|

امنیت

په انځورونو کې: پاکستاني پوځیان په کرم ایجنسۍ کې د وسلو يوه لويه زیرمه ونيوله

چارواکو هغه درې کسان هم ونیول چې په پاړه چنار کې په دریو ترهګريزو بریدونو کې په لاس لرلو تورن وو.

د محمد آهل لخوا

  • 
چارواکي د اپريل په ۱۰ مه هغه ګوله بارود ښيي کوم چې دوی په کرم ایجنسۍ کې ضبط کړي وې. [آی ايس پي آر]

    چارواکي د اپريل په ۱۰ مه هغه ګوله بارود ښيي کوم چې دوی په کرم ایجنسۍ کې ضبط کړي وې. [آی ايس پي آر]

  • 
امنیتي ځواکونه د اپريل په ۱۰ مه هغه مختلف قسم وسلې ښيي کومې چې دوی په کرم ايجنسۍ کې نيولې وې. [آی ايس پي آر]

    امنیتي ځواکونه د اپريل په ۱۰ مه هغه مختلف قسم وسلې ښيي کومې چې دوی په کرم ايجنسۍ کې نيولې وې. [آی ايس پي آر]

  • 
امنیتي ځواکونه د اپریل په ۱۰ مه یو شمیر ای کې-۴۷ ټوپکونه وړاندې کوي کوم چې په کرم ايجنسۍ کې نيول شوې ول. [آی ايس پي آر]

    امنیتي ځواکونه د اپریل په ۱۰ مه یو شمیر ای کې-۴۷ ټوپکونه وړاندې کوي کوم چې په کرم ايجنسۍ کې نيول شوې ول. [آی ايس پي آر]

  • 
امنیتي ځواکونه د اپريل په ۱۰ مه د مارټر ګولۍ ښیي چې په کرم ایجنسۍ کې نيول شوي وې. [آی ايس پي آر]

    امنیتي ځواکونه د اپريل په ۱۰ مه د مارټر ګولۍ ښیي چې په کرم ایجنسۍ کې نيول شوي وې. [آی ايس پي آر]

  • 
چارواکي د اپریل په ۱۰ مه چاوديدونکي توکي ښي چې په کرم ایجنسۍ کې په رد الفساد عملیاتو کې نيول شوې وې. [آی ايس پي آر]

    چارواکي د اپریل په ۱۰ مه چاوديدونکي توکي ښي چې په کرم ایجنسۍ کې په رد الفساد عملیاتو کې نيول شوې وې. [آی ايس پي آر]

  • 
چارواکي د اپریل په ۱۰ مه د مارټر ګولۍ ښيي چې په کرم ایجنسۍ کې نيول شوې وې. [آی ايس پي آر]

    چارواکي د اپریل په ۱۰ مه د مارټر ګولۍ ښيي چې په کرم ایجنسۍ کې نيول شوې وې. [آی ايس پي آر]

پاړه چنار، کرم ايجنسي -- د پاکستان د پوځ د عامه اړيکو دفتر د يو بيان، چې د سه شنبې په ورځ (د اپريل ۱۰ مه) خپور شو، له مخې، د پاکستان امنيتي ځواکونو او استخباراتي ادارو په کرم ايجنسۍ کې درې شکمن ترهګر نیولي دي، چې د ترهګرۍ يوه ستره شبکه يې ماته کړه او د وسلو يوه لويه زيرمه يې ونيوله.

چارواکو دغه ګډ امنیتي عملیات د رد الفساد عملياتو د برخې په توګه ترسره کړل.

نیول شوي شکمن کسانو اعتراف وکړو چې دوی په پاړه چنار او د صوبې په مرکزي ښار کې په دريو لويو بريدونو کې ښکيل ول چې په دې کې ځان وژونکي بريدونه هم شامل ول.

آی ایس پي آر وویل، دوی د يوې ترهګريزې شبکې سره تړاو لرلو چې په کرم ایجنسۍ کې يې غیرقانوني وسلې، مهمات او چاودیدونکي مواد قاچاق کول.

د شکمنو کسانو څخه د ترلاسه شوي معلوماتو پر بنسټ، چارواکو د مهماتو، بمونو، د لاس جوړې شوي چاودیدونکو توکو، ماینونو او نورو چاودیدونکو توکو يو لوی مقدار په ځمکه کې دننه د وسله والو د يو مرکز نه ترلاسه کړې.

په اسلام آباد کې د امنیتي چارو شنونکی، لفټننټ جنرل (ريټايرډ) امجد شعيب، پاکستان فارورډ ته وویل، "دا عملیات به په ایجنسۍ کې او همدارنګه په ټول هیواد کې د وسله والو لپاره د وسلو او چاوديدونکي توکو سپلايي ماته کړي او د ترهګرۍ سرچینې به ختم کړي."

لفټننت جنرل (ريټايرډ)، طلعت مسعود، چې په اسلام آباد کې يو سينير امنیتي شنونکی دی، پاکستان فارورډ ته وویل، کيدې شي چې ترهګرو دا چاودیدونکي توکي د ملکي خلکو د وژلو لپاره استمعال کړې واې، نو له دې امله د يوې غټې پيښې مخه ونيول شوه.

مسعود وويل، "دا د ترهګرو لپاره دا يو پيغام دی چې پاکستاني ځواکونه چمتو دي او ترهګر دلته کې فعاليت نه شي کولی، حتی په پټه توګه هم."

د بريګيډير محمود شاه، چې په پيښور کې د امنيت شنونکی او د فاټا د امنيت پخوانی سيکريټری دی، له مخې، کرم ډير مهم دی ځکه چې دا د افغانستان د دريو صوبو -- پکتيا، پکتيکا او خوست -- سره پوله لري او د چاوديدونکو توکو او مهماتو نيول به نه يوازې په فاټا کې بلکې د پولې هاخوا هم د ترهګرۍ په له منځه وړلو کې مرسته وکړي.

آیا دا لیکنه ستاسو خوښه شوه؟

Pf icons no 2

تبصره 💬

* ضروري برخې ښيي
Captcha

د رایو شمېر

پاکستان په افغانستان کې د طالبانو سره د سولې په اړه په خبرو اترو کې بايد څه رول ولوبوي؟

نتایج وګورئ