په سوریه کې د مقدس زيارتونو ساتونکي دي او دوی په سوریه کې په پراخه کچه په هغو سیمو کې ښکیل دي چيرې چې آی آر جي سي په جنګ کې د سوريې صدر بشار الاسد پوځ سره مرسته کوي."

جاويد ناصر، چې په راولپنډۍ کې يو سينير امنيتي چارواکی دی، پاکستان فارورډ ته وویل، "موږ په پاکستان کې د شیعه ګانو زياته آبادي لرو، او دا زموږ لويه اندیښنه ده چې ایران په شیعه ټولنه کې د نفوذ د ترلاسه کولو لپاره ټولې سرچینې کاروي." "د شیعه عالمانو یو لوی شمیر، چې له ایراني [مدرسو] څخه فارغه شوي، له مخکې نه په پاکستان کې د دې ناوړه ایرانۍ اجنډې لپاره کار کوي."

ناصر وويل، "د آی آر جي سي زینبیون بريګيډ نه یوازې د ایران لپاره په استخدام کې ښکيل دی، بلکې دا پلان لري چې د ايران نه د تاوتريخوالي نه ډک ایراني انقلاب پاکستان ته منتقل کري."

هغه وويل، "پاکستان نه يوازې په پاکستان کې د ايراني پلانونو د ناکامه کولو لپاره نور ګامونه پورته کوي، بلکې زموږ امنیتي ادارې د ایران د هغه کلتوري مرکزونو څارنه کوي چې تقريباََ په ټولو پاکستاني ښارونو کې فعالیت کوي."

د ایراني استخدام کوونکو په وړاندې مبارزه کول

عامر موسی، چې په کويټه کې د دفاع د وزارت يو چارواکی دی، وويل، په تیرو دریو میاشتو کې، د پاکستاني امنیتي ادارو لږ تر لږه ۱۵ شکمن کسان په کويټه او د بلوچستان په سرحدي ښار تفتان کې د زینبیون بريګيډ سره د اړیکو لرلو په تور نيولي دي.

هغه پاکستان فارورډ ته وویل، "زموږ په سیمه کې د بهرني نفوذ د ناکامه کولو لپاره ټولې هڅې روانې دي او د بلوچستان په ټولو سرحدي سیمو کې، په ځانګړي توګه په هغه سيمو کې، چې د ایران او افغانستان سره پوله لري، په جدي توګه څارنه کيږي."

هغه وويل، "امنيتي ادارې په هېواد کې د زينبيون بريګيډ پر ضد د مبارزې لپاره نږدې کار کوي، او د استخدام زيات شمير مهم مرکزونه ... په تيرو څو کلونو کې ختم کړی شوي دي."

موسی وويل، "موږ راپور لرو چې د زینبیون ځینې فعالین د دیني عالمانو تر پوښښ لاندې فعالیت کوي او پخوا یې د هغه کلیدي پاکستاني شیعه عالمانو سره کار کړی کوم چې د ایران په قم صوبه کې د مدرسو نه فارغ شوي دي."

هغه وويل، "د زینبیون بريګيډ شکمن زياتره په پاړه چنار، کرم قبایلي ضلعې، کويټه، سیالکوټ، پېښور او د هیواد په نورو برخو کې جنګیالي استخداموي."

هغه وويل، "هغه شکمن کسان، چې تر پوښتنې لاندې دي، د زينبيون بريګيډ د شبکې په اړه يې مهم معلومات څرګند کړي دي." "د ځینو معلوماتو پر اساس، امنیتي ادارې د دې ډلې د هيواد پر ضد د فعالیتونو په وړاندې نور ګامونه پورته کوي."

د انسانانو قاچاق او د مرګ ګواښونه

په کويټه کې يو سينير امنيتي چارواکي، چې د انسانانو د قاچاق پر ضد په اداره کې کار کوي، پاکستان فارورډ ته د نوم نه ښودلو په شرط وويل، "د ایران د پراکسي مليشې په توګه، زینبیون بريګيډ په پاکستان کې د جنګیالیو د استخدام لپاره مختلف قسمه لارې استعمال کړي دي. [د پاکستان لخوا] د سخت نظارت له امله، د زینبیون استخداموونکي د ايجنټانو په توګه کار کوي او د انسانانو په قاچاق کې ښکیل دي."

هغه وويل، په پاکستان کې د بېروزګارۍ له امله، بې روزګاره کسان د انساني قاچاق کوونکو په لاس ورتلی شي. هغه زياته کړه، د زينبيون بريګيډ ګمارونکي د دې حالت نه ګټه پورته کوي.

هغه وويل، "موږ راپور لرو چې زینبیون بريګيډ د غیرقانوني لارو په واسطه د کویټې، پنجاب، سيند، او نورو سیمو نه ګڼ شمير شيعه ګان ايران ته منتقل کړل." "په ایران کې، آی آر جي سي هغوی ونیول."

هغه وضاحت وکړو چې "د تحقیقاتو په دوران کې، موږ پوهه شو چې آی آر جي سي په تهران او د هيودا په نورو برخو کې د شیعه کډوالو لپاره د توقیف ځانګړي کمرې جوړې کړي، چيرې چې د زینبیون بريګيډ عالمان د کډوالو په ذهن سازۍ کې ښکيل دي او هغوی په دې مجبوره کوي چې د زینبیون سره د مقدس ځایونو د ساتلو لپاره يو ځای شي."

دغه چارواکي وويل، آی آر جي سي په ایران کې د ذهن سازۍ په دوران کې دغه پاکستاني شیعه قيديانو ته د جسماني سزا ورکولو ګواښ کړی او هغوی ته يې ویلي دي چې د زینبیون بريګيډ سره د یو ځای کیدو له کبله د دې سزا نه خلاصې ترلاسه کولی شي.

هغه وويل، "د مرګ د ويرې له امله، ډير شيعه قيديان د زينبيون برخه جوړه شوې ده."

آیا دا لیکنه ستاسو خوښه شوه؟

Pf icons no 218

45 تبصرې

* ضروري برخې ښيي
Captcha
Comment bubble | 10-31-2018

لعنت دې وي په تاسو، د يزيد ملګرو! مونږ د پيسو لپاره جهاد نه کوو، تاسو د پيسو لپاره خپل پوځ ليږئ، چې تاسو سره ښه نه ښکاري. تاسو د سعودي عرب سره څه تعلقات لرئ؟ د خپلو مقاصدو لپاره، هر څه ټهيک دي، او زمونږ لپاره تاسو فرقه واريت خپروئ. په سوريه کې ځانمرګي جهاد ستاسو پيداور دی او د دې په اړه راپورونه شتون نه لري، هغوی تاسو ته ډير ګران دي. که څه هم ايران زمونږ هيواد نه دی، خو افسوس، د علي د دښمنۍ له کبله د يزيد دا ملګري اوس هم په خپلې ناوړه پاليسۍ کې شاته نه دي. په تاسو او داسې سوچ دې لعنت وي.

ځواب
Comment bubble | 10-30-2018

زمونږ جاهل خلک اوس هم ايران ملګری هيواد ګڼي

ځواب
Comment bubble | 10-29-2018

دا سمه ده که تاسو د ۳۹ هيوادونو اتحاد جوړوئ چې په يمن کې مظلوم مسلمانان ووژنئ او هلته کې ګڼ شمير خلک او پوځ لیږئ او يهودي ايجنټان د عرب هيوادونو دفاع کوي.... او که چيرې يو حقيقي اسلامي هيواد، لکه ايران د مظلوم خلکو سره مرسته کوي او که چيرې دا د پيغمبر د مزار ساتنه کوي نو تاسو وايئ داپراکسي ده.... لعنت دې وي په تاسو باندې... د الله نه ويريږئ

ځواب
Comment bubble | 10-26-2018

دا ښه او حقيقي مضمون دی.. ايران تل اسلامي نړۍ ته زيان رسولی دی

ځواب
Comment bubble | 10-26-2018

يوازې شيعه ګان تاسو ته کم عقل ښکاري. تاسو نه ګورئ چې سني مجاهدين کشمير ته ځي او ملان سعودي عرب ته ځي. تاسو ولې فکر کوئ که يو کس غواړي چې له خپلې مرضۍ سره خپل ژوند قرباني کړي... د ليکلو نه مخکې د دې کيسې په اړه ځان پوهه کړئ... ستاسو ګواښونو مونږ نه يو ويرولي او نه به دا مونږ ويروي... دا سمه ده که تاسو فرقه واريت خپرول غواړئ، تاسو يوه بهانه ګورئ چې حاجيان منع کړئ، لاړ شئ او يوه بله بهانه وګورئ، مونږ به په شا نه شو تر څو چې زمونږ مولا مونږ راغواړي. مونږ ستا لپاره حاضر يو، ای حسين! زمونږ د مولا په دښمنانو دې بې شميره لعنت وي...

ځواب
Reply comment | 10-26-2018

تر ټولو نه مخکې، که ايران هم آواز پورته نه کړي، نو دا د هر مسلمان فرض دی چې د مقدس ځايونو ساتنه وکړي. دا د هر مسلمان، که دې د سعودي عرب، سوريه او يا عراق وي، دنده ده چې عملي اقدامات وکړي. ايران ته د استخدام ضرورت نشته. بلکې مونږ د ايران شکريه ادا کوو چې د داعش نه د مقدس ځايونو د خوندي ساتلو لپاره ګامونه پورته کوي. پکار ده چې د پاکستان پوځ په دې کې مداخلت کړی وې چې داعش د پيغمبر د ملګرو قبرونو سره څه کوي. ايران په نړۍ کې يوازې هيواد دی چې د مظلومو خلکو سره يې مرسته کړې ده. د ايران نه علاوه کوم يو اسلامي هيواد د لومړۍ کعبې د ترلاسه کولو لپاره د اسرايل سره جګړه کوي، په داسې حال کې چې سعودي عرب د اسرايل سره سفارتي تعلقات ساتلي دي! څه شرم څه حيا پکار ده.

ځواب
Reply comment | 10-29-2018

دا ډيره ښه ليکل شوي مقاله ده

ځواب
Reply comment | 11-01-2018

تاسو ټهيک وايئ.

ځواب
Comment bubble | 10-21-2018

ايران، اسرايل، هند او آمريکه ټول يو دي د حديث مفهوم د دجال سره به د ايران نه اويا زره يا کم کسان يوځای کيږي دجال يوې سترګي واله د يهوديانو خدای دی. د يهوديانو او آمريکې ترمنځ ملګرتيا د معزز او غير معزز له کبله ده يعنې يهوديان ځان د عيسايانو نه ښه ګڼي د آمريکې او هند ترمنځ ملګرتيا د پاکستان له کبله ده سوال آمريکې په ايران باندې پابندۍ ولې ولګولې ځواب په ايران باندې پابندۍ ځکه لګول شوي او هغوی ته ځکه ګواښونه کيږي چې مسلمانان بې وقوفه کړي ياد وساتئ آمريکې چې کله هم ايران ته ګواښ کړی نو تاسو پوهه شئ چې ايران ايټمي يا د ميزايل نوي تجربه کوي او آمريکې دا ټکنالوجي ورکړې ده. ايران به د اهل سنت خلاف وکارول شي او ويلی کيږي چې بل طرف ته آمريکې د عرب د تيلو د ترلاسه کولو لپاره ترکي آزاده پريښودي ده ترکي به په خپل ګاونډي هيواد قبضه وکړي او د آمريکې لپاره به لاره همواره کړي ياد وساتئ په خانه کعبه باندې د حملې لپاره تياری راوان دی خو دا حمله به ناکامه شي په دغه وخت کې به امام مهدي راشي او حمله کوونکی به د عرفات په ميدان کې يا د کعبې په شاوخوا کې په ځمکه کې دننه ښخ شي. لاس مې ستړی شو، نور لیکل نه شم کولی

ځواب
Reply comment | 10-30-2018

ها ها.... آيا زه دا ستاسو ناپوهي، ستاسو ماشوموالی وګڼم او يا ستاسو سرزوري... د الله لپاره، د حقايقو پټولو سره ځان په ظالمانو کې ما شاملوئ.... ټوله نړۍ پوهيږي چې څوک د آمريکې په غيږه کې ناست دی او څوک د آمريکې او اسرايل پر ضد جګړه کوي... که تاسو په دې يقين کوئ او که نه، خو حقيقت دا دی چې يوازې ايران، حزب الله او شيعه فرقه آمريکې، اسرايل او د هغوی متحدينو ته چيلنج ورکوي..... د شيعه فرقې له مخې، آمريکا او اسرايل شيطانان، طاغوت او استعماريان دي. تاسو ته به حقيقت معلوم شي که چيرې تاسو د شيعه ګانو شاعري او شعارونه وګورئ.... او د الله لپاره په کعبه باندې د بريد د خبرې له لارې خلک مه ګمراه کوئ او د خانه کعبې د ساتلو په جامه کې د سعود د ظالم نسل ساتنه مه کوئ.. ولې تاسو د آمريکې سره د سعود د کهلاوې او پراخه ملګرتيا په اړه بې زبانه یئ...

ځواب
Comment bubble | 10-21-2018

په شام چې کوم وخت راغلی دی، دا په پاکستان هم راتلی شي. نو مونږ له پکار ده چې د خپل هيواد دفاع له مخکې نه وکړو ځکه چې مولا علي علیہ سلام فرمايلي دي: راتلونکی وخت به د تلونکي وخت نه زيات خطرناک وي نو ځکه د امن په وخت کې د جنګ لپاره تيارې وکړئ. زمونږ د هيواد چې کوم حالات دي نو الله دې یې ښه کړي، ټول خلک پوهيږي چې په دې هيواد کې هر څه کيدی شي. که د دې هيواد پوځيان پياوړي نه وي نو مونږ به څنګه خوندي پاتې شو. د الله لپاره په پاکستان کې د شيعه ګانو سره ظلم ختم کړئ ځکه چې تاسو به بل نه بلکې زمونږ در ته ودريږئ. که په دې يقين نه کوئ نو تاريخ وګورئ. يا الله د پاکستان هيواد خوندي وساتی وسلام، د الله بنده ځواب

ځواب
Comment bubble | 10-21-2018

که دا حقيقت وي نو حکومت له پکار ده چې د ايران قونصل خانې بندې کړي او تعلقات ورسره ختم کړي.

ځواب
Comment bubble | 10-20-2018

دا ټول بکواس دی

ځواب
Reply comment | 10-20-2018

جناب دا ټولي فضول خبرې دي، که هلته کې څوک تللې وي، نو مړه شوي به وي، او ولې موږ اندیښنه ولرو. ما ته ووایئ چې آيا دوی د پاکستان په وړاندې څه کړي او یا يې پاکستان ته زیان رسولې، نو پاتې نور فضول خبري دي.

ځواب
Comment bubble | 10-18-2018

پکارده چې پاکستان د ايران د شر نه وساتل شي. شيعه ګان زمونږ مسلمانان وروڼه دي خو ايران تل د پاکستان خلاف پاتې شوی او تل به داسي وي.

ځواب
Comment bubble | 10-18-2018

که چيرې دا په حقيقت وي، نو زه د دې ليکلو ملاتړ کوم او زه د موجوده حکومت څخه غواړم چې د ويزې د ميعاد پوره کيدو سره هغه حاجيان بيرته راستانه کړي کوم چې د پاکستان نه سفر کوي. او که دا بس هسې اختلاف وي، نو زه يې مهم نه ګڼم.

ځواب
Reply comment | 10-26-2018

زه د دې تحقيقات غواړم.

ځواب
Comment bubble | 10-17-2018

دا دروغ دي

ځواب
Comment bubble | 10-17-2018

د کربلا د ليدونکو په لاره کې د خنډونو رامنځته کولو لپاره دروغ ليکل شوي دي .... مقاله ليکونکي ته شايد پته نشته چې کوم ليدونکي ويزه ترلاسه کوي نو د هغوی مشر يوه حلف نامه هم جمع کوي چې بيرته د راتلو په وخت به د پاسپورټ جمع کولو سره د خروج نقل هم جمع کوي.. که چيرې څوک يې جمع نه کړي، نو د هغه خلاف ايف آی آر درج کيږي او هغه په تور ليسټ کې شامل کيږي ... په تيرو پنځو کالو کې د يو مشر خلاف هم ايف آی ار نه دی درج شوی او نه په تور ليسټ کې شامل شوی، نو بيا څنګه به څوک هلته کې لاړ شي؟ د ګروپ نه بغير ويزه هم نه ملاويږي...؟ په الله يقين وکړئ او د چا سره په تعصب او دشمنۍ کې د حد نه تجاوز مه کوئ ... الله هر څه ويني ...

ځواب
Comment bubble | 10-16-2018

بکواس

ځواب
Comment bubble | 10-15-2018

دا ليکل تعصب څرګندوي. که ستاسو سره د پاکستان فکر دی، نو بيا د هر هيواد په اړه ليکل وکړئ؛ په بهرين او يمن کې چې څه کيږي، هغه تاسو ته په نظر نه راځي، تاسو ته هغه څه په نظر نه راځي چې سعوديان يې کوي

ځواب
Comment bubble | 10-15-2018

په شام چې کوم وخت راغلی دی، دا په پاکستان هم راتلی شي. نو مونږ له پکار ده چې د خپل هيواد دفاع له مخکې نه وکړو ځکه چې مولا علي علیہ سلام فرمايلي دي: راتلونکی وخت به د تلونکي وخت نه زيات خطرناک وي نو ځکه د امن په وخت کې د جنګ لپاره تيارې وکړئ. زمونږ د هيواد چې کوم حالات دي نو الله دې یې ښه کړي، ټول خلک پوهيږي چې په دې هيواد کې هر څه کيدی شي. چې د دې هيواد پوځيان پياوړي نه وي نو مونږ به څنګه خوندي پاتې شو. د الله لپاره په پاکستان کې د شيعه ګانو سره ظلم ختم کړئ ځکه چې تاسو به بل نه بلکې زمونږ در ته ودريږئ. که په دې يقين نه کوئ نو تاريخ وګورئ. يا الله د پاکستان هيواد خوندي وساتی وسلام، د الله بنده

ځواب
Comment bubble | 10-15-2018

دا ټول دروغ دي. د ترهګرو پر وړاندې جهاد د الله او د هغه د پيغمبر حکم دی، چې په ټولو مسلمانانو فرض دی. دا ضروري نه ده چې جهاد دې د ايران په امرونو باندې ترسره شي. او هيڅ يو مسلمان له نه ده پکار چې په پټه جهاد وکړي. دا د مسلمانانو مذهبي او قانوني فرض دی.

ځواب
Comment bubble | 10-15-2018

دا دروغو نه علاوه هيڅ نه دي. آيا دوی ته په پاکستان کې منع شوی لشکر جهنګوي په نظر نه راځي. څه شرم وکړئ، حيا وکړئ، خو هغه په تاسو کې نشته.

ځواب
Reply comment | 10-15-2018

ښه ځواب

ځواب
Comment bubble | 10-15-2018

ايران په حقيقت کې د بشار الاسد سره مرسته کوي او د مظلومو خلکو ملاتړ نه کوي...

ځواب
Comment bubble | 10-14-2018

دغه کافر ته هيڅ مه ورکوئ کوم چې پاکستان ته په بد نظر ګوري

ځواب
Comment bubble | 10-14-2018

دا د هر مسلمان فرض دي چې د مقدس ځايونو ساتنه وکړي او دا دروغ دي چې حرم ته د هوتي یاغیانو نه خطر دی، بلکې مقدس ځايونو ته د داعش نه خطر شته.

ځواب
Comment bubble | 10-12-2018

د ایران او شیعه ګانو پر ضد پروپيګنډه. که سعودي عرب د هو تي وسله والو د وژلو لپاره ځواکونه لیږي، نو دا قانوني کار دی او که ایران د داعش سره د مقابلې لپاره پوځونه استوي نو دا ترهګري ده. "تاسو ډير ښه ليکل کوئ!" آيا د ایران د ویرې له کبله تاسو دا کار کوئ او که د سعودي عرب د خوشحالولو لپاره؟ الله پوهيږي

ځواب
Comment bubble | 10-11-2018

په بشپړه توګه د تعصب نه ډکه مقاله، دا ريښتيا نه دي

ځواب
Reply comment | 10-26-2018

ډېر ښه

ځواب
Comment bubble | 10-11-2018

ڈیر عمیق نظر مو خپور کڑے یقیناً دا سے قسمہ گروپونوں لہ وجے نہ مخکے ھم وطن عزیز پاکستان خطر سرہ مخامخ کڑے او ویرہ دہ چہ مستقبل کی ھم اندرونی خالت خرابہ ویئ شی ۔ضروری دے چہ ھر قسمہ ارپکو مخنیوئے وشی۔

ځواب
Comment bubble | 10-11-2018

بې لارې کول

ځواب
Comment bubble | 10-10-2018

ایا آی اس آی په پاکستان کې نه پوهیږي چې زموږ د غریبو خلکو سره څه کيږي. که چيرې دوی پوهیږي، نو پکار ده چې په دې اړه اقدامات وشي.

ځواب
Comment bubble | 10-10-2018

د پاکستان حکومت د سعودي ریالونو له کبله ړوند شوی دی. په یمن کې د بشري حقوقو په وړاندې د رايې ورکولو وروسته، اوس شیعه ټولنه او حاجیان په نښه کيږي.

ځواب
Comment bubble | 10-09-2018

هاهاهاهاهاها

ځواب
Comment bubble | 10-08-2018

سنيان په ايران، سوريه او عراق کې مسلمانان وژني، خو ايران به هم سوله ترلاسه نه کړي.

ځواب
Comment bubble | 10-08-2018

دا ټول دروغ دي، که چیرې زموږ مقدس ځایونه هلته کې خراب شي، نو په پاکستان کې به يو شيعه پاتې نه شي، هر څوک زموږ د مشر د فتوی لپاره خپل ژوند قرباني کولو ته چمتو دی. دا ځکه چې موږ لا تر اوسه په دې پاڼه کې هیڅ ښه خبر نه دی اوریدلی، هر ځل په دې پاڼه کې دروغ او د ځان جوړ شوي خبرونه لیکل کيږي. هرڅوک به هلته کې لاړ شي، جګړه به وکړي او د هغه لپاره به خپل ځان شهيد کړي.

ځواب
Comment bubble | 10-07-2018

هر هغه کس ته پهانسي ورکړئ چې پاکستان ته په بد نظر ګوري.

ځواب
Comment bubble | 10-07-2018

ډيره ښه مقاله. ايران او سعودي عرب په پاکستان کې د امن په ويجاړولو کې تر ټولو مخکې دي.

ځواب
Reply comment | 10-07-2018

پکار ده چې په پاکستان کې د ايران په فعاليتونو بنديز ولګول شي

ځواب
Comment bubble | 10-07-2018

دا بالکل غلطه پروپيګنډه ده.

ځواب
Comment bubble | 10-05-2018

دا ټول دروغ دي. تاسو وهابيانو دا هير کړل چې تاسو په ۸۰ مه عشره کې په افغانستان کې د روسيانو په وړاندې څه کړې ول ... تش په نامه جهاد دا ستاسو په مخ يو ګوزار دی

ځواب
Reply comment | 10-15-2018

دا بالکل سمه خبره ده. ایران به د مسلمانانو د ټولنې دښمن وي.

ځواب
Reply comment | 10-18-2018

د فرقه واريت خپرولو يو کوشش. يوازې پروپيګنده.

ځواب

د رایو شمېر

- آیا تاسو باور لرئ چې د کارتارپور کوريډور پرانيستل به د پاکستان او هند اړیکو ته وده ورکړي؟

نتایج وګورئ