|

سياست

پاکستان فاټا د خیبرپښتونخواه سره يو ځای کوي

که چیرې دا فيصله تصویب شي، نو نوی آيني ترميم به فاټا په قامي بهير کې شامل کړي او د خیبر پښتونخواه سره به يې یوځای کړي.

ای ايف پي


د پاکستان ننداره کونکي د سپتمبر په ۲۱ مه د شمالي وزيرستان په ميران شاه کې د پاکستان اليون او يو کې ميډيا اليون ترمنځ د کرکټ ميچ په دوران کې پلې کارډونه لري. شمالي وزيريستان يو ځل د القاعدې او طالبانو پخوانی مرکز و. نیشنل اسمبلۍ د می په ۲۴ مه د خيبر پښتونخواه سره د فاټا د يو ځاکيدو لپاره يوه مسوده تصویب کړه. [عامر قريشي/ای ايف پي]

د پاکستان ننداره کونکي د سپتمبر په ۲۱ مه د شمالي وزيرستان په ميران شاه کې د پاکستان اليون او يو کې ميډيا اليون ترمنځ د کرکټ ميچ په دوران کې پلې کارډونه لري. شمالي وزيريستان يو ځل د القاعدې او طالبانو پخوانی مرکز و. نیشنل اسمبلۍ د می په ۲۴ مه د خيبر پښتونخواه سره د فاټا د يو ځاکيدو لپاره يوه مسوده تصویب کړه. [عامر قريشي/ای ايف پي]

اسلام آباد --- پاکستان د پنجشنبې په ورځ ( د می په ۲۴ مه) يوه مسوده منظوره کړه چې د فاټا لپاره يې لاره هواره کړه چې په سیاسي بهير کې برخه واخلي او د استعمار دور هغه نظام ختم کړي چې د ډله ايزو سزاګانو اجازت يې ورکوو او اورپکۍ ته يې هوا ورکوله.

د دولتي رسنيو له مخې، په قومي اسمبلۍ کې دننه، ۲۲۹ غړو د دې ترميم په حق کې او يو د دې خلاف رايه ورکړه. ۱۰ غړو په ووټ کې برخه وانه خيستله.

د دې قانون لپاره د سنيټ آخرنۍ منظوري او د صدر دستخط ضروري دی -- چې دا هغه اقدامات دي چې په قومي اسمبلۍ کې د اکثریتي ووټ ترلاسه کولو نه وروسته ضروري ګڼل کيږي.

ډان ورځپاڼې راپور ورکړو چې سنيټ به د دوشنبې په ورځ (د می په ۲۵ مه) د دې مسودې بیاکتنه وکړي.

د دې ترميم مطلب دا دی چې په فاټا کې د استعماري دور قوانین پای ته ورسوي او د دې په ضلعو کې د پاکستان عدالتي نظام قايم کړي او د دې د خلکو لپاره پرمختیایي مرستې زیاتې کړي. که چیرې دا عملي شي، نو فاټا به په رسمي توګه د خیبر پښتونخواه سره يو ځای شي.

نوی ترمیم په پراخه کچه په فاټا کې ولمانځل شو.

د خیبر ایجنسۍ ملک زرنور آفریدي وویل، "دا یوه تاریخي ورځ ده؛ زه ډير زيات خوشحاله يم."

د جنوبي وزيرستان ايجنسۍ سميع الله جان وويل، هغه هيله لري چې په فاټا کې به د پرمختيا په برخه کې زياتوالی وليدل شي.

جان وویل، "دوی به يو شان تعليم، ښه روغتیایي پاملرنه، سړکونه، بجلي، ګيس او اقتصادي فرصتونه ترلاسه کړي."

آیا دا لیکنه ستاسو خوښه شوه؟

Pf icons no 3

تبصره 💬

* ضروري برخې ښيي
Captcha

3 تبصرې 💬

💬

سجاد عالم | 06-02-2018

فاٹا پہ خیبر پختون خواہ کی انظمام د خوش آئند دے۔۔پاکستان حکومت فاٹا دخلقو لپارہ تاریخی فیصلہ اغیستی دہ


💬

ihsanullah shabaz | 05-28-2018

د فاټا نښلول به خیبر پښتون خوا ته سه ګټه ورسوی


💬

Jaffar | 05-25-2018

مونږ د خيبر پښتونخواه سره د فاټا يو ځای کيدو ته هرکلی وايو


د رایو شمېر

آیا تاسو د هند سره د سولې په لور د نوي حکومت د هڅو ملاتړ کوئ؟

نتایج وګورئ